మహారాష్ట్రలో 2022 నాటి శివసేన చీలిక ఉదంతం మళ్లీ పునరావృతం కాబోతోంది. ఈసారి లోక్సభ వేదికగా ఉద్ధవ్ ఠాక్రే వర్గానికి పెద్ద షాక్ తగలనుంది. పార్టీకి ఉన్న 9 మంది లోక్సభ సభ్యులలో ఆరుగురు ఎంపీలు తిరుగుబాటు చేసి ప్రత్యేక గ్రూప్గా ఏర్పడేందుకు సిద్ధమయ్యారు.
ఢిల్లీ వేదికగా రాజకీయ వ్యూహం
విశ్వసనీయ వర్గాల సమాచారం ప్రకారం.. శివసేన (UBT) ఎంపీలు సంజయ్ జాదవ్, భౌసాహెబ్ వాక్చౌరే, సంజయ్ దేశ్ముఖ్, నగేష్ పాటిల్ అస్తికార్, సంజయ్ పాటిల్, మరియు ఓంరాజే నింబాల్కర్ ప్రస్తుతం ఢిల్లీలోని ఒక రహస్య ప్రాంతంలో ఉన్నారు. వీరంతా బుధవారం లోక్సభ స్పీకర్ ఓం బిర్లాను కలిసి తమను ప్రత్యేక గ్రూప్గా గుర్తించాలని లేఖ ఇవ్వనున్నారు.
షిండే వర్గంలో విలీనం:
ఈ తిరుగుబాటు గ్రూపునకు సంజయ్ జాదవ్ నాయకుడిగా ఎన్నికయ్యే అవకాశం ఉంది. ఆ తర్వాత ఈ గ్రూపును మహారాష్ట్ర డిప్యూటీ సీఎం ఏకనాథ్ షిండే నేతృత్వంలోని అసలు శివసేనలో విలీనం చేయనున్నారు.
విప్ జారీ చేసిన ఉద్ధవ్ వర్గం
ఈ పరిణామాలపై ఉద్ధవ్ వర్గం అప్రమత్తమైంది. శివసేన (UBT) పార్లమెంటరీ పార్టీ చీఫ్ అరవింద్ సావంత్ గురువారం ఉదయం 11 గంటలకు అత్యవసర సమావేశానికి హాజరుకావాలని లోక్సభ, రాజ్యసభ సభ్యులందరికీ (మొత్తం 10 మంది) విప్ జారీ చేశారు.
సంజయ్ రౌత్ సంచలన ఆరోపణలు:
"మన ఎంపీలంతా ఉద్ధవ్ ఠాక్రే పేరు మీద, మన గుర్తు మీద గెలిచారు. పార్టీకి ద్రోహం చేసే హక్కు వారికి లేదు. ఒక్కో ఎంపీకి రూ.50 కోట్లు ఆఫర్ చేశారు, అందులో రూ.15 కోట్లు అడ్వాన్స్గా ఇచ్చారు. ఆ డబ్బు చేతికి అందే వరకు వారు చార్టర్డ్ విమానాలు ఎక్కడానికి కూడా నిరాకరించారని నాకు సమాచారం అందింది. విప్ను ఉల్లంఘిస్తే చట్టపరమైన చర్యలు ఉంటాయి" అని శివసేన (UBT) రాజ్యసభ ఎంపీ సంజయ్ రౌత్ ఆరోపించారు.
మరోవైపు, స్పీకర్ ఓం బిర్లాకు అరవింద్ సావంత్ లేఖ రాస్తూ, తమ పార్టీ నుంచి విడిపోయిన ఏ గ్రూపునకు కూడా గుర్తింపు ఇవ్వవద్దని, తమ వాదనలు వినకుండా ఎలాంటి నిర్ణయం తీసుకోవద్దని కోరారు.
బీజేపీ వైఖరి
{{/usCountry}}మరోవైపు, స్పీకర్ ఓం బిర్లాకు అరవింద్ సావంత్ లేఖ రాస్తూ, తమ పార్టీ నుంచి విడిపోయిన ఏ గ్రూపునకు కూడా గుర్తింపు ఇవ్వవద్దని, తమ వాదనలు వినకుండా ఎలాంటి నిర్ణయం తీసుకోవద్దని కోరారు.
బీజేపీ వైఖరి
{{/usCountry}}ఈ పరిణామాలతో తమకు ఎలాంటి సంబంధం లేదని బీజేపీ స్పష్టం చేసింది. మహారాష్ట్ర మంత్రి, బీజేపీ నేత చంద్రశేఖర్ బవాన్కులే మాట్లాడుతూ "దీని గురించి మాకు ఏమీ తెలియదు" అని పేర్కొన్నారు.
కేంద్ర ప్రభుత్వానికి ఎందుకు కీలకం?
ఈ చీలిక కేంద్రంలోని బీజేపీ నేతృత్వంలోని ఎన్డీయే ప్రభుత్వానికి అత్యంత కీలకంగా మారింది.
డీలిమిటేషన్ బిల్లు (Delimitation Bill): నియోజకవర్గాల పునర్విభజన బిల్లును లోక్సభలో ఆమోదించడానికి ప్రభుత్వానికి మూడింట రెండు వంతుల (2/3rd) మెజారిటీ అవసరం. ప్రస్తుతం ఎన్డీయేకు మరో 46 మంది సభ్యుల మద్దతు తక్కువగా ఉంది.
టీఎంసీ, శివసేన ఎంపీల మద్దతు: ఇటీవల టీఎంసీకి చెందిన 20 మంది ఎంపీలు ఎన్డీయే వైపు రావడం, ఇప్పుడు శివసేన (UBT) లోని 6 గురు ఎంపీలు తోడవుతుండటంతో కేంద్ర ప్రభుత్వం ఈ బిల్లును సులభంగా ఆమోదించుకునే దిశగా అడుగులు వేస్తోంది.