కియా కార్లపై భారీ డిస్కౌంట్లు.. జులైలో రూ.1.5 లక్షల వరకు ఆదా

ప్రముఖ ఆటోమొబైల్ తయారీ సంస్థ 'కియా' ఈ జులైలో సొనెట్, సెల్తోస్, క్యారెన్స్ క్లావిస్, కార్నివాల్ వంటి పాపులర్ కార్లపై భారీ ఆఫర్లను ప్రకటించింది. క్యాష్ డిస్కౌంట్లు, ఎక్స్చేంజ్ బోనస్‌లు, స్క్రాపేజ్ ప్రయోజనాల రూపంలో రూ.1.5 లక్షల వరకు ఆదా చేసుకునే అవకాశం కల్పిస్తోంది.

నూతన కారు కొనుగోలు చేయాలనుకునే వారికి దక్షిణ కొరియా ఆటోమొబైల్ దిగ్గజం కియా తీపి కబురు చెప్పింది. జులై 2026 నెలకు గాను తన వాహనాల శ్రేణిపై రూ.1.5 లక్షల వరకు ప్రయోజనాలను అందుబాటులోకి తెచ్చింది. సొనెట్, సైరోస్, సెల్టోస్, క్యారెన్స్ క్లావిస్, క్యారెన్స్ క్లావిస్ ఈవీ, కార్నివాల్ మోడళ్లపై కంపెనీ ఈ ఆఫర్లను అందిస్తోంది.

కియా కార్లపై భారీ డిస్కౌంట్లు.. జులైలో రూ.1.5 లక్షల వరకు ఆదా

ఈ ఆఫర్లలో నగదు తగ్గింపులు, ఎక్స్చేంజ్ బోనస్‌లు, లాయల్టీ రివార్డులు, స్క్రాపేజ్ ప్రయోజనాలు, కార్పొరేట్ డిస్కౌంట్లు ఉన్నాయి. ఈ ప్రయోజనాలు 2026 జులై 31 వరకు మాత్రమే అందుబాటులో ఉంటాయి. మోడల్, వేరియంట్, ప్రాంతాన్ని బట్టి ఆఫర్లలో స్వల్ప మార్పులు ఉండే అవకాశం ఉన్నందున, పూర్తి వివరాల కోసం సమీప కియా డీలర్‌షిప్‌ను సంప్రదించాల్సి ఉంటుంది.

కియా సొనెట్ (Kia Sonet)

సబ్-4 మీటర్ ఎస్‌యూవీ కేటగిరీకి చెందిన కియా సొనెట్‌పై కంపెనీ రూ. 20,000 ఎక్స్చేంజ్ బోనస్, రూ. 15,000 స్క్రాపేజ్ బెనిఫిట్ ప్రకటిస్తోంది. దీనికి తోడు రూ. 15,000 వరకు కార్పొరేట్ బెనిఫిట్ కూడా లభిస్తుంది. 1.2 లీటర్ న్యాచురల్లీ ఆస్పిరేటెడ్ పెట్రోల్ ఇంజిన్‌తో వచ్చే 'HTK' వేరియంట్‌ను ఎంచుకుంటే అదనంగా రూ. 10,000 నగదు తగ్గింపు పొందే వీలుంది.

కియా సైరోస్ (Kia Syros)

ప్రీమియం సబ్-4 మీటర్ ఎస్‌యూవీ సైరోస్ మోడల్‌పై రూ. 10,000 క్యాష్ డిస్కౌంట్‌తో పాటు రూ. 20,000 ఎక్స్చేంజ్ బోనస్ లభిస్తోంది. రూ. 20,000 స్క్రాపేజ్ ప్రయోజనం, రూ. 15,000 కార్పొరేట్ బెనిఫిట్ ఇస్తున్నారు. ఎంపిక చేసిన వేరియంట్లపై ఎక్స్‌టెండెడ్ వారంటీ సౌకర్యాన్ని కూడా అందిస్తున్నారు.

కియా సెల్టోస్ (Kia Seltos)

క్యారెన్స్ క్లావిస్ టర్బో వేరియంట్‌పై కియా భారీ డిస్కౌంట్లను ప్రకటించింది. క్యాష్ డిస్కౌంట్ రూ. 10,000, ఎక్స్చేంజ్ బోనస్ రూ. 30,000, కార్పొరేట్ బెనిఫిట్ రూ. 15,000, లాయల్టీ బోనస్ రూ. 20,000, స్క్రాపేజ్ బెనిఫిట్ రూ. 20,000 వరకు లభిస్తుంది.

మరోవైపు క్యారెన్స్ క్లావిస్ ఎలక్ట్రిక్ (EV) మోడల్‌పై రూ. 10,000 క్యాష్ డిస్కౌంట్, రూ. 20,000 ఎక్స్చేంజ్ బోనస్, రూ. 15,000 కార్పొరేట్ డిస్కౌంట్, రూ. 20,000 లాయల్టీ బెనిఫిట్, రూ. 20,000 స్క్రాపేజ్ ప్రయోజనాలు లభిస్తున్నాయి.

కియా కార్నివాల్ (Kia Carnival)

కంపెనీకి చెందిన ప్రీమియం ఎమ్‌పీవీ 'కార్నివాల్' మోడల్‌పై అత్యధికంగా రూ. 1 లక్ష వరకు ఎక్స్చేంజ్ బోనస్ ఇస్తున్నారు. దీనితో పాటు రూ. 50,000 కార్పొరేట్ డిస్కౌంట్, స్క్రాపేజ్ ప్రయోజనాలను అందిస్తున్నారు.