వాషింగ్టన్: అమెరికా సెంట్రల్ బ్యాంక్ ఫెడరల్ రిజర్వ్ (ఫెడ్) కీలక నిర్ణయం తీసుకుంది. బెంచ్‌మార్క్ ఫెడరల్ ఫండ్స్ రేటును 3.75 శాతం నుంచి 4 శాతం పరిధిలోనే స్థిరంగా కొనసాగిస్తున్నట్లు ప్రకటించింది. ద్రవ్యోల్బణాన్ని అదుపు చేయడమే తమ ప్రాథమిక లక్ష్యమని స్పష్టం చేసినప్పటికీ, రాబోయే డిసెంబర్ విధాన సమీక్ష సమావేశంలో రేట్లను పెంచుతామా లేదా అనే అంశంపై ఫెడ్ స్పష్టమైన సూచన ఏదీ ఇవ్వలేదు.
"ద్రవ్యోల్బణాన్ని 2 శాతానికి తీసుకురావడానికి తగిన విధాన నిర్ణయం తీసుకోవడంలో మరింత సమాచార సేకరణ దోహదపడుతుంది. ధరల స్థిరత్వాన్ని ఫెడరల్ రిజర్వ్ సాధిస్తుంది" అని సమావేశం అనంతరం పాలసీ ప్రకటనలో విధాన నిర్ణేతలు తెలిపారు.
10-2 మెజారిటీతో నిర్ణయం
ఫెడరల్ ఓపెన్ మార్కెట్ కమిటీ (ఎఫ్‌ఓఎంసీ) నిర్వహించిన ఓటింగ్‌లో వడ్డీ రేట్లను స్థిరంగా ఉంచేందుకు 10-2 మెజారిటీతో నిర్ణయం ఆమోదంపొందింది. ఫెడ్ గవర్నర్ లీసా కుక్, క్లీవ్‌ల్యాండ్ ఫెడ్ ప్రెసిడెంట్ బెత్ హ్యామాక్ ఈ నిర్ణయాన్ని వ్యతిరేకించారు. వారు పావు శాతం (0.25 శాతం) చొప్పున వడ్డీ రేట్లు పెంచాలని ప్రతిపాదించారు.
సమావేశం అనంతరం ఏర్పాటు చేసిన విలేకరుల సమావేశంలో ఫెడ్ ఛైర్మన్ కెవిన్ వార్ష్ మాట్లాడుతూ, అమెరికా ఆర్థిక వ్యవస్థ బలంగా కొనసాగుతోందన్నారు. వినియోగదారుల వ్యయం, వ్యాపార పెట్టుబడులు ఊపందుకోవడంతో ఆర్థిక కార్యకలాపాలు అంచనాలకు మించి నమోదవుతున్నాయని పేర్కొన్నారు.
ద్రవ్యోల్బణం అదుపే ప్రధాన లక్ష్యం
సమీక్ష సమావేశంలో అధికారుల మధ్య ప్రధానంగా ధరల పెరుగుదలపైనే సుదీర్ఘ చర్చ జరిగిందని కెవిన్ వార్ష్ తెలిపారు. "ద్రవ్యోల్బణాన్ని అదుపులోకి తీసుకురావడం మా బాధ్యత. అందుకే గత రెండు రోజులుగా జరిగిన ఎఫ్‌ఓఎంసీ సమావేశాల్లో ధరల స్థిరత్వంపైనే ప్రధానంగా దృష్టి సారించాం" అని ఆయన స్పష్టం చేశారు. భవిష్యత్తులో వడ్డీ రేట్ల పెంపునకు అవకాశం ఉందనే సంకేతాన్ని ఇస్తూ.. "పరిస్థితులకు అనుగుణంగా తగిన చర్యలు తీసుకోవడానికి మేము సిద్ధంగా ఉన్నాం. ఆ దిశగా చర్యలు తీసుకునే సామర్థ్యాన్ని కూడా నిరూపించుకున్నాం" అని వార్ష్ వ్యాఖ్యానించారు.
అమెరికా నవంబర్ మధ్యంతర ఎన్నికలకు వారం రోజుల ముందే ఫెడ్ ఈ నిర్ణయాన్ని వెలువరించింది. ప్రస్తుతం ఆర్థిక వ్యవస్థపై ప్రజల్లో అసంతృప్తి నెలకొన్న నేపథ్యంలో, హౌస్ ఆఫ్ రిప్రజెంటేటివ్స్లో డెమొక్రాట్లు ఆధిపత్యం సాధిస్తారని, సెనేట్ స్థానాల్లోనూ వారికి ఆధిక్యం లభిస్తుందని ముందస్తు సర్వేలు సూచిస్తున్నాయి. వడ్డీ రేట్ల నిర్ణయం వెలువడిన అనంతరం ఎస్అండ్పీ 500 సూచీలు, ట్రెజరీ ఈల్డ్లు లాభాల్లోనే ముగిశాయి.
ఇరాన్ యుద్ధం ప్రభావం.. ద్రవ్యోల్బణ ఒత్తిళ్లు
{{/usCountry}}అమెరికా నవంబర్ మధ్యంతర ఎన్నికలకు వారం రోజుల ముందే ఫెడ్ ఈ నిర్ణయాన్ని వెలువరించింది. ప్రస్తుతం ఆర్థిక వ్యవస్థపై ప్రజల్లో అసంతృప్తి నెలకొన్న నేపథ్యంలో, హౌస్ ఆఫ్ రిప్రజెంటేటివ్స్లో డెమొక్రాట్లు ఆధిపత్యం సాధిస్తారని, సెనేట్ స్థానాల్లోనూ వారికి ఆధిక్యం లభిస్తుందని ముందస్తు సర్వేలు సూచిస్తున్నాయి. వడ్డీ రేట్ల నిర్ణయం వెలువడిన అనంతరం ఎస్అండ్పీ 500 సూచీలు, ట్రెజరీ ఈల్డ్లు లాభాల్లోనే ముగిశాయి.
ఇరాన్ యుద్ధం ప్రభావం.. ద్రవ్యోల్బణ ఒత్తిళ్లు
{{/usCountry}}సెప్టెంబర్ పాలసీ సమావేశం తర్వాత ద్రవ్యోల్బణ ఆందోళనలను బలపరిచేలా పలు గణాంకాలు వెలువడ్డాయి. ఇరాన్ యుద్ధం కారణంగా ఇంధన ధరలు పెరగడంతో సెప్టెంబర్‌లో వినియోగదారుల ధరల సూచీ (సీపీఐ) గత ఐదు నెలల్లోనే అత్యంత వేగంగా పెరిగింది. ఇతర వస్తువులు, సేవల ధరల్లోనూ ఈ పెరుగుదల కనిపిస్తోంది. ఫెడ్ ప్రాధాన్యతనిచ్చే వ్యక్తిగత వినియోగ వ్యయాల (పీసీఈ) ద్రవ్యోల్బణ సూచీని బ్యూరో ఆఫ్ ఎకనామిక్ అనాలసిస్ (బీఈఏ) గురువారం విడుదల చేయనుండటంతో అధికారులు ఆ గణాంకాల ఆధారంగా తదుపరి అంచనాకు రానున్నారు.
మరొకవైపు ఆర్టిఫిషియల్ ఇంటెలిజెన్స్ (ఏఐ) రంగంలో భారీ పెట్టుబడులు, బలమైన వినియోగ వ్యయం అమెరికా జీడీపీ వృద్ధికి ఊతమిస్తున్నాయి. మూడో త్రైమాసికంలో యూఎస్ ఆర్థిక వ్యవస్థ వార్షిక ప్రాతిపదికన 3.2 శాతం బలమైన వృద్ధి రేటును నమోదు చేస్తుందని ఆర్థిక నిపుణులు అంచనా వేస్తున్నారు. ఆర్థిక కార్యకలాపాలు బలంగా విస్తరిస్తున్నాయని, దేశీయ వ్యయం నిలకడగా ఉందనే అంచనాలను ప్రకటనలో ఫెడ్ పునరుద్ఘాటించింది. నిరుద్యోగిత రేటులో పెద్దగా మార్పు లేదని, ద్రవ్యోల్బణం మాత్రం అధిక స్థాయిలోనే కొనసాగుతోందని తెలిపింది.