ఉజ్జీవన్ స్మాల్ ఫైనాన్స్ బ్యాంక్ 2026-27 ఆర్థిక సంవత్సరం తొలి త్రైమాసికం (Q1) ఫలితాల్లో దుమ్మురేపింది. జూన్ 30తో ముగిసిన త్రైమాసికానికి సంబంధించి గురువారం నాడు బలమైన ఆర్థిక ఫలితాలను వెల్లడించింది. బ్యాంక్ నికర లాభం (PAT) గతేడాది ఇదే సమయంతో పోలిస్తే 206.7 శాతం భారీ వృద్ధితో రూ. 317 కోట్లకు చేరింది.
ఈ ఆకట్టుకునే ఫలితాల ప్రభావం స్టాక్ మార్కెట్పై కూడా స్పష్టంగా కనిపించింది. ట్రేడింగ్ ప్రారంభంలో దాదాపు 4 శాతం వరకు నష్టపోయిన ఉజ్జీవన్ బ్యాంక్ షేరు ధర, ఆర్థిక ఫలితాల ప్రకటన వెలువడగానే వేగంగా కోలుకుంది. 1.63 శాతం లాభపడి నేషనల్ స్టాక్ ఎక్స్ఛేంజ్ (NSE)లో రూ. 66.10 వద్దకు చేరింది.
ఆల్-టైమ్ హై వడ్డీ ఆదాయం, మెరుగైన నిష్పత్తులు
ఈ త్రైమాసికంలో బ్యాంక్ తన చరిత్రలోనే అత్యధిక నికర వడ్డీ ఆదాయాన్ని (NII) నమోదు చేసింది. గతేడాయితో పోలిస్తే NII 38.6 శాతం పెరిగి రూ. 1,186 కోట్లకు చేరింది. బ్యాంక్ నికర వడ్డీ మార్జిన్ (NIM) 8.5 శాతంగా నమోదై, ప్రైమరీ లెండింగ్ బిజినెస్లో బలాన్ని చాటుకుంది.
మరోవైపు బ్యాంకు నిర్వహణ సామర్థ్యం కూడా గణనీయంగా మెరుగైంది. వ్యయాల నిష్పత్తి (Cost-to-income ratio) గతేడాది ఉన్న 67.0 శాతం నుంచి 62.0 శాతానికి తగ్గి, 497 బేసిస్ పాయింట్ల పురోగతిని నమోదు చేసింది. ఇక ప్రొవిజన్లకు ముందు వచ్చే నిర్వహణ లాభం (PPOP) 52.0 శాతం పెరిగి రూ. 548 కోట్ల రికార్డు స్థాయికి చేరింది. బ్యాంకు ఆస్తులపై రాబడి (RoA) 2.2 శాతానికి పెరగ్గా, ఈక్విటీపై రాబడి (RoE) 18.2 శాతంగా నమోదైంది.
డిపాజిట్లు, రుణ వితరణలో జోరు
ఈ జూన్ త్రైమాసికంలో బ్యాంక్ వ్యాపార పరిమాణం గణనీయంగా విస్తరించింది. మొత్తం డిపాజిట్లు 24.6 శాతం పెరిగి రూ. 48,129 కోట్లకు చేరాయి. తక్కువ వ్యయంతో కూడిన కాసా (CASA) డిపాజిట్లు 37.8 శాతం వృద్ధితో రూ. 12,930 కోట్లను తాకాయి. దీంతో మొత్తం డిపాజిట్లలో కాసా వాటా 26.9 శాతానికి చేరింది.
{{/usCountry}}ఈ జూన్ త్రైమాసికంలో బ్యాంక్ వ్యాపార పరిమాణం గణనీయంగా విస్తరించింది. మొత్తం డిపాజిట్లు 24.6 శాతం పెరిగి రూ. 48,129 కోట్లకు చేరాయి. తక్కువ వ్యయంతో కూడిన కాసా (CASA) డిపాజిట్లు 37.8 శాతం వృద్ధితో రూ. 12,930 కోట్లను తాకాయి. దీంతో మొత్తం డిపాజిట్లలో కాసా వాటా 26.9 శాతానికి చేరింది.
{{/usCountry}}బ్యాంక్ మొత్తం రుణ పుస్తకం (Gross loan book) 28.9 శాతం పెరిగి రూ. 42,903 కోట్లకు చేరింది. ముఖ్యంగా సురక్షిత రుణాలు (Secured loans) గతేడాదితో పోలిస్తే 42.7 శాతం వృద్ధితో రూ. 21,638 కోట్లను తాకాయి. మొత్తం అడ్వాన్సులలో సురక్షిత రుణాల వాటా 50.4 శాతానికి చేరడం గమనార్హం.
తగ్గిన మొండి బాకీలు.. ఆస్తి నాణ్యత భేష్
అప్పుల వసూళ్ల విషయంలో బ్యాంక్ క్రమశిక్షణ పాటించడంతో ఆస్తి నాణ్యత (Asset Quality) మెరుగైంది. స్థూల నిరర్థక ఆస్తులు (GNPA) మార్చి 2026 నాటి 2.27 శాతం నుంచి జూన్ నాటికి 2.17 శాతానికి తగ్గాయి. అదే సమయంలో నికర నిరర్థక ఆస్తులు (NNPA) 0.43 శాతం నుంచి 0.34 శాతానికి పరిమితమయ్యాయి.
"ప్రపంచ మార్కెట్లలో అనిశ్చితి ఉన్నప్పటికీ, దేశీయ ఆర్థిక సూచీలు స్థిరత్వాన్ని ప్రదర్శిస్తున్నాయి. ఆర్బీఐ తన రెపో రేటును 5.25 శాతంగా కొనసాగిస్తూ, ప్రస్తుత ఆర్థిక సంవత్సరానికి (FY27) జీడీపీ వృద్ధిని 6.6 శాతంగా అంచనా వేసింది. ద్రవ్యోల్బణం 5.1 శాతం వద్ద నియంత్రణలోనే ఉంది. క్రెడిట్ డిమాండ్, డిపాజిట్లు స్థిరంగా ఉండటంతో బ్యాంకింగ్ రంగం బలంగా ఉంది" అని ఉజ్జీవన్ స్మాల్ ఫైనాన్స్ బ్యాంక్ ఎగ్జిక్యూటివ్ డైరెక్టర్ కరోల్ ఫుర్టాడో పేర్కొన్నారు.
అన్ని విభాగాలోనూ సాధిస్తున్న పురోగతి ఆధారంగా ఈ ఆర్థిక సంవత్సరానికి (FY27) నిర్దేశించుకున్న 25 శాతం రుణ వృద్ధి లక్ష్యాన్ని సులువుగా చేరుకుంటామని ఆశాభావం వ్యక్తం చేశారు. బ్యాంక్ విస్తరణ, సాంకేతికత పెంపుపై పెట్టుబడులు కొనసాగుతాయని, క్రెడిట్ కాస్ట్ 0.9% నుంచి 1.0% మధ్యలో ఉంటుందని స్పష్టం చేశారు. అలాగే, పూర్తి ఏడాదికి గానూ RoA అంచనాను 1.8% – 2.0% కి పెంచుతున్నట్లు బ్యాంక్ యాజమాన్యం వెల్లడించింది.
(గమనిక: ఈ కథనం సమాచారం కోసం మాత్రమే. ఇన్వెస్ట్మెంట్ నిర్ణయాలు తీసుకునే ముందు మీ ఆర్థిక సలహాదారుని సంప్రదించండి.)