కార్లు గాలిలో ఎగరడం అనేది ఇప్పటివరకు మనం సినిమాల్లోనే చూశాము. కానీ దానిని రియాలిటీ తీసుకొస్తోంది దిగ్గజ ఎలక్ట్రిక్ వాహనాల తయారీ సంస్థ టెస్లా! ఎలాన్ మస్క్కు చెందిన ఈ కంపెనీ.. తమ ప్రతిష్టాత్మక ‘రోడ్స్టర్’ ఎలక్ట్రిక్ స్పోర్ట్స్ కారుతో అసాధారణ ప్రయోగాన్ని నిర్వహించింది. టెక్సాస్‌లోని మెక్‌గ్రెగర్‌లోని స్పేస్‌ఎక్స్ పరిశోధనా కేంద్రంలో అక్టోబర్ 15న జరిగిన ఒక ఈవెంట్‌లో ఈ రోడ్స్టర్ ఈవీ గాలిలోకి ఎగిరింది!
టెస్లా రోడ్స్టర్ ఒక భారీ కర్వ్‌డ్ ర్యాంప్‌పై వేగంగా దూసుకెళ్లి, తలకిందులుగా ప్రయాణించడమే కాకుండా, కొన్ని క్షణాల పాటు గాలిలోనే విన్యాసాలు చేస్తూ సురక్షితంగా కిందకు ల్యాండ్ అయింది.
స్పేస్‌ఎక్స్ సాంకేతికత.. కోల్డ్ గ్యాస్ థ్రస్టర్లు!
ఈ చారిత్రాత్మక ప్రయోగానికి సంబంధించిన వీడియోను ఎలాన్ మస్క్ తమ 'ఎక్స్' (ట్విట్టర్) ఖాతాలో పంచుకుంటూ.. "భవిష్యత్తులో నిజంగానే ఎగిరే కార్లు ఉండబోతున్నాయి," అని రాసుకొచ్చారు.
ఈ రీడిజైన్ చేసిన రోడ్స్టర్ కారు తయారీలో మస్క్కు చెందిన రోదసి పరిశోధనా సంస్థ ‘స్పేస్‌ఎక్స్’ సాంకేతికతను జోడించారు. కారులో ప్రత్యేకంగా అమర్చిన ‘కోల్డ్-గ్యాస్ థ్రస్టర్లు’ అధిక ఒత్తిడితో కూడిన వాయువును విడుదల చేస్తూ అవసరమైన ఫుష్-అప్ పవర్ (థ్రస్ట్) ఉత్పత్తి చేస్తాయి. సాధారణ రహదారి కార్లతో అసాధ్యమైన వినూత్న వైమానిక విన్యాసాలు సాధ్యపడటానికి ఈ రాకెట్ పరిజ్ఞానమే ప్రధాన కారణం.
తొమ్మిదేళ్ల నిరీక్షణ.. 2028లో ఉత్పత్తి?
టెస్లా సంస్థ తమ నెక్ట్స్-జనరేషన్ రోడ్స్టర్ను మొదటగా నవంబర్ 2017లోనే ఆవిష్కరించింది. అయితే, సాంకేతిక సవాళ్లు, ఉత్పత్తి నిలిపివేతల కారణంగా ఈ ప్రాజెక్ట్ దాదాపు తొమ్మిదేళ్లుగా వాయిదా పడుతూ వచ్చింది. ప్రపంచ వ్యాప్తంగా ఉన్న ఎలక్ట్రిక్ వాహన ప్రేమికులు ఈ కారు కోసం సుదీర్ఘకాలంగా ఎదురుచూస్తున్నారు.
{{/usCountry}}టెస్లా సంస్థ తమ నెక్ట్స్-జనరేషన్ రోడ్స్టర్ను మొదటగా నవంబర్ 2017లోనే ఆవిష్కరించింది. అయితే, సాంకేతిక సవాళ్లు, ఉత్పత్తి నిలిపివేతల కారణంగా ఈ ప్రాజెక్ట్ దాదాపు తొమ్మిదేళ్లుగా వాయిదా పడుతూ వచ్చింది. ప్రపంచ వ్యాప్తంగా ఉన్న ఎలక్ట్రిక్ వాహన ప్రేమికులు ఈ కారు కోసం సుదీర్ఘకాలంగా ఎదురుచూస్తున్నారు.
{{/usCountry}}తాజా ప్రదర్శన అనంతరం వెలువడిన నివేదికల ప్రకారం.. ఎలాన్ మస్క్ కంపెనీ ఈ కారు ఉత్పత్తిని 2028 నాటికి ప్రారంభించాలని ప్రణాళికలు రచిస్తోంది. అంటే వినియోగదారులకు ఇది వాణిజ్యపరంగా మార్కెట్లో లభించడానికి మరికొంత సమయం పట్టనుంది.
చట్టపరమైన అనుమతులు.. రహదారి భద్రత
ఈ ప్రదర్శన భవిష్యత్ రవాణా రంగంలో సరికొత్త విప్లవానికి నాంది పలికినప్పటికీ, గాల్లో ఎగిరే కార్లు మన సామాన్య రహదారులపైకి రావడం ఇప్పటికిప్పుడు సాధ్యపడే అంశం కాదు! ఈ ప్రయోగం కేవలం స్పేస్‌ఎక్స్ నియంత్రిత వాతావరణంలో, నిపుణుల పర్యవేక్షణలో మాత్రమే జరిగింది.
బహిరంగ రహదారులపై ఇలాంటి కార్లను నడపడానికి పౌర విమానయాన సంస్థల ఆమోదం, చట్టపరమైన నిబంధనలు, ట్రాఫిక్ భద్రతా ప్రమాణాలు అత్యంత సంక్లిష్టమైనవి. అయినప్పటికీ, టెస్లా చేపట్టిన ఈ తాజా ప్రయత్నం ఎగిరే కార్ల సాంకేతికతను భవిష్యత్ రవాణాకు మరింత దగ్గరగా తీసుకెళ్లింది.