టీవీఎస్ మోటార్ కంపెనీ కొత్తగా అపాచీ ఆర్టీఎక్స్ 300తో అడ్వెంచర్ టూరింగ్ విభాగంలోకి ప్రవేశించింది. స్పోర్టీ స్ట్రీట్ బైకుల తయారీకి పేరుగాంచిన టీవీఎస్.. ఈ విభాగంలోకి అడుగుపెట్టడం ఇదే మొదటిసారి. కాగా ఈ సరికొత్త ఏడీవీ మోటార్సైకిల్, ఇప్పటికే ఈ మార్కెట్లో స్థిరపడిన కేటీఎం 250 అడ్వెంచర్ బైకుతో పోటీ పడనుంది. కేటీఎం బైక్ దాని నిరూపితమైన ఆఫ్-రోడ్ సామర్థ్యం, హైవేపై బలమైన పనితీరుకు ప్రసిద్ధి చెందింది. మరి ఈ రెండు బైకులు ధర, ఇంజిన్ పనితీరు, ఇతర కీలక ఫీచర్లలో ఎలా పోటీ పడుతున్నాయో ఇక్కడ వివరంగా తెలుసుకుందాము.
1. టీవీఎస్ అపాచీ ఆర్టీఎక్స్ 300 వర్సెస్ కేటీఎం 250 అడ్వెంచర్- ధర, వేరియంట్లు..
టీవీఎస్ అపాచీ ఆర్టీఎక్స్ 300- ధర రూ. 1.99 లక్షల నుంచి రూ. 2.34 లక్షల వరకు (ఎక్స్షోరూం)
కేటీఎం 250 అడ్వెంచర్- సుమారు రూ. 2.40 లక్షలు (ఎక్స్షోరూం)
దీని ప్రకారం చూస్తే, ఆర్టీఎక్స్ 300 బైక్ కేటీఎం 250 అడ్వెంచర్ కంటే తక్కువ ధరకే అందుబాటులో ఉంది.
తక్కువ బడ్జెట్లో మంచి పనితీరును కోరుకునే రైడర్లను ఆకర్షించేలా టీవీఎస్ వ్యూహాత్మకంగా ధరను నిర్ణయించింది.
అయితే, టీవీఎస్ ప్రకటించిన ఈ ధరలు కేవలం ఇంట్రొడక్టరీ మాత్రమేనని, భవిష్యత్తులో ధర పెరిగే అవకాశం ఉందని గమనించాలి.
2. టీవీఎక్స్ అపాచీ ఆర్టీఎక్స్ 300 వర్సెస్ కేటీఎం 250 అడ్వెంచర్- ఇంజిన్, పనితీరు..
అపాచీ ఆర్టీఎక్స్ 300 బైక్లో 299.1 సీసీ సింగిల్ సిలిండర్ లిక్విడ్-కూల్డ్ ఇంజిన్ ఉంటుంది. ఇది 36 పీఎస్ పవర్ను, 28.5 ఎన్ఎమ్ టార్క్ను ఉత్పత్తి చేస్తుంది.
దీనికి భిన్నంగా, కేటీఎం 250 అడ్వెంచర్ 249 సీసీ లిక్విడ్-కూల్డ్ ఇంజిన్తో వస్తుంది. ఇది 31 బీహెచ్పీ పవర్ను, 25 ఎన్ఎమ్ టార్క్ను ఉత్పత్తి చేస్తుంది.
సాంకేతిక వివరాల ప్రకారం చూస్తే, పవర్, టార్క్ రెండింటిలోనూ టీవీఎస్ బైక్ మెరుగ్గా ఉంది. ఇది హైవేలపై మరింత బలమైన పనితీరును, వేగవంతమైన యాక్సిలరేషన్ను అందించే అవకాశం ఉందని తెలుస్తోంది.
3. టీవీఎస్ అపాచీ ఆర్టీఎక్స్ 300 వర్సెస్ కేటీఎం 250- సస్పెన్షన్, టైర్లు, రైడ్
రెండు మోటార్సైకిళ్లలో కూడా ముందు వైపు యూఎస్డీ ఫోర్కులు, వెనుక వైపు మోనోషాక్ సస్పెన్షన్ ఉన్నాయి. ఇవి మంచి రైడింగ్ అనుభవాన్ని, స్థిరత్వాన్ని అందిస్తాయి.
{{/usCountry}}రెండు మోటార్సైకిళ్లలో కూడా ముందు వైపు యూఎస్డీ ఫోర్కులు, వెనుక వైపు మోనోషాక్ సస్పెన్షన్ ఉన్నాయి. ఇవి మంచి రైడింగ్ అనుభవాన్ని, స్థిరత్వాన్ని అందిస్తాయి.
{{/usCountry}}టీవీఎస్ అపాచీ ఆర్టీఎక్స్ 300 కి 17 ఇంచ్ చక్రాలు (ముందు 110/80, వెనుక 150/70) ఉన్నాయి. ఇవి సాధారణ రోడ్లపై టూరింగ్కు, గ్రిప్కు మరింత అనుకూలంగా ఉంటాయి.
కేటీఎం 250 అడ్వెంచర్ బైక్కు ముందు వైపు 19 అంగుళాలు, వెనుక వైపు 17 ఇంచ్ టైర్లు (ముందు 100/90, వెనుక 130/80) అమర్చారు. ఈ సెటప్ దీనికి ఆఫ్-రోడ్లో స్పష్టమైన ఆధిక్యాన్ని ఇస్తుంది.
4. టీవీఎస్ అపాచీ ఆర్టీఎక్స్ 300 వర్సెస్ కేటీఎం 250 అడ్వెంచర్- కొలతలు, గ్రౌండ్ క్లియరెన్స్..
అపాచీ ఆర్టీఎక్స్ 300 గ్రౌండ్ క్లియరెన్స్ 200 మిల్లీమీటర్లు, సీటు ఎత్తు 835 మిల్లీమీటర్లు. ఇది కొద్దిగా పొట్టిగా ఉండే రైడర్లకు కూడా సులభంగా అందుబాటులో ఉంటుంది.
కేటీఎం 250 అడ్వెంచర్ గ్రౌండ్ క్లియరెన్స్ 228 మిల్లీమీటర్లతో మరింత ఎత్తుగా ఉంటుంది. దీని సీటు ఎత్తు 825 మిల్లీమీటర్లు. ఇది ఆఫ్-రోడ్ రైడింగ్కు బాగా ఉపయోగపడుతుంది.
బరువు పరంగా చూస్తే, అపాచీ 180 కిలోలు ఉండగా, కేటీఎం 176 కిలోలు ఉంది. ఈ తేడా చాలా తక్కువ.
ఫ్యూయల్ ట్యాంక్ సామర్థ్యం విషయానికి వస్తే, కేటీఎంకు 14.5 లీటర్ల ట్యాంక్ ఉంది, అయితే అపాచీలో 12.5 లీటర్ల ట్యాంక్ మాత్రమే ఉంది.
దీని అర్థం, కేటీఎం బైక్ టూరింగ్లో కాస్త ఎక్కువ దూరం ప్రయాణించడానికి వీలు కల్పిస్తుంది.