ఢిల్లీలోని జంతర్ మంతర్ వద్ద నీట్-యుజి (NEET-UG) పేపర్ లీకేజీకి నిరసనగా సాగుతున్న ఆందోళనలు 35వ రోజుకు చేరుకున్నాయి. కాక్రోచ్ జనతా పార్టీ (CJP) ఆధ్వర్యంలో జరుగుతున్న ఈ ఆందోళన తీవ్రరూపం దాల్చడంతో, ప్రభుత్వం తమ నాయకులను ఈ రాత్రికే అరెస్ట్ చేసేందుకు ప్రయత్నిస్తోందని సీజేపీ వ్యవస్థాపకుడు అభిజీత్ దిప్కే సంచలన వ్యాఖ్యలు చేశారు.
వారాంతంలో (శని, ఆదివారాలు) జంతర్ మంతర్కు భారీ సంఖ్యలో విద్యార్థులు, మద్దతుదారులు చేరుకుంటారనే సమాచారంతోనే ప్రభుత్వం ఈ దమనకాండకు దిగుతోందని ఆయన ఆరోపించారు.
నాయకులను అరెస్ట్ చేస్తే ఉద్యమం దేశవ్యాప్తం అవుతుంది: దిప్కే
ఈ సందర్భంగా పిటిఐ (PTI) వార్తా సంస్థతో మాట్లాడిన అభిజీత్ దిప్కే, ప్రభుత్వాన్ని తీవ్రస్థాయిలో హెచ్చరించారు. "శని, ఆదివారాలు రావడంతో రేపటి నుంచి భారీగా జనం తరలివస్తారని ప్రభుత్వానికి సమాచారం అందింది. అందుకే ఈ రాత్రికే మమ్మల్ని నిర్బంధించడానికి లేదా అరెస్టు చేయడానికి ప్రయత్నిస్తున్నారు. ప్రభుత్వం అలాంటి పని చేస్తే అది వారి మరొక పెద్ద పొరపాటు అవుతుంది. సోనమ్ వాంగ్చుక్ను తీసుకెళ్లినప్పుడు ఉద్యమం మరింత బలంగా మారింది. విద్యార్థులపై లాఠీచార్జ్ చేసినప్పుడు నిరసనలు మరింత ఉధృతమయ్యాయి" అని వ్యాఖ్యానించారు.
విద్యాశాఖ మంత్రి ధర్మేంద్ర ప్రధాన్ రాజీనామా చేయడమే ఈ సమస్యకు ఏకైక పరిష్కారమని, తమను అరెస్ట్ చేస్తే ఈ పోరాటం దేశంలోని మూలమూలకూ విస్తరిస్తుందని దిప్కే స్పష్టం చేశారు.
17 మెట్రో స్టేషన్లు మూసివేత
శుక్రవారం జంతర్ మంతర్ వద్ద పోలీసులు అభేద్యమైన భద్రతను ఏర్పాటు చేశారు. ఆందోళన స్థలంలో ఇంటర్నెట్ సేవలను నిలిపివేశారు. భద్రతా కారణాల దృష్ట్యా ఢిల్లీ మెట్రో రైల్ కార్పొరేషన్ (DMRC) జులై 24 ఉదయం 7:30 గంటల నుంచి 17 మెట్రో స్టేషన్లలోకి ప్రవేశాలు, నిష్క్రమణలను తాత్కాలికంగా మూసివేసింది.
మరోవైపు గురువారం అర్ధరాత్రి జంతర్ మంతర్ వైపు వెళ్తున్న 25 మందికి పైగా విద్యార్థులను లోధి కాలనీ పోలీసులు ముందస్తు చర్యగా అదుపులోకి తీసుకున్నారు.
చర్చలు ఏమయ్యాయి?
{{/usCountry}}మరోవైపు గురువారం అర్ధరాత్రి జంతర్ మంతర్ వైపు వెళ్తున్న 25 మందికి పైగా విద్యార్థులను లోధి కాలనీ పోలీసులు ముందస్తు చర్యగా అదుపులోకి తీసుకున్నారు.
చర్చలు ఏమయ్యాయి?
{{/usCountry}}మరోవైపు సీజేపీ ప్రతినిధులు సౌరవ్ దాస్, ఆశుతోష్ రాంకా కేంద్ర మంత్రులు జేపీ నడ్డా, జితేంద్ర సింగ్లతో భేటీ అయ్యారు. నిరసనల్లో పాల్గొన్న విద్యార్థులపై కేసులు ఎత్తివేయడానికి, ఆత్మహత్య చేసుకున్న విద్యార్థుల కుటుంబాలకు పరిహారం అందించడానికి ప్రభుత్వం "సూత్రప్రాయంగా" అంగీకరించిందని సీజేపీ తెలిపింది. అయితే, ధర్మేంద్ర ప్రధాన్ రాజీనామా డిమాండ్పై సమాధానం చెప్పేందుకు కేంద్రం శనివారం వరకు సమయం కోరిందని తెలిపింది.
కఠిన చట్టంపై ప్రధాని మోదీ హామీ
ఈ వివాదంపై ప్రధాని నరేంద్ర మోదీ స్పందిస్తూ ఒక సెల్ఫీ-వీడియోను విడుదల చేశారు. పేపర్ లీకేజీలపై కఠిన చర్యలు తీసుకునేందుకు వీలుగా ప్రత్యేక చట్టం తీసుకువస్తున్నట్లు తెలిపారు.
ఫాస్ట్ ట్రాక్ కోర్టులు, తీవ్రమైన శిక్షలతో కూడిన బిల్లు ముసాయిదాపై శుక్రవారం క్యాబినెట్ భేటీలో చర్చించి, సోమవారం నుంచి ప్రారంభమయ్యే పార్లమెంట్ సమావేశాల్లో బిల్లును ఆమోదింపజేసేందుకు ప్రయత్నిస్తామని ప్రధాని తెలిపారు. అలాగే నిరాహార దీక్ష విరమించిన సోనమ్ వాంగ్చుక్ త్వరగా కోలుకోవాలని ఆయన ఆకాంక్షించారు.