హైదరాబాద్ కేంద్రంగా కార్యకలాపాలు నిర్వహిస్తున్న ప్రముఖ వంటనూనెల తయారీ సంస్థ 'జెమిని ఎడిబుల్స్ అండ్ ఫ్యాట్స్ ఇండియా లిమిటెడ్' (GEFL) స్టాక్ మార్కెట్లలోకి అడుగుపెట్టేందుకు సన్నాహాలు ముమ్మరం చేసింది. పబ్లిక్ ఇష్యూ ద్వారా నిధుల సేకరణకు అనుమతి కోరుతూ భారత మూలధన మార్కెట్ల నియంత్రణ సంస్థ 'సెబీ'కి (SEBI) ముసాయిదా ప్రాస్పెక్టస్ (DRHP) దాఖలు చేసింది.
ఆఫర్ ఫర్ సేల్ రూపంలో ఐపీవో
ఈ పబ్లిక్ ఆఫర్ పూర్తిగా 'ఆఫర్ ఫర్ సేల్' (OFS) రూపంలో సాగనుంది. కంపెనీ ప్రమోటర్లు, ప్రస్తుత ఇన్వెస్టర్లు కలిపి గరిష్టంగా 4.11 కోట్ల ఈక్విటీ షేర్లను విక్రయించనున్నారు. ప్రమోటర్లు అల్కా చౌదరి, గోల్డెన్ అగ్రి ఇంటర్నేషనల్ ఎంటర్ప్రైజెస్ (GAIE) సుమారు 20.6 లక్షల షేర్లను విక్రయిస్తుండగా.. ఇన్వెస్ట్మెంట్ ఫండ్స్ అయిన బ్లాక్ రివర్ ఫుడ్ 2 పీటీఈ లిమిటెడ్ 3.086 కోట్లు, ఇన్వెస్ట్మెంట్ అండ్ కమర్షియల్ ఎంటర్ప్రైజ్ (ICE) 61.7 లక్షల షేర్లను ఆఫర్ చేస్తున్నాయి.
ఈ ఇష్యూలో కొత్త షేర్ల జారీ (Fresh Issue) ఏమీ లేదు. ఫలితంగా షేర్ల విక్రయం ద్వారా వచ్చే నిధులన్నీ అమ్మకం జరుపుతున్న వాటాదారులకే చేరుతాయి. కంపెనీకి ఎలాంటి సొమ్ము దక్కదు. ఈ షేర్లను బీఎస్ఈ (BSE), ఎన్ఎస్ఈ (NSE) వేదికలపై లిస్ట్ చేయనున్నారు. మోతీలాల్ ఓస్వాల్ ఇన్వెస్ట్మెంట్ అడ్వైజర్స్, ఐఐఎఫ్ఎల్ క్యాపిటల్ సర్వీసెస్ సంస్థలు ఈ ఇష్యూకి బుక్ రన్నింగ్ లీడ్ మేనేజర్లుగా వ్యవహరిస్తున్నాయి.
'ఫ్రీడమ్' బ్రాండ్తో దక్షిణాదిలో అగ్రస్థానం
పరిశ్రమ దిగ్గజం ప్రదీప్ కుమార్ చౌదరి నేతృత్వంలో నడుస్తున్న జీఈఎఫ్ఎల్.. ప్రధానంగా వంటనూనెలు, స్పెషాలిటీ ఫ్యాట్స్ తయారీ, ప్రాసెసింగ్, మార్కెటింగ్ రంగాల్లో కొనసాగుతోంది. ఫ్రీడమ్ (Freedom), బి-రైట్ (Be-Rite), ఫస్ట్ క్లాస్ (First Klass) బ్రాండ్ల ద్వారా వినియోగదారులకు సేవలందిస్తోంది. కన్జ్యూమర్ గుడ్స్ ప్లాట్ఫామ్గా ఎదిగే క్రమంలో మసాలా దినుసులు, కన్వీనియెన్స్ ఫుడ్స్ విభాగానికి కూడా వ్యాపారాన్ని విస్తరించింది.
దేశీయంగా బ్రాండెడ్ సన్ఫ్లవర్ ఆయిల్ మార్కెట్లో 18 శాతం ఆదాయ వాటాతో జీఈఎఫ్ఎల్ నంబర్ వన్ స్థానంలో నిలిచింది. దక్షిణాది ప్యాకేజ్డ్ సన్ఫ్లవర్ ఆయిల్ రిటైల్ మార్కెట్లో 22.2 శాతం వాటాతో పాటు తెలంగాణ, ఆంధ్రప్రదేశ్, ఒడిశా మార్కెట్లలో మార్కెట్ లీడర్గా కొనసాగుతోంది. 1,600 మంది డిస్ట్రిబ్యూటర్లు, 3 లక్షలకు పైగా రిటైల్ ఔట్లెట్లు, 60కి పైగా వేర్హౌస్ల నెట్వర్క్తో 31.8 కోట్ల మంది వినియోగదారులకు ఈ సంస్థ ఉత్పత్తులను చేరువ చేస్తోంది.
నిలకడగా ఆదాయ వృద్ధి.. విస్తరణే లక్ష్యం
{{/usCountry}}దేశీయంగా బ్రాండెడ్ సన్ఫ్లవర్ ఆయిల్ మార్కెట్లో 18 శాతం ఆదాయ వాటాతో జీఈఎఫ్ఎల్ నంబర్ వన్ స్థానంలో నిలిచింది. దక్షిణాది ప్యాకేజ్డ్ సన్ఫ్లవర్ ఆయిల్ రిటైల్ మార్కెట్లో 22.2 శాతం వాటాతో పాటు తెలంగాణ, ఆంధ్రప్రదేశ్, ఒడిశా మార్కెట్లలో మార్కెట్ లీడర్గా కొనసాగుతోంది. 1,600 మంది డిస్ట్రిబ్యూటర్లు, 3 లక్షలకు పైగా రిటైల్ ఔట్లెట్లు, 60కి పైగా వేర్హౌస్ల నెట్వర్క్తో 31.8 కోట్ల మంది వినియోగదారులకు ఈ సంస్థ ఉత్పత్తులను చేరువ చేస్తోంది.
నిలకడగా ఆదాయ వృద్ధి.. విస్తరణే లక్ష్యం
{{/usCountry}}ఆంధ్రప్రదేశ్లోని కాకినాడలో రెండు, కృష్ణపట్నంలో ఒక ప్లాంట్ చొప్పున జీఈఎఫ్ఎల్కు మొత్తం మూడు రిఫైనరీ ప్లాంట్లు ఉన్నాయి. వీటి వార్షిక రిఫైనింగ్ సామర్థ్యం 12,22,500 మెట్రిక్ టన్నులు కాగా, 2026 ఆర్థిక సంవత్సరంలో 6,66,174 మెట్రిక్ టన్నుల ఉత్పత్తిని సాధించింది.
కంపెనీ ఆర్థిక పనితీరును పరిశీలిస్తే, 2020-2025 మధ్య కాలంలో బ్రాండెడ్ ఆదాయంలో 20.5 శాతం కాంపౌండ్ వార్షిక వృద్ధి రేటు (CAGR) నమోదు చేసింది. సాధారణ మార్కెట్ వృద్ధి (10.1 శాతం)తో పోలిస్తే ఇది రెట్టింపు కావడం విశేషం. కంపెనీ ఆదాయం 2024 ఆర్థిక సంవత్సరంలో రూ. 9,053.84 కోట్లు ఉండగా, 2025 నాటికి రూ. 10,755.95 కోట్లకు, 2026 ఆర్థిక సంవత్సరంలో 16.83 శాతం వృద్ధితో రూ. 12,650 కోట్లకు చేరుకుంది. రాబోయే రోజుల్లో కేరళ, కర్ణాటక, పశ్చిమ బెంగాల్ సహా తూర్పు భారతదేశ మార్కెట్లలో తమ నెట్వర్క్ను మరింత పెంచుకోవాలని కంపెనీ ప్రణాళికలు రచిస్తోంది.