దేశీయ స్టాక్ మార్కెట్ చరిత్రలోనే సరికొత్త సంచలనానికి తెరలేవబోతోంది. ముకేశ్ అంబానీకి చెందిన ప్రముఖ డిజిటల్, టెలికాం దిగ్గజం 'జియో ప్లాట్‌ఫార్మ్స్' తొలి పబ్లిక్ ఆఫరింగ్ (ఐపీఓ)కు సిద్ధమైంది. అక్టోబర్ 21న ప్రాథమిక మార్కెట్‌లోకి రానున్న ఈ ఐపీఓ ద్వారా దాదాపు ₹37,700 కోట్లు సేకరించాలని కంపెనీ భావిస్తోంది. ఒక్కో షేరు ధరను ₹1,300 నుంచి ₹1,450 మధ్య నిర్ణయించే అవకాశముందని సమాచారం. భారతదేశంలోనే ఇది అతిపెద్ద పబ్లిక్ ఆఫరింగ్‌గా నిలవనుండటంతో, రిలయన్స్ ఇండస్ట్రీస్ (RIL) వాటాదారులు దీనిపై భారీ ఆశలు పెట్టుకున్నారు.
రిలయన్స్ వ్యాల్యూ అన్‌లాకింగ్
ప్రస్తుతం రిలయన్స్ గ్రూప్ విస్తృత వ్యాపారాల నీడలోనే జియో డిజిటల్, టెలికాం సేవలు కొనసాగుతున్నాయి. ప్రత్యేకంగా ఐపీఓకు రావడం వల్ల జియో అసలు విలువ ఎంతనేది మార్కెట్లో స్పష్టమవుతుందని నిపుణులు అంచనా వేస్తున్నారు. జియోకు ఉన్న విస్తృతమైన కస్టమర్ బేస్, 5జీ నెట్‌వర్క్, క్లౌడ్ సేవలు, ఆర్టిఫిషియల్ ఇంటెలిజెన్స్ (AI) అవకాశాలకు స్వతంత్రంగా లభించే విలువ.. ఆర్‌ఐఎల్ మొత్తం సమ్-ఆఫ్-ది-పార్ట్స్ (SOTP) వ్యాల్యుయేషన్‌ను మరింత పెంచుతుందని ఎస్‌ఎంసీ గ్లోబల్ సెక్యూరిటీస్ సీనియర్ విశ్లేషకురాలు సీమా శ్రీవాస్తవ తెలిపారు. ఇది హోల్డింగ్ కంపెనీకి ఉండే డిస్కౌంట్‌ను తగ్గించి, ఆర్‌ఐఎల్ షేరు ధరకు బలమైన మద్దతుగా నిలుస్తుందని విశ్లేషిస్తున్నారు.
సమకూరే నిధులతో అప్పుల తగ్గుదల
జియో ప్లాట్‌ఫార్మ్స్ ప్రణాళిక ప్రకారం ఈ ఐపీఓ ప్రధానంగా కొత్త షేర్ల జారీ (Fresh Issue) రూపంలో సాగనుంది. దీని ద్వారా లభించే ₹37,700 కోట్ల నిధులు నేరుగా జియో ఖాతాకే చేరతాయి. టెలికాం విస్తరణతో పాటు వ్యాపార కార్యకలాపాల కోసం తీసుకున్న రుణాలను చెల్లించేందుకు ఈ నిధులను ఉపయోగించనున్నారు. దీనివల్ల జియో ప్లాట్‌ఫార్మ్స్ ఆర్థికంగా మరింత బలోపేతమవుతుందని, భవిష్యత్తు లాభదాయకత పెరుగుతుందని భావిస్తున్నారు.
ఆర్‌ఐఎల్ వాటాదారులకు ప్రత్యేక కోటా
రిలయన్స్ ఇండస్ట్రీస్ ప్రస్తుత వాటాదారులకు ఈ ఐపీఓలో ప్రత్యేక రిజర్వేషన్ విభాగం (Shareholder Category) కింద దరఖాస్తు చేసుకునే అవకాశం లభించనుంది. దీనికి సంబంధించిన అర్హత ప్రమాణాలు, రిజర్వేషన్ పరిమాణ వివరాలు ఆర్‌ఐఎల్ దాఖలు చేసే రెడ్ హెరింగ్ ప్రాస్పెక్టస్ (RHP) ద్వారా అధికారికంగా వెల్లడికానున్నాయి.
{{/usCountry}}రిలయన్స్ ఇండస్ట్రీస్ ప్రస్తుత వాటాదారులకు ఈ ఐపీఓలో ప్రత్యేక రిజర్వేషన్ విభాగం (Shareholder Category) కింద దరఖాస్తు చేసుకునే అవకాశం లభించనుంది. దీనికి సంబంధించిన అర్హత ప్రమాణాలు, రిజర్వేషన్ పరిమాణ వివరాలు ఆర్‌ఐఎల్ దాఖలు చేసే రెడ్ హెరింగ్ ప్రాస్పెక్టస్ (RHP) ద్వారా అధికారికంగా వెల్లడికానున్నాయి.
{{/usCountry}}దీర్ఘకాలిక కోణంలో రిలయన్స్ షేర్లను కలిగి ఉన్న ఇన్వెస్టర్లు తమ పెట్టుబడులను కొనసాగించడమే మంచిదని నిపుణులు సూచిస్తున్నారు. ఐపీఓ ద్వారా లభించే వ్యాల్యూ అన్‌లాకింగ్ ప్రయోజనాన్ని పొందుతూనే, పోర్ట్‌ఫోలియోలో ఒకే గ్రూప్ షేర్లపై పరిమితికి మించి భారం పడకుండా జాగ్రత్త పడాలని మాస్టర్ క్యాపిటల్ సర్వీసెస్ రీసెర్చ్ హెడ్ రవి సింగ్ స్పష్టం చేశారు. కేవలం స్వల్పకాలిక లాభాల కోసమే కాకుండా, కంపెనీ దీర్ఘకాలిక వృద్ధిని ప్రాతిపదికగా తీసుకోవాలని ఇన్వెస్టర్లకు సలహా ఇచ్చారు.
(గమనిక: ఈ విశ్లేషణ కేవలం సమాచారం కోసం మాత్రమే. స్టాక్ మార్కెట్లలో పెట్టుబడులు రిస్క్‌తో కూడుకున్నవి. మార్కెట్లో పెట్టుబడి పెట్టే ముందు సర్టిఫైడ్ ఫైనాన్షియల్ అడ్వైజర్లను సంప్రదించడం శ్రేయస్కరం.)