హెయిర్ ఆయిల్ విభాగంలో బలమైన బ్రాండ్ కలిగిన బజాజ్ కన్స్యూమర్ కేర్ 2026-27 ఆర్థిక సంవత్సరం మొదటి త్రైమాసికానికి (Q1 FY27) గానూ సరికొత్త రికార్డు ఫలితాలను ప్రకటించింది. పటిష్టమైన ఆదాయ వృద్ధి మరియు మెరుగైన నిర్వహణ సామర్థ్యాల కారణంగా కంపెనీ నికర లాభం (Net Profit) భారీగా పుంజుకుంది.
గత ఆర్థిక సంవత్సరం ఇదే త్రైమాసికంలో కంపెనీ ₹38.28 కోట్ల ఏకీకృత నికర లాభాన్ని ఆర్జించగా.. ఈ ఏడాది జూన్ త్రైమాసికానికి అది 84% పెరిగి ₹70.75 కోట్లకు చేరినట్లు రెగ్యులేటరీ ఫైలింగ్లో సంస్థ తెలిపింది.
కీలక ఆర్థిక ముఖ్యాంశాలు (Q1 FY27)
నిర్వహణ ఆదాయం (Revenue from Operations): గత ఏడాది క్యూ1లో ₹273.39 కోట్లుగా ఉన్న ఆదాయం, ఈసారి 25% వృద్ధితో ₹341.57 కోట్లకు పెరిగింది.
మొత్తం వ్యయాలు (Total Expenses): వ్యాపార విస్తరణ, అధిక నిర్వహణ ఖర్చుల కారణంగా వ్యయాలు ₹235.17 కోట్ల నుండి ₹262.34 కోట్లకు పెరిగాయి.
బ్రాండ్, మార్కెట్ పనితీరు
కంపెనీ తన ఇన్వెస్టర్ ప్రెజెంటేషన్లో వ్యాపార వృద్ధికి సంబంధించిన పలు కీలక అంశాలను వెల్లడించింది.
డొమెస్టిక్ మార్కెట్ (భారతదేశం): సంస్థ యొక్క ఫ్లాగ్షిప్ బ్రాండ్ 'బజాజ్ ఆల్మండ్ డ్రాప్స్ హెయిర్ ఆయిల్' దేశీయ మార్కెట్లో అత్యుత్తమ వృద్ధిని కనబరిచింది. గ్రామీణ (Rural) మార్కెట్లలో కూడా డిమాండ్ పుంజుకుని, పట్టణ ప్రాంతాల (Urban) వృద్ధి రేటుతో ఉన్న వ్యత్యాసాన్ని తగ్గించింది. జనరల్ ట్రేడ్ (GT), ఆర్గనైజ్డ్ ట్రేడ్ (OT) రెండు విభాగాలూ దాదాపు 25%-30% (High-twenties) రేంజ్లో వృద్ధిని నమోదు చేశాయి. ఆధునిక వాణిజ్యం (Modern Trade) మరియు ఈ-కామర్స్ ఛానెళ్లు ఇందుకు బాగా దోహదపడ్డాయి.
అంతర్జాతీయ వ్యాపారం (International Business): పశ్చిమాసియా (Middle East) సంక్షోభం ఉన్నప్పటికీ, నాయకత్వ మార్పులు, కొత్త పంపిణీ భాగస్వామ్యాల (Distribution Partnerships) వల్ల అంతర్జాతీయ మార్కెట్లు బలంగా కోలుకున్నాయి. నేపాల్, బంగ్లాదేశ్ వంటి ప్రధాన మార్కెట్లలో రెండంకెల ఆదాయ వృద్ధి నమోదైంది. అంతర్జాతీయ వ్యాపారం ప్రస్తుతం రెండంకెల ఎబిటా (EBITDA) మార్జిన్లను సాధిస్తోందని కంపెనీ పేర్కొంది.
స్టాక్ మార్కెట్ విశ్లేషణ & సాంకేతిక దృక్పథం
{{/usCountry}}అంతర్జాతీయ వ్యాపారం (International Business): పశ్చిమాసియా (Middle East) సంక్షోభం ఉన్నప్పటికీ, నాయకత్వ మార్పులు, కొత్త పంపిణీ భాగస్వామ్యాల (Distribution Partnerships) వల్ల అంతర్జాతీయ మార్కెట్లు బలంగా కోలుకున్నాయి. నేపాల్, బంగ్లాదేశ్ వంటి ప్రధాన మార్కెట్లలో రెండంకెల ఆదాయ వృద్ధి నమోదైంది. అంతర్జాతీయ వ్యాపారం ప్రస్తుతం రెండంకెల ఎబిటా (EBITDA) మార్జిన్లను సాధిస్తోందని కంపెనీ పేర్కొంది.
స్టాక్ మార్కెట్ విశ్లేషణ & సాంకేతిక దృక్పథం
{{/usCountry}}ఫలితాల నేపథ్యంలో బజాజ్ కన్స్యూమర్ కేర్ (BAJAJCON) షేరు ధర నేడు మార్కెట్లో సరికొత్త గరిష్టాలను తాకింది. బిఎస్ఈ (BSE)లో ఈ షేరు ₹673.75 వద్ద ప్రారంభమై, ఇంట్రాడేలో గరిష్టంగా ₹691.15 (52 వారాల కొత్త గరిష్టం), కనిష్టంగా ₹651.55 లను తాకింది.
ఎక్స్పర్ట్ వ్యూ (సుదీప్ షా, ఎస్బీఐ సెక్యూరిటీస్): “బజాజ్ కన్స్యూమర్ కేర్ స్టాక్ ప్రస్తుతం బలమైన అప్ట్రెండ్లో (Uptrend) ఉంది. కీలకమైన మూవింగ్ యావరేజ్ల కంటే పైనే ట్రేడవుతోంది. 20-DEMA (Daily Exponential Moving Average) ఈ స్టాక్కు బలమైన డైనమిక్ సపోర్ట్గా పనిచేస్తోంది. టెక్నికల్ ఇండికేటర్లయిన DMI (Directional Movement Index), MACD లు కొనుగోళ్ల జోరు (Buying Dominance) ఎక్కువగా ఉన్నట్లు సూచిస్తున్నాయి. వారపు చార్టులో ADX పెరుగుతుండటం వల్ల ఈ ట్రెండ్ మరింత కొనసాగే అవకాశం ఉంది. ప్రస్తుతం ఈ షేరుకు ₹610– ₹615 జోన్ తక్షణ మద్దతు (Immediate Support) గా ఉంది.”