భారతదేశ సిలికాన్ వ్యాలీగా పేరొందిన బెంగళూరులో సాఫ్ట్వేర్ కొలువు సంపాదించడం కంటే అద్దె ఇల్లు వెతుక్కోవడమే పెద్ద టాస్క్గా మారిపోయింది. బడ్జెట్కు తగ్గ ఇల్లు దొరకడం ఒక ఎత్తైతే, ఆ తర్వాత ఇంటి యజమానులు అడిగే ప్రశ్నలకు సమాధానాలు చెప్పడం మరో ఎత్తు. తాజాగా నగరానికి మకాం మార్చిన ఓ యువకుడికి ఇలాంటి విచిత్రమైన అనుభవమే ఎదురైంది. ఓనర్లు అడిగే ప్రశ్నలు చూసి విసిగిపోయిన సదరు వ్యక్తి, తన గోడును 'రెడిట్' (Reddit) వేదికగా పంచుకున్నారు.
ఇంటర్వ్యూను మించిన ప్రశ్నల వర్షం
సాధారణంగా ఇల్లు అద్దెకు ఇచ్చే ముందు ఎవరైనా ఏం పని చేస్తున్నారు, జీతం ఎంత వస్తుంది అని అడగడం సహజం. కానీ ఈ ఓనర్లు మాత్రం ఏకంగా అభ్యర్థి వ్యక్తిగత జీవితాన్ని స్కాన్ చేస్తున్నారు. పెళ్లైందా? కాకపోతే ఎప్పుడు చేసుకుంటారు? తల్లిదండ్రులు తరచుగా వస్తుంటారా? స్నేహితులు ఇంటికి వస్తారా? ఆహారపు అలవాట్లు ఏంటి? మందు, సిగరెట్ అలవాటు ఉందా? ఆఫీస్ టైమింగ్స్ ఏంటి? ఇలా ఒకట్రెండు కాదు, ఏకంగా ఓ పెద్ద లిస్టునే ముందుంచుతున్నారు. వీటితో పాటు గత మూడు నెలల శాలరీ స్లిప్పులు, పనిచేస్తున్న కంపెనీ వివరాలు, లింక్డ్ఇన్ ప్రొఫైల్, పాత ఓనర్ కాంటాక్ట్ నెంబర్ కూడా అడుగుతున్నారు.
"బెంగళూరులో అద్దెలు మండిపోతున్నాయి, కానీ ఓనర్ల ఇంటర్వ్యూలు మాత్రం మరో స్థాయిలో ఉన్నాయి" అని సదరు నెటిజన్ రెడిట్లో రాసుకొచ్చారు. అద్దెదారుల ఎంపిక ప్రక్రియ చూస్తుంటే ఇల్లు కిరాయికి తీసుకుంటున్నానా లేక ఏదైనా మల్టీనేషనల్ కంపెనీలో జాబ్ ఇంటర్వ్యూకు అటెండ్ అవుతున్నానా అనే సందేహం కలుగుతోందని ఆయన వాపోయారు.
"ఇంత అడుగుతున్నారు కదా.. నా టెన్త్ క్లాస్ మార్కుల మెమో, బ్లడ్ గ్రూప్ సర్టిఫికెట్, పాత ఓనర్ నుంచి క్యారెక్టర్ సర్టిఫికెట్ కూడా ఇవ్వాలా?" అని ఆ యువకుడు వ్యంగ్యంగా ప్రశ్నించారు.
అద్దె 35 వేలు.. అడ్వాన్స్ 10 నెలలు!
కేవలం ఇంటర్వ్యూల వరకే ఈ కష్టాలు పరిమితం కాలేదు. నెలవారీ అద్దె రూ.35,000 పైనే పలుకుతుండగా, ఏకంగా 10 నెలల అద్దెను సెక్యూరిటీ డిపాజిట్గా చెల్లించాల్సి వస్తోంది. దీనికి తోడు నీటి బిల్లుల విషయంలో ఎలాంటి స్పష్టతా ఉండటం లేదు.
నెట్టింట భిన్న స్పందనలు
{{/usCountry}}కేవలం ఇంటర్వ్యూల వరకే ఈ కష్టాలు పరిమితం కాలేదు. నెలవారీ అద్దె రూ.35,000 పైనే పలుకుతుండగా, ఏకంగా 10 నెలల అద్దెను సెక్యూరిటీ డిపాజిట్గా చెల్లించాల్సి వస్తోంది. దీనికి తోడు నీటి బిల్లుల విషయంలో ఎలాంటి స్పష్టతా ఉండటం లేదు.
నెట్టింట భిన్న స్పందనలు
{{/usCountry}}ఈ పోస్ట్ సోషల్ మీడియాలో వైరల్గా మారడంతో నెటిజన్లు తమ అనుభవాలను పంచుకుంటున్నారు. "నిజాయితీగా చెప్పాలంటే, 2017 నుంచి బెంగళూరులో ఉంటున్నాను. ఐదు ఇళ్లు మారినా నాకు ఎప్పుడూ ఇలాంటి అనుభవం ఎదురుకాలేదు" అని ఓ యూజర్ కామెంట్ చేశారు. వేర్వేరు ప్రాంతాల్లో ఉన్నప్పటికీ తన వ్యక్తిగత జీవితం గురించి ఓనర్లు ఎప్పుడూ ఆరా తీయలేదని ఆయన స్పష్టం చేశారు. స్థానికులు కాని ఓనర్ల వల్లే ఇలాంటి ఇబ్బందులు వస్తున్నాయని మరొకరు అభిప్రాయపడ్డారు.
అయితే, అందరు ఓనర్లు ఇలాగే ఉండరని కొందరు నెటిజన్లు చెబుతున్నారు. ఇల్లు ఖాళీ చేసే సమయంలో తన పాత ఓనర్ కేవలం రంగులు వేయడానికి, పోగొట్టుకున్న తాళం చెవికి మాత్రమే డబ్బులు కట్ చేసుకుని మిగతా అడ్వాన్స్ మొత్తం వెనక్కి ఇచ్చేశారని, అలాంటి మంచి ఓనర్లు కూడా ఉన్నారని ఓ నెటిజన్ గుర్తుచేసుకున్నారు.
ఇలాంటి ప్రశ్నల వర్షం కేవలం బెంగళూరుకే పరిమితం కాలేదని మరికొందరు అంటున్నారు. ఎనిమిదేళ్ల క్రితం ముంబైలో ఇల్లు అద్దెకు తీసుకునే సమయంలో ఫ్యామిలీ బ్యాక్గ్రౌండ్, వర్క్ షెడ్యూల్, మందు అలవాట్లు, లేట్ నైట్ పార్టీల గురించి తనను ఓనర్ పదే పదే ప్రశ్నించారని ఓ నెటిజన్ చెప్పుకొచ్చారు.
న్యాయ నిపుణుల సలహా ఏంటి?
డిమాండ్కు తగ్గట్లుగా ఇళ్లు లేకపోవడం వల్లే ఈ పరిస్థితి తలెత్తుతోందని రియల్ ఎస్టేట్ నిపుణులు విశ్లేషిస్తున్నారు. గాలి, వెలుతురు ధారాళంగా వచ్చే ఇల్లు దొరకడమే ఈ రోజుల్లో ఒక లగ్జరీగా మారిపోయింది.
ఇంటి ఓనర్లు అద్దెదారుల నేపథ్యాన్ని ఎంతలా పరిశీలిస్తున్నారో, అద్దెకు దిగేవాళ్లు కూడా అంతే అప్రమత్తంగా ఉండాలని న్యాయ నిపుణులు సూచిస్తున్నారు. సేల్ డీడ్, ప్రాపర్టీ ట్యాక్స్ రశీదులు, ఓనర్ ఐడెంటిటీని కచ్చితంగా వెరిఫై చేసుకోవాలి. అద్దె, డిపాజిట్, నోటీస్ పీరియడ్, మెయింటెనెన్స్ వివరాలను రెంటల్ అగ్రిమెంట్లో స్పష్టంగా రాసుకోవాలి.
"అద్దెకు దిగే ముందు పాత అద్దెదారులతో మాట్లాడి ఓనర్ ప్రవర్తన గురించి తెలుసుకోవడం మంచిది" అని ఓ న్యాయ నిపుణుడు హెచ్టీ రియల్ ఎస్టేట్కు వివరించారు. సరైన డాక్యుమెంటేషన్ ఉంటే భవిష్యత్తులో ఎలాంటి వివాదాలు రాకుండా చూసుకోవచ్చని ఆయన సలహా ఇచ్చారు.