కెనడా వెళ్లాలనుకుంటున్న భారతీయ విద్యార్థులకు, కుటుంబ సభ్యులకు వీసా ప్రాసెసింగ్ సమయం మరింత భారంగా మారింది. దరఖాస్తుల పరిశీలనకు తీసుకునే గడువును ఇమ్మిగ్రేషన్, రెఫ్యూజీస్ అండ్ సిటిజన్‌షిప్ కెనడా (ఐఆర్‌సీసీ) ఇటీవల పెంచింది. అక్టోబర్ 14న విడుదల చేసిన నవీకరించిన సమాచారం ప్రకారం, భారతీయ విద్యార్థుల స్టడీ పర్మిట్, పేరెంట్స్ సూపర్ వీసా ప్రాసెసింగ్ సమయం పెరిగినట్లు స్పష్టమైంది. అదే సమయంలో సందర్శకుల (విజిటర్) వీసా ప్రాసెసింగ్ కాలం ఒక రోజు తగ్గడం గమనార్హం.
పెరుగుతున్న స్టడీ పర్మిట్ నిరీక్షణ సమయం
తాజా గణాంకాల ప్రకారం, భారత్ నుంచి దరఖాస్తు చేసుకునే విద్యార్థుల స్టడీ పర్మిట్ ప్రాసెసింగ్ సమయం గత వారం ఉన్న 6 వారాల నుంచి 7 వారాలకు పెరిగింది. అలాగే వర్క్ పర్మిట్ కోసం నిరీక్షించే కాలం 11 వారాలుగా యథాతథంగా ఉంది. ఒకవేళ కెనడాలోనే ఉంటూ వర్క్ పర్మిట్ కోసం దరఖాస్తు చేసుకుంటే దాదాపు 15 వారాల సమయం పడుతోంది.
విదేశాల నుంచి వచ్చే వర్క్ పర్మిట్ దరఖాస్తులను 60 రోజుల్లోగా, దేశంలోపల ఇచ్చే దరఖాస్తులు లేదా పొడిగింపులను 120 రోజుల్లోగా పూర్తి చేయాలనేది ఐఆర్‌సీసీ సర్వీస్ ప్రామాణికం (సర్వీస్ స్టాండర్డ్). అయితే, ఈ సర్వీస్ ప్రమాణాలు సాధారణ పరిస్థితుల్లో 80 శాతం దరఖాస్తులను క్లియర్ చేయడానికి ఉద్దేశించిన లక్ష్యాలు మాత్రమేనని, నిజమైన ప్రాసెసింగ్ సమయాలు మారవచ్చని అధికారులు పేర్కొన్నారు.
సూపర్ వీసాలకూ నిరీక్షణ తప్పదు.. విజిటర్ వీసాలో స్వల్ప ఉపశమనం
కెనడియన్ పౌరులు, పీఆర్ (శాశ్వత నివాసితులు) పొందిన వారి తల్లిదండ్రులు, తాతముత్తాతలు దీర్ఘకాలం నివసించేందుకు ఇచ్చే సూపర్ వీసాల ప్రాసెసింగ్ కాలం 74 రోజుల నుంచి 77 రోజులకు పెరిగింది. ఈ వీసాలకు ఐఆర్‌సీసీ సర్వీస్ స్టాండర్డ్ గడువు 112 రోజులుగా ఉంది. వీటిని కేవలం కెనడా వెలుపల ఉన్న ప్రాంతాల నుంచే దరఖాస్తు చేసుకోవాల్సి ఉంటుంది.
మరోవైపు భారతీయులకు విజిటర్ వీసాల పరిశీలన సమయం 30 రోజుల నుంచి 29 రోజులకు తగ్గడం కొంత ఊరటనిచ్చే అంశం. అమెరికా నుంచి దరఖాస్తు చేసుకునే వారికి ఈ గడువు 18 రోజులుగానే కొనసాగుతుండగా, కెనడా లోపల నుంచి లేదా నైజీరియా నుంచి పెట్టుకున్న విజిటర్ వీసా దరఖాస్తులకు ప్రాసెసింగ్ సమయం పెరిగింది.
పెండింగ్‌లో లక్షలాది దరఖాస్తులు
{{/usCountry}}మరోవైపు భారతీయులకు విజిటర్ వీసాల పరిశీలన సమయం 30 రోజుల నుంచి 29 రోజులకు తగ్గడం కొంత ఊరటనిచ్చే అంశం. అమెరికా నుంచి దరఖాస్తు చేసుకునే వారికి ఈ గడువు 18 రోజులుగానే కొనసాగుతుండగా, కెనడా లోపల నుంచి లేదా నైజీరియా నుంచి పెట్టుకున్న విజిటర్ వీసా దరఖాస్తులకు ప్రాసెసింగ్ సమయం పెరిగింది.
పెండింగ్‌లో లక్షలాది దరఖాస్తులు
{{/usCountry}}ఇప్పటికే కెనడాలో నివాసముంటూ పర్మిట్లు పొడిగించుకోవాలనుకునే వారికి కూడా తీవ్ర జాప్యం ఎదురవుతోంది. విజిటర్ రికార్డు దరఖాస్తుల ప్రాసెసింగ్‌కు ఏకంగా 357 రోజుల సమయం పడుతోంది. ఇక స్టడీ పర్మిట్ ఎక్స్‌టెన్షన్ కోసం 8 వారాల నిరీక్షణ అవసరమవుతుండగా, ప్రస్తుతం 27,700 దరఖాస్తులు పెండింగ్‌లో ఉన్నాయి. వర్క్ పర్మిట్ ఎక్స్‌టెన్షన్లకు 13 వారాల సమయం పడుతుండగా, ఏకంగా 2,05,400 దరఖాస్తులు పరిశీలన దశలో ఉన్నాయి.
సీఐసీ న్యూస్ అందించిన వివరాల ప్రకారం, ఐఆర్‌సీసీ సాధారణంగా వారానికోసారి తాత్కాలిక నివాస వీసాల (టెంపరరీ రెసిడెన్స్) ప్రాసెసింగ్ అంచనాలను నవీకరిస్తుంది. 2026 జనవరి నుంచి జూలై మధ్య కాలంలో ఐఆర్‌సీసీ మొత్తం 18,32,065 తాత్కాలిక నివాస దరఖాస్తులను పూర్తి చేసింది. అయితే జూలై 31 నాటికి ఇంకా 3,94,000 కంటే ఎక్కువ దరఖాస్తులు పెండింగ్‌లో ఉన్నాయి. దరఖాస్తుల్లోని సంక్లిష్టత, అందుబాటులో ఉన్న వనరులు, అదనపు పత్రాల తనిఖీ వంటి అంశాల ఆధారంగా అసలు ప్రాసెసింగ్ సమయం మారవచ్చని ఐఆర్‌సీసీ స్పష్టం చేసింది.