హైదరాబాద్ కేంద్రంగా పనిచేసే ప్రముఖ ఫార్మా కంపెనీ సాయి పేరెంటరల్స్ లిమిటెడ్ అంతర్జాతీయ మార్కెట్లో ఒక భారీ మైలురాయిని అందుకుంది. కంపెనీకి చెందిన ఆస్ట్రేలియా అనుబంధ సంస్థ నౌమెడ్ ఫార్మాస్యూటికల్స్ పీటీవై లిమిటెడ్, అక్కడి అగ్రశ్రేణి ఫార్మసీ నెట్వర్క్లతో ఓటీసీ (OTC) మందుల సరఫరాకు సంబంధించి సరికొత్త ఒప్పందాన్ని కుదుర్చుకుంది. 7.5 ఏళ్ల సుదీర్ఘ కాలపరిమితి కలిగిన ఈ ప్రతిష్టాత్మక డీల్ విలువ 202 మిలియన్ ఆస్ట్రేలియన్ డాలర్లు (భారత కరెన్సీలో సుమారు రూ. 1,300 కోట్లు) అని కంపెనీ ఒక ప్రకటనలో వెల్లడించింది.
ఒప్పందం పూర్తి వివరాలు
ఈ ప్రతిష్టాత్మక సరఫరా ఒప్పందం జూలై 1, 2026 నుండి అమలుల్లోకి వస్తుంది. ఈ ఒప్పందం ద్వారా ఏడాదికి సగటున 27 మిలియన్ ఆస్ట్రేలియన్ డాలర్ల చొప్పున వ్యాపారం జరుగుతుంది. ప్రాథమికంగా ఏడున్నర ఏళ్ల పాటు సాగే ఈ కాంట్రాక్ట్ను, ఇరుపక్షాల పరస్పర అంగీకారంతో మరో 3 సంవత్సరాలు పొడిగించుకునే అవకాశం కూడా ఉంది. వ్యాపార విస్తరణను దృష్టిలో ఉంచుకుని, ఈ ఒప్పందం కింద ప్రతి సంవత్సరం 12 కొత్త ఉత్పత్తులను జోడించాలని లక్ష్యంగా పెట్టుకున్నారు. దీనివల్ల ప్రతి ఏడాది కాంట్రాక్ట్ విలువతో పాటు వ్యాపార పరిధి నిరంతరం పెరుగుతుంది.
నౌమెడ్ బాధ్యతలు - వ్యూహాత్మక ప్రయోజనాలు
ఆస్ట్రేలియా మార్కెట్లో ఓటీసీ ఫార్మాస్యూటికల్ ఉత్పత్తుల ప్రత్యేక సరఫరాదారుగా నౌమెడ్ కొనసాగుతుంది. మందుల తయారీ, ప్రొడక్ట్ సోర్సింగ్, నిరంతర రెగ్యులేటరీ నిబంధనల అమలు, టీజీఏ (TGA) రిజిస్ట్రేషన్లు, వేర్హౌసింగ్, క్వాలిటీ అస్యూరెన్స్ సహా దేశవ్యాప్త పంపిణీ బాధ్యతలను నౌమెడ్ సంస్థే స్వయంగా నిర్వహిస్తుంది. ఈ సుదీర్ఘ ఒప్పందం సాయి పేరెంటరల్స్ గ్రూప్నకు నిరంతర ఆదాయాన్ని అందించడమే కాకుండా, అంతర్జాతీయ ఫార్మా మార్కెట్లో కంపెనీ ఉనికిని మరింత విస్తరిస్తుంది.
యాజమాన్యం హర్షం
"మా అనుబంధ సంస్థ నౌమెడ్ ఫార్మాస్యూటికల్స్పై ఆస్ట్రేలియాలోని అగ్రశ్రేణి ఫార్మసీ గ్రూపులు ఉంచిన నమ్మకానికి ఈ ఒప్పంద నవీకరణే నిదర్శనం" అని సాయి పేరెంటరల్స్ లిమిటెడ్ మేనేజింగ్ డైరెక్టర్ అనిల్ కుమార్ కరుసాల పేర్కొన్నారు. రాబోయే రోజుల్లో ఇతర అంతర్జాతీయ మార్కెట్లలోకి విస్తరించడానికి ఈ విజయం ఒక లాంచ్ ప్యాడ్లా ఉపయోగపడుతుందని ఆయన ఆశాభావం వ్యక్తం చేశారు.
{{/usCountry}}"మా అనుబంధ సంస్థ నౌమెడ్ ఫార్మాస్యూటికల్స్పై ఆస్ట్రేలియాలోని అగ్రశ్రేణి ఫార్మసీ గ్రూపులు ఉంచిన నమ్మకానికి ఈ ఒప్పంద నవీకరణే నిదర్శనం" అని సాయి పేరెంటరల్స్ లిమిటెడ్ మేనేజింగ్ డైరెక్టర్ అనిల్ కుమార్ కరుసాల పేర్కొన్నారు. రాబోయే రోజుల్లో ఇతర అంతర్జాతీయ మార్కెట్లలోకి విస్తరించడానికి ఈ విజయం ఒక లాంచ్ ప్యాడ్లా ఉపయోగపడుతుందని ఆయన ఆశాభావం వ్యక్తం చేశారు.
{{/usCountry}}"ఈ సుదీర్ఘ కాలపరిమితి ఒప్పందం మా కస్టమర్లతో ఉన్న బలమైన సంబంధాలను నాణ్యమైన ఉత్పత్తులను సకాలంలో అందించగల మా సామర్థ్యాన్ని చాటి చెబుతోంది, అని నౌమెడ్ ఫార్మాస్యూటికల్స్ సీఈఓ మార్క్ థుల్బోర్న్ తెలిపారు.
సాయి పేరెంటరల్స్ నేపథ్యం
2001లో స్థాపితమైన సాయి పేరెంటరల్స్ లిమిటెడ్, అంతర్జాతీయ స్థాయిలో ఐపీ (IP) ఆధారిత ఫార్మాస్యూటికల్ ఫార్ములేషన్స్ రంగంలో సేవలందిస్తోంది. ఈ సంస్థకు భారతదేశంలో ఇంజెక్టబుల్స్, ఓరల్ డోసేజ్ ఫామ్స్ తయారీ ప్లాంట్లు ఉన్నాయి. ఆస్ట్రేలియాలో కూడా ఓరల్ డోసేజ్ ఫామ్స్ కోసం ఒక సరికొత్త మాన్యుఫాక్చరింగ్ ప్లాంట్ను కంపెనీ ఏర్పాటు చేస్తోంది. బలమైన ఆర్అండ్డీ (R&D) విభాగం సాయంతో భారతదేశంతో పాటు వివిధ అంతర్జాతీయ మార్కెట్లలోని క్లయింట్లకు నాణ్యమైన ఉత్పత్తులను సరఫరా చేస్తోంది.