CUET PG 2026 ఫలితాలు విడుదల, స్కోర్ కార్డు ఎలా డౌన్‌లోడ్ చేసుకోవాలి?

CUET PG 2026: దేశవ్యాప్తంగా ఉన్న కేంద్రీయ విశ్వవిద్యాలయాల్లో పీజీ కోర్సుల్లో ప్రవేశాల కోసం నిర్వహించిన CUET PG 2026 ఫలితాలను నేషనల్ టెస్టింగ్ ఏజెన్సీ (NTA) ఈరోజు ఏప్రిల్ 24న విడుదల చేసింది. అభ్యర్థులు తమ స్కోర్ కార్డులను అధికారిక వెబ్‌సైట్ ద్వారా డౌన్‌లోడ్ చేసుకోవచ్చు.

CUET PG 2026: ఉన్నత విద్య కోసం ఎదురుచూస్తున్న విద్యార్థులకు కీలక సమయం వచ్చేసింది. దేశంలోని ప్రతిష్టాత్మక కేంద్రీయ విశ్వవిద్యాలయాలు, ఇతర అనుబంధ విద్యాసంస్థల్లో ఎంఏ, ఎమ్మెస్సీ, ఎంటెక్ వంటి పీజీ కోర్సుల్లో ప్రవేశానికి నిర్వహించిన కామన్ యూనివర్సిటీ ఎంట్రన్స్ టెస్ట్ (CUET PG) ఫలితాలను ఎన్టీఏ (NTA) సిద్ధం చేసింది. మార్చి నెలలో జరిగిన ఈ పరీక్షల ఫలితాలు ఈరోజు ఏప్రిల్ 24, 2026న విడుదల చేసింది.

CUET PG 2026 ఫలితాలు విడుదల, స్కోర్ కార్డు ఎలా డౌన్‌లోడ్ చేసుకోవాలి?

ఫలితాల డైరెక్ట్ లింక్

https://cnr.nic.in/Results26/CUETPg26/Login

పరీక్షా సరళి, నిర్వహణ

ఈ ఏడాది సీయూఈటీ పీజీ పరీక్షలను మార్చి 6 నుండి మార్చి 27వ తేదీ వరకు వివిధ విడతల్లో నిర్వహించారు. కంప్యూటర్ ఆధారిత పరీక్ష (CBT) పద్ధతిలో జరిగిన ఈ ఎగ్జామ్, అభ్యర్థుల సబ్జెక్ట్ నాలెడ్జ్‌ను పరీక్షించేలా ఉంది. లాంగ్వేజెస్, ఎంటెక్ వంటి కొన్ని పేపర్లు మినహా, మిగిలిన ప్రశ్నపత్రాలన్నీ హిందీ, ఇంగ్లీష్ భాషల్లో ద్విభాషా పద్ధతిలో ఇచ్చారు. కేవలం 90 నిమిషాల వ్యవధిలో విద్యార్థులు తమ ప్రతిభను నిరూపించుకోవాల్సి వచ్చింది.

హైదరాబాద్ సెంట్రల్ యూనివర్సిటీ (HCU) వంటి టాప్ యూనివర్సిటీల్లో సీటు సాధించాలంటే ఈ పరీక్షలో వచ్చే స్కోర్ అత్యంత కీలకం. తెలుగు రాష్ట్రాల నుండి వేల సంఖ్యలో విద్యార్థులు ఈసారి పరీక్షకు హాజరయ్యారు.

ఫలితాల వెల్లడి.. మార్కుల లెక్కింపు ఇలా..

ఎన్టీఏ ఇప్పటికే ఏప్రిల్ 11న ప్రాథమిక కీని విడుదల చేసి, విద్యార్థుల నుండి అభ్యంతరాలను స్వీకరించింది. నిపుణుల కమిటీ ఆ అభ్యంతరాలను పరిశీలించిన తర్వాత తుది కీని (Final Answer Key) ఖరారు చేసింది.

"ఫైనల్ కీ ఆధారంగానే అభ్యర్థులు సాధించిన వాస్తవ మార్కులను లెక్కించి, ఫలితాలను ప్రాసెస్ చేస్తాం" అని ఎన్టీఏ స్పష్టం చేసింది. ఫలితాల వెల్లడి తర్వాత కీ విషయంలో ఎలాంటి ఫిర్యాదులను స్వీకరించబోమని అధికారులు ముందుగానే ప్రకటించారు.

ఫలితాలను తనిఖీ చేయడం ఎలా?

మీ ఫలితాలను సులభంగా చూసుకోవడానికి ఈ క్రింది దశలను అనుసరించండి:

• మొదట అధికారిక వెబ్‌సైట్ exams.nta.nic.in/cuet-pg/ సందర్శించండి.
• హోమ్ పేజీలో కనిపించే 'CUET PG Result 2026' లింక్‌పై క్లిక్ చేయండి.
• మీ అప్లికేషన్ నంబర్, పుట్టిన తేదీ వంటి వివరాలను ఎంటర్ చేసి లాగిన్ అవ్వండి.
• స్క్రీన్ మీద మీ ఫలితం/స్కోర్ కార్డు కనిపిస్తుంది.
• భవిష్యత్తు అవసరాల కోసం రిజల్ట్ పేజీని డౌన్‌లోడ్ చేసుకుని, ప్రింట్ అవుట్ తీసుకోండి.

ప్రస్తుతానికి దేశవ్యాప్తంగా ఉన్న సుమారు 190కి పైగా యూనివర్సిటీలు ఈ స్కోర్ ఆధారంగానే ప్రవేశాలు కల్పిస్తున్నాయి. కాబట్టి స్కోర్ కార్డును జాగ్రత్తగా భద్రపరుచుకోవడం ముఖ్యం.