SBI Free Online Courses : అత్యంత డిమాండ్ ఉన్న నైపుణ్యాలను పెంపొందించుకోవాలనుకునే విద్యార్థులకు దేశంలోనే అతిపెద్ద ప్రభుత్వ రంగ బ్యాంక్ అయిన 'స్టేట్ బ్యాంక్ ఆఫ్ ఇండియా' అద్భుతమైన అవకాశాన్ని కల్పిస్తోంది. ప్రముఖ అంతర్జాతీయ ఈ-లెర్నింగ్ ప్లాట్ఫామ్ 'edX' భాగస్వామ్యంతో ఎస్బీఐ పలు రకాల ఆన్లైన్ కోర్సులను ఉచితంగా అందిస్తోంది.
ప్రత్యేకంగా కోర్సులు…
ఈ కోర్సుల్లో ఆర్టిఫిషియల్ ఇంటెలిజెన్స్ (AI), జెనరేటివ్ ఏఐ, బిహేవియోరల్ ఫైనాన్స్, పర్సనల్ బ్రాండింగ్, కంటెంట్ మార్కెటింగ్, లీడర్షిప్, ఫైనాన్షియల్ సర్వీసెస్, ఇంటర్నేషనల్ ట్రేడ్ (అంతర్జాతీయ వాణిజ్యం) వంటి అత్యాధునిక రంగాలు ఉన్నాయి.
ఈ కోర్సులన్నింటినీ ఎస్బీఐ తన సుదీర్ఘమైన శిక్షణా అనుభవాన్ని ఆధారంగా చేసుకుని ప్రత్యేకంగా రూపొందించింది. తన లెర్నింగ్ ఇకోసిస్టమ్లో 400 కంటే ఎక్కువ మంది అనుభవజ్ఞులైన బ్యాంకింగ్ నిపుణులు, 6 ప్రత్యేక శిక్షణా సంస్థలు పనిచేస్తున్నాయని ఎస్బీఐ తెలిపింది. అంతేకాకుండా 25,000 కంటే ఎక్కువ ఈ-లెసన్స్, కేస్ స్టడీస్, వ్యాసాలు, ఆచరణాత్మక వీడియోల సముదాయంతో ఈ నైపుణ్య ఆధారిత కోర్సులను డిజైన్ చేశారు. కోర్సుల వివరాలు ఈ కింది విధంగా ఉన్నాయి…..
బిజినెస్ ఆటోమేషన్ కోసం ఏఐ మరియు జెనరేటివ్ ఏఐ :
వ్యాపారవేత్తలు, మేనేజర్లు, కార్పొరేట్ ఉద్యోగులు ఎటువంటి కోడింగ్ లేదా టెక్నికల్ పరిజ్ఞానం లేకపోయినా.. ఏఐ, జెనరేటివ్ ఏఐ సాంకేతికతలను ఉపయోగించి వ్యాపార ప్రక్రియలను ఎలా ఆటోమేట్ చేయాలో ఈ కోర్సులో నేర్పిస్తారు. సరైన నిర్ణయాలు తీసుకోవడం, ఉత్పాదకతను పెంచడంపై నిజ జీవిత ఉదాహరణలతో అవగాహన కల్పిస్తారు.
బ్యాంకింగ్లో ఏజెంటిక్ ఏఐ అప్లికేషన్లు :
బ్యాంకింగ్ రంగంలో వస్తున్న సాంకేతిక మార్పులను అత్యంత సరళమైన, ఆచరణాత్మక విధానంలో విద్యార్థులకు అర్థమయ్యేలా ఈ కోర్సును తీర్చిదిద్దారు. ఈ కోర్సు నమోదు (రిజిస్ట్రేషన్) ప్రక్రియ సెప్టెంబర్ 25 నుంచి ప్రారంభమైంది. మార్చి 31, 2027 వరకు నమోదు చేసుకోవడానికి గడువు ఉంది.
కంటెంట్ మార్కెటింగ్ స్ట్రాటజీ :
{{/usCountry}}బ్యాంకింగ్ రంగంలో వస్తున్న సాంకేతిక మార్పులను అత్యంత సరళమైన, ఆచరణాత్మక విధానంలో విద్యార్థులకు అర్థమయ్యేలా ఈ కోర్సును తీర్చిదిద్దారు. ఈ కోర్సు నమోదు (రిజిస్ట్రేషన్) ప్రక్రియ సెప్టెంబర్ 25 నుంచి ప్రారంభమైంది. మార్చి 31, 2027 వరకు నమోదు చేసుకోవడానికి గడువు ఉంది.
కంటెంట్ మార్కెటింగ్ స్ట్రాటజీ :
{{/usCountry}}డిజిటల్ యుగంలో కస్టమర్లను ఆకర్షించడం, నెట్వర్క్ పెంచుకోవడానికి అవసరమైన కంటెంట్ మార్కెటింగ్ వ్యూహాలు, డిజిటల్ మార్కెటింగ్ టూల్స్ను ఇందులో కవర్ చేస్తారు. కంటెంట్ సృష్టి, ప్రమోషన్, ఆప్టిమైజేషన్ ద్వారా వ్యాపారాన్ని ఎలా విస్తరించాలో దీని ద్వారా నేర్చుకోవచ్చు.
పర్సనల్ బ్రాండింగ్ :
ఈ కోర్సు డిసెంబర్ 30, 2026 నాటితో పూర్తవుతుంది. ఒక కార్పొరేట్ బ్రాండ్కు, పర్సనల్ బ్రాండ్కు మధ్య ఉన్న తేడాలు ఏమిటి? అసలు వ్యక్తిగత బ్రాండింగ్ ఎందుకు అవసరం? దానిని ఎలా నిర్మించుకోవాలి? అనే అంశాలపై ఆచరణాత్మక నైపుణ్యాలను ఇందులో అందిస్తారు.
అగ్రి ఈ-కామర్స్.. ఫార్మ్ టు గ్లోబల్ మార్కెట్ :
వ్యవసాయ ఉత్పత్తులను నేరుగా ప్రపంచ మార్కెట్లతో అనుసంధానించడంలో ఈ-కామర్స్ ప్లాట్ఫామ్ల పాత్రను ఈ కోర్సు వివరిస్తుంది. రైతులు, సహకార సంఘాలు, అగ్రి-ప్రొడ్యూసర్లు ఆన్లైన్ వేదికల ద్వారా మెరుగైన ధరలను పొందడం, అంతర్జాతీయ డిమాండ్ను వినియోగించుకోవడం ఎలాగో ఈ కోర్సు బోధిస్తుంది.
ఇంట్రడక్షన్ టు బిహేవియోరల్ ఫైనాన్స్ :
ఆర్థిక మార్కెట్లలో మానవ ప్రవర్తన మరియు సైకాలజీ ఎలాంటి ప్రభావం చూపుతుందో వివరించడంతో ఈ కోర్సు ప్రారంభమవుతుంది. ఆర్థిక నిర్ణయాలలో సాధారణంగా జరిగే మానసిక పొరపాట్లు, భావోద్వేగాల ప్రభావం గురించి కేస్ స్టడీలతో లోతుగా చర్చిస్తారు.
edX వేదిక( https://www.edx.org/ )పై ఎస్బీఐ అందిస్తున్న ఈ కోర్సులన్నింటినీ విద్యార్థులు పూర్తిగా ఉచితంగా అభ్యసించవచ్చు. కోర్సు పూర్తయిన తర్వాత అధికారికంగా వెరిఫైడ్ సర్టిఫికేట్ కావాలనుకునే అభ్యర్థులు మాత్రం నిర్ణీత రుసుము చెల్లించి సర్టిఫికెషన్ పొందవచ్చు.