భారతదేశంలో రూ. 100 కోట్ల కంటే ఎక్కువ వార్షిక ఆదాయాన్ని నివేదించే ధనవంతుల సంఖ్య గణనీయంగా పెరిగింది. పార్లమెంట్ వర్షాకాల సమావేశాల్లో కేంద్ర ఆర్థిక శాఖ సహాయ మంత్రి పంకజ్ చౌదరి లోక్సభలో అడిగిన ఒక ప్రశ్నకు లిఖితపూర్వక సమాధానమిస్తూ ఈ వివరాలను వెల్లడించారు.
ఐదేళ్లలో సంఖ్య పెరిగిన తీరు (క్రమ పరిణామం)
గత ఐదేళ్ల ఆదాయపు పన్ను రిటర్నుల (ITR) విశ్లేషణను పరిశీలిస్తే రూ. 100 కోట్లకు పైగా గ్రాస్ టోటల్ ఇన్కమ్ చూపిస్తున్న వ్యక్తుల సంఖ్య నిలకడగా పెరుగుతూ వస్తోంది:
| అసెస్మెంట్ ఇయర్ (AY) | రూ.100 కోట్లు ఆపైన ఆదాయం తెలిపిన వ్యక్తులు |
|---|---|
| 2021-22 | 142 |
| 2022-23 | 301 |
| 2023-24 | 284 |
| 2024-25 | 415 |
| 2025-26 | 576 |
చట్టంలో 'బిలియనీర్' అనే పదానికి నిర్వచనం లేదు
ఆదాయపు పన్ను చట్టం, 2025 లేదా పాత ఆదాయపు పన్ను చట్టం, 1961 కింద 'బిలియనీర్' (Billionaire) అనే పదానికి ఎలాంటి చట్టబద్ధమైన స్పష్టమైన నిర్వచనం లేదని కేంద్ర మంత్రి స్పష్టం చేశారు. ఐటిఆర్ రిటర్నుల ఆధారంగా రూ. 100 కోట్లు లేదా అంతకంటే ఎక్కువ మొత్తం పొందుతున్న వ్యక్తుల వివరాలను మాత్రమే ప్రభుత్వం పరిగణనలోకి తీసుకుంటుంది.
అలాగే, 'వెల్త్ ట్యాక్స్ యాక్ట్, 1957' (Wealth-tax Act)ను ఏప్రిల్ 1, 2016 నుండి రద్దు చేయడం వల్ల వ్యక్తుల మొత్తం సంపద (Total Wealth) గురించిన సమాచారాన్ని ప్రభుత్వం ప్రత్యేకంగా సేకరించడం లేదని చెప్పారు.
ఆర్థిక అసమానతలు తగ్గుముఖం: ప్రభుత్వం
{{/usCountry}}అలాగే, 'వెల్త్ ట్యాక్స్ యాక్ట్, 1957' (Wealth-tax Act)ను ఏప్రిల్ 1, 2016 నుండి రద్దు చేయడం వల్ల వ్యక్తుల మొత్తం సంపద (Total Wealth) గురించిన సమాచారాన్ని ప్రభుత్వం ప్రత్యేకంగా సేకరించడం లేదని చెప్పారు.
ఆర్థిక అసమానతలు తగ్గుముఖం: ప్రభుత్వం
{{/usCountry}}ఇటీవల వెలువడిన 'గృహ వినియోగ వ్యయ సర్వే (2023-24)' ప్రకారం, గ్రామీణ, పట్టణ ప్రాంతాల్లో ఆదాయ అసమానతలు తగ్గాయని 'గిని కోఎఫీషియంట్' (Gini Coefficient) ప్రభుత్వం వెల్లడించింది.
గ్రామీణ ప్రాంతాలు: గిని సూచీ 2022-23లోని 0.266 నుండి 0.237కి తగ్గింది.
పట్టణ ప్రాంతాలు: గిని సూచీ 0.314 నుండి 0.284కి పడిపోయింది.
(నోట్: గిని కోఎఫీషియంట్ అనేది ఆదాయ అసమానతలను కొలిచే సూచిక. 0 అంటే పూర్తి సమానత్వం, 1 అంటే సంపూర్ణ అసమానతను సూచిస్తుంది.)
తగ్గతున్న నిరుద్యోగిత, పేదరికం
నిరుద్యోగిత రేటు: 15 ఏళ్లు అంతకంటే ఎక్కువ వయస్సు ఉన్నవారిలో నిరుద్యోగిత రేటు 2022లో 3.6 శాతంగా ఉండగా, 2025 నాటికి అది 3.1 శాతానికి తగ్గిందని ప్రభుత్వం ప్రకటించింది.
బహుమితీయ పేదరికం: నీతి ఆయోగ్ (NITI Aayog) డేటా ప్రకారం గడిచిన పదేళ్లలో బహుమితీయ పేదరికం (Multidimensional Poverty) కూడా గణనీయంగా తగ్గింది.
పురోగతితో కూడిన ఆదాయపు పన్ను విధానం, ఉద్యోగ ఆధారిత పన్ను ప్రోత్సాహకాలు, స్టార్టప్లు, స్వయం ఉపాధి, రంగానికి అవసరమైన మౌలిక సదుపాయాలు, ఆరోగ్య సంరక్షణ వంటి సంక్షేమ పథకాల ద్వారా అందరికీ అందుబాటులో ఉండే ఆర్థిక వృద్ధిని ప్రోత్సహిస్తున్నట్లు మంత్రి పంకజ్ చౌదరి తెలిపారు.