పీఎఫ్ డబ్బులు విత్డ్రా చేసుకునే ప్రక్రియను మరింత సులభతరం చేస్తూ 'ఈపీఎఫ్ఓ 3.0' (EPFO 3.0) పేరిట సరికొత్త డిజిటల్ విప్లవానికి తెరలేపింది. ఈ కొత్త విధానం పూర్తిస్థాయిలో అందుబాటులోకి వస్తే, చందాదారులు తమ అత్యవసర అవసరాల కోసం పీఎఫ్ డబ్బును యూపీఐ (UPI) లేదా యూపీఐ ఆధారిత ఏటీఎమ్ల (ATMs) ద్వారా నేరుగా విత్డ్రా చేసుకోవచ్చు.
ఎంత శాతం డబ్బు విత్డ్రా చేసుకోవచ్చు?
ఈపీఎఫ్ఓ 3.0 నిబంధనల ప్రకారం, చందాదారులు తమ ఖాతాలోని మొత్తం నిల్వలో 50 శాతం నుండి 75 శాతం వరకు నిధులను యూపీఐ ద్వారా తమ బ్యాంకు ఖాతాలోకి బదిలీ చేసుకోవచ్చు. అయితే, ఖాతాలోని కనీసం 25 శాతం సొమ్మును భవిష్యత్తు నిధి భద్రత కోసం (Mandatory Retention) అలాగే ఉంచాల్సి ఉంటుంది.
ప్రస్తుత విధానంలో పీఎఫ్ డబ్బును విత్డ్రా చేసుకోవడానికి వెబ్సైట్ ద్వారా దరఖాస్తు చేసుకుంటే, ఆ సొమ్ము బ్యాంకు ఖాతాలో పడటానికి 15 నుండి 20 రోజుల సమయం పడుతోంది. కొత్త వ్యవస్థ అమల్లోకి వస్తే లింక్డ్ యూపీఐ పిన్ (UPI PIN) ఉపయోగించి సురక్షితంగా, క్షణాల వ్యవధిలోనే నిధులను బదిలీ చేసుకోవచ్చు. ఆ తర్వాత ఆ డబ్బును ఆన్లైన్ పేమెంట్లకు వాడుకోవచ్చు లేదా ఏటీఎమ్ కార్డు ద్వారా నగదుగా మార్చుకోవచ్చు.
ఆటో సెటిల్మెంట్ పరిమితి భారీగా పెంపు
అత్యవసర సమయాల్లో చందాదారులకు మరింత ఊరటనిస్తూ ఆటో సెటిల్మెంట్ (Auto-settlement) పరిమితిని ప్రభుత్వం ఐదు రెట్లు పెంచింది. గతంలో ఉన్న ₹1 లక్ష పరిమితిని ఏకంగా ₹5 లక్షలకు పెంచారు. దీనివల్ల ఇల్లు కొనుగోలు, పిల్లల చదువులు, వైద్య ఖర్చులు లేదా వివాహం వంటి అవసరాల కోసం దరఖాస్తు చేసుకున్న కేవలం మూడు రోజుల్లోనే పీఎఫ్ నిధులు చేతికి అందుతాయి. అయితే ఈ ఏటీఎమ్ విత్డ్రా సదుపాయం కేవలం ఈపీఎఫ్ (EPF) బ్యాలెన్స్కు మాత్రమే వర్తిస్తుందని, ఉద్యోగుల పెన్షన్ స్కీమ్ (EPS) నిధులకు ఇది వర్తించదని అధికారులు స్పష్టం చేశారు.
ఎప్పుడు అందుబాటులోకి వస్తుంది?
కేంద్ర కార్మిక శాఖ మంత్రి మన్సుఖ్ మాండవీయ ఈ సరికొత్త వ్యవస్థపై కీలక ప్రకటన చేశారు. ఈపీఎఫ్ఓ 3.0 కి సంబంధించిన సాంకేతిక పరీక్షలు (Testing) విజయవంతంగా పూర్తయ్యాయని, త్వరలోనే దీనిని దేశవ్యాప్తంగా అందుబాటులోకి తెస్తామని ఆయన వెల్లడించారు. ప్రస్తుతానికి ఈ వ్యవస్థ తుది దశ అభివృద్ధిలో ఉంది.
{{/usCountry}}కేంద్ర కార్మిక శాఖ మంత్రి మన్సుఖ్ మాండవీయ ఈ సరికొత్త వ్యవస్థపై కీలక ప్రకటన చేశారు. ఈపీఎఫ్ఓ 3.0 కి సంబంధించిన సాంకేతిక పరీక్షలు (Testing) విజయవంతంగా పూర్తయ్యాయని, త్వరలోనే దీనిని దేశవ్యాప్తంగా అందుబాటులోకి తెస్తామని ఆయన వెల్లడించారు. ప్రస్తుతానికి ఈ వ్యవస్థ తుది దశ అభివృద్ధిలో ఉంది.
{{/usCountry}}"కొత్త ప్రాజెక్టులో భాగంగా పీఎఫ్ ఖాతాలోని కొంత భాగాన్ని నిలిపి ఉంచి, సింహభాగాన్ని (50-75%) చందాదారుల బ్యాంకు ఖాతాలకు యూపీఐ ద్వారా నేరుగా బదిలీ చేసేలా ఏర్పాట్లు చేస్తున్నాం" అని కేంద్ర మంత్రి పేర్కొన్నారు.
ఉమాంగ్ యాప్, వాట్సాప్ సేవలు
ఈపీఎఫ్ఓ 3.0 లో భాగంగా చందాదారులు ఉమాంగ్ (UMANG) యాప్లో ఫేస్ ఆథెంటికేషన్ టెక్నాలజీ (FAT) ద్వారా తమ యూఏఎన్ (UAN) నంబర్ను సులభంగా యాక్టివేట్ చేసుకోవచ్చు. దీని ద్వారా పీఎఫ్ పాస్బుక్ చూడటం, సమాచారాన్ని అప్డేట్ చేయడం, ఆన్లైన్ క్లెయిమ్లు సబ్మిట్ చేయడం సులువవుతుంది. ఆధార్ అనుసంధానంలో ఏవైనా తప్పులు ఉంటే మెంబర్ పోర్టల్లోని 'జాయింట్ డిక్లరేషన్' ద్వారా సరిచేసుకోవచ్చు.
మొబైల్ వినియోగదారుల కోసం వాట్సాప్ (WhatsApp) సేవలను కూడా ఈపీఎఫ్ఓ విస్తరిస్తోంది. గ్రీన్ టిక్ మార్క్ ఉన్న ఈపీఎఫ్ఓ అధికారిక వాట్సాప్ నంబర్కు 'Hello' అని మెసేజ్ చేయడం ద్వారా చందాదారులు తమ సందేహాలకు 24 గంటలూ సమాధానాలు పొందవచ్చు. ఈ సమాచార మార్పిడి అంతా తెలుగు సహా ఇతర ప్రాంతీయ భాషల్లోనే సాగుతుంది.
వివాదాల త్వరితగతిన పరిష్కారం
వివిధ న్యాయ వేదికల్లో పెండింగ్లో ఉన్న కేసులను త్వరగా పరిష్కరించేందుకు ఈపీఎఫ్ఓ 'మిషన్ మోడ్' డ్రైవ్ను చేపట్టింది. 'నిధి ఆప్కే నికట్' (NAN) కార్యక్రమం ద్వారా వినియోగదారుల కోర్టుల్లో ఉన్న కేసులను ముందే గుర్తించి, వాటిని వేగంగా పరిష్కరిస్తున్నారు. కాగా, ప్రభుత్వ అధికారిక గణాంకాల ప్రకారం గత ఆర్థిక సంవత్సరంలో (2024-25) 1.29 కోట్లకు పైగా కొత్త కార్మికులు ఈపీఎఫ్ఓ పరిధిలోకి వచ్చారు. అలాగే దేశంలో నిరుద్యోగిత రేటు 2017-18లో ఉన్న 6 శాతం నుండి 2023-24 నాటికి 3.2 శాతానికి తగ్గింది.
ముఖ్య గమనిక: పీఎఫ్ ఖాతాదారులు సైబర్ మోసాల బారిన పడకుండా ఉండేందుకు తమ ఓటీపీ (OTP), యూఏఎన్ (UAN) పాస్వర్డ్, ఆధార్, పాన్ లేదా బ్యాంక్ వివరాలను ఎవరితోనూ పంచుకోవద్దని అధికారులు హెచ్చరిస్తున్నారు.