లైంగిక నేరస్థుడు జెఫ్రీ ఎప్‌స్టీన్ కేసుకు సంబంధించిన పత్రాలు ఇప్పుడు మధ్యప్రాచ్యంలో కొత్త రాజకీయ వేడిని రగిలిస్తున్నాయి. ఇరాన్ మద్దతుగల యెమెన్ హౌతీ తిరుగుబాటుదారులు ఈ ఫైళ్ల ఆధారంగా సౌదీ అరేబియాపై విమర్శల దాడిని తీవ్రతరం చేశారు. ముస్లింల అత్యంత పవిత్ర స్థలమైన మక్కాలోని 'కాబా' రక్షణ వస్త్రాన్ని (కిస్వా) ఎప్‌స్టీన్ ప్రైవేట్ ద్వీపానికి పంపారనే కథనాలను హౌతీలు ప్రధాన ఆయుధంగా మలచుకున్నారని 'న్యూయార్క్ టైమ్స్' తన నివేదికలో వెల్లడించింది.
ఇస్లాం విలువలకు సౌదీ విఘాతం కలిగిస్తోందంటూ ప్రచారం
అమెరికా న్యాయశాఖ (డీఓజే) ఇటీవల విడుదల చేసిన పత్రాలలో సౌదీ రాజకుటుంబంతో సంబంధాలున్న వ్యక్తులు కాబాను అలంకరించిన పవిత్ర వస్త్రాన్ని ఎప్‌స్టీన్‌కు బహుమతిగా ఇచ్చినట్లు ఆరోపణలు వెలువడ్డాయి. ఈ అంశాన్ని హౌతీలు తమ రాజకీయ ప్రయోజనాల కోసం విస్తృతంగా వాడుకుంటున్నారు. సోషల్ మీడియా పోస్టులు, వీడియోలు, పాటలు, ప్రసంగాలు, ఆన్‌లైన్ ఇన్‌ఫ్లుయెన్సర్ల ద్వారా సౌదీకి వ్యతిరేకంగా పెద్దఎత్తున ప్రచారం నిర్వహిస్తున్నారు.
తాము ఇస్లామిక్ విలువలను, ధర్మాన్ని పరిరక్షించే యోధులమని చెప్పుకుంటున్న హౌతీలు.. సౌదీ అరేబియా ఆ సూత్రాలకు విరుద్ధంగా ప్రవర్తిస్తోందని ప్రజల్లోకి తీసుకెళ్లే ప్రయత్నం చేస్తున్నారు. యెమెన్‌లో అంతర్జాతీయంగా గుర్తింపు పొందిన ప్రభుత్వానికి సౌదీ మద్దతు ఇస్తుండగా, ఆ ప్రభుత్వంతో హౌతీలు సుదీర్ఘకాలంగా పోరాడుతున్న విషయం తెలిసిందే.
సైనిక దాడులతో పాటు ప్రచార యుద్ధం
ఇరాన్‌తో అమెరికా-ఇజ్రాయెల్ ఉద్రిక్తతల నేపథ్యంలో యెమెన్ ఘర్షణలు మళ్లీ తీవ్రరూపం దాల్చాయి. ఈ క్రమంలో సౌదీ అరేబియాపై క్షిపణులు, డ్రోన్ దాడులతో విరుచుకుపడుతున్న హౌతీలు, దానికి సమాంతరంగా ఈ మీడియా ప్రచారాన్ని కూడా ముమ్మరం చేశారు.
పోరాటం ఒకవైపు సాగుతుండగానే.. గత నెలలో మక్కా నగరంపై దాడులు జరిపేందుకు హౌతీలు ప్రయత్నించారని సౌదీ అరేబియా ఆరోపించింది. దీంతో మక్కాలో భద్రతను తీవ్రతరం చేశారు. అయితే ఈ ఆరోపణలను హౌతీ తిరుగుబాటుదారులు ఖండించారు.
కాబా వస్త్రం వివాదంపై హౌతీ అధ్యక్షుడి వ్యాఖ్యలు
పవిత్రమైన కాబా వస్త్రాన్ని ఎప్‌స్టీన్‌కు అప్పగించడం ద్వారా సౌదీ పాలకులు ఇస్లామిక్ విశ్వాసాలకు ద్రోహం చేశారని హౌతీల మీడియా నెట్వర్క్ ప్రచారం చేస్తోంది. "ఎప్‌స్టీన్‌కు కాబా రక్షణ వస్త్రాన్ని ఇచ్చినవారే మక్కాను లక్ష్యంగా చేసుకుంటారు తప్ప మేము కాదు" అని హౌతీల అధ్యక్షుడు మహ్దీ అల్-మషాత్ తమ అధికారిక వార్తాసంస్థకు స్పష్టం చేశారు.
{{/usCountry}}పవిత్రమైన కాబా వస్త్రాన్ని ఎప్‌స్టీన్‌కు అప్పగించడం ద్వారా సౌదీ పాలకులు ఇస్లామిక్ విశ్వాసాలకు ద్రోహం చేశారని హౌతీల మీడియా నెట్వర్క్ ప్రచారం చేస్తోంది. "ఎప్‌స్టీన్‌కు కాబా రక్షణ వస్త్రాన్ని ఇచ్చినవారే మక్కాను లక్ష్యంగా చేసుకుంటారు తప్ప మేము కాదు" అని హౌతీల అధ్యక్షుడు మహ్దీ అల్-మషాత్ తమ అధికారిక వార్తాసంస్థకు స్పష్టం చేశారు.
{{/usCountry}}అమెరికా న్యాయశాఖ తాజా ఫైళ్లను విడుదల చేసినప్పటికీ, హౌతీలు చేస్తున్న ఈ తీవ్రమైన ఆరోపణలపై గానీ, కాబా వస్త్రం బదిలీపై వస్తున్న కథనాలపై గానీ సౌదీ అరేబియా ప్రభుత్వం ఇప్పటివరకు ఎలాంటి అధికారిక ప్రకటన విడుదల చేయలేదు.