వరుణ్ బెవరేజెస్ అదరగొట్టింది: క్యూ4 లాభాల్లో 33 శాతం వృద్ధి.. ఇన్వెస్టర్లకు పండగే
Varun Beverages Q4 results: సాఫ్ట్ డ్రింక్ బాట్లింగ్ సంస్థ వరుణ్ బెవరేజెస్ (VBL) అంచనాలను మించి రాణించింది. 2025 డిసెంబర్తో ముగిసిన నాలుగో త్రైమాసికంలో కంపెనీ నికర లాభం 33 శాతం పెరిగి ₹260 కోట్లకు చేరుకుంది. విక్రయాలు పెరగడం, అంతర్జాతీయ మార్కెట్లలో పట్టు సాధించడంతో అద్భుత ఫలితాలను సాధించింది.
పెప్సికో బాట్లింగ్ దిగ్గజం 'వరుణ్ బెవరేజెస్' మంగళవారం (ఫిబ్రవరి 3, 2026) తన ఆర్థిక ఫలితాలను ప్రకటించింది. డిసెంబర్ 31, 2025తో ముగిసిన త్రైమాసికంలో కంపెనీ అన్ని విభాగాల్లోనూ మెరుగైన పనితీరు కనబరిచింది. గత ఏడాది ఇదే త్రైమాసికంలో ₹195.6 కోట్లుగా ఉన్న నికర లాభం, ఈసారి 33 శాతం వృద్ధితో ₹260 కోట్లకు చేరింది.
ఆర్థిక ఫలితాల ముఖ్యాంశాలు:
ఆదాయం: కంపెనీ కార్యకలాపాల ద్వారా వచ్చే ఆదాయం 14 శాతం పెరిగి ₹4,204 కోట్లుగా నమోదైంది. గత ఏడాది ఇది ₹3,688.79 కోట్లుగా ఉంది.
ఎబిటా (EBITDA): కంపెనీ నిర్వహణ లాభం (EBITDA) 10.2 శాతం పెరిగి ₹639.26 కోట్లకు చేరుకుంది.
విక్రయాల జోరు: మొత్తం సేల్స్ వాల్యూమ్ 10.2 శాతం వృద్ధితో 23.71 కోట్ల కేసులకు పెరిగింది. భారత మార్కెట్లో 10.5 శాతం, అంతర్జాతీయ మార్కెట్లలో 10 శాతం వృద్ధి నమోదైంది.
ఏడాది మొత్తం పనితీరు:
వరుణ్ బెవరేజెస్ అదరగొట్టింది: క్యూ4 లాభాల్లో 33 శాతం వృద్ధి.. ఇన్వెస్టర్లకు పండగ
{{^htLoading}} {{/htLoading}}
2025 క్యాలెండర్ ఇయర్ మొత్తానికి చూస్తే, కంపెనీ పన్ను అనంతర లాభం (PAT) 16.2 శాతం పెరిగి ₹3,062 కోట్లుగా నమోదైంది. వేసవి కాలంలో వాతావరణ మార్పుల వల్ల కొన్ని ఆటంకాలు ఎదురైనప్పటికీ, కంపెనీ స్థిరమైన వృద్ధిని సాధించిందని వరుణ్ బెవరేజెస్ చైర్మన్ రవి జైపూరియా తెలిపారు. "మా బిజినెస్ మోడల్ ఎంత పటిష్టంగా ఉందో ఈ ఫలితాలే నిదర్శనం" అని ఆయన పేర్కొన్నారు.
డివిడెండ్ ప్రకటన: త్రైమాసిక ఫలితాలతో పాటు, కంపెనీ తన వాటాదారులకు ఫైనల్ డివిడెండ్ను కూడా ప్రకటించింది. (డివిడెండ్ వివరాలు ఇంకా అప్డేట్ కావాల్సి ఉంది).
వినిమయ రంగంలో ఉన్న డిమాండ్, విస్తరిస్తున్న అంతర్జాతీయ మార్కెట్లు వరుణ్ బెవరేజెస్ స్టాక్కు కలిసివచ్చే అంశాలు. కంపెనీ వరుసగా రెండంకెల వృద్ధిని నమోదు చేస్తుండటం ఇన్వెస్టర్లలో నమ్మకాన్ని పెంచుతోంది.
(గమనిక: ఈ సమాచారం కేవలం అవగాహన కోసం మాత్రమే. స్టాక్ మార్కెట్లో పెట్టుబడులు రిస్క్తో కూడుకున్నవి. పెట్టుబడి పెట్టే ముందు మీ ఆర్థిక సలహాదారుని సంప్రదించండి.)
ప్రవీణ్ కుమార్ లెంకల ప్రస్తుతం హిందుస్తాన్ టైమ్స్ తెలుగు ఎడిటర్గా బాధ్యతలు నిర్వహిస్తున్నారు. జర్నలిజంలో 25 ఏళ్ల సుదీర్ఘ అనుభవం కలిగిన వీరు, గతంలో సాక్షి దినపత్రికలో ఢిల్లీ నేషనల్ బ్యూరో చీఫ్గా (2014-2021) సుమారు ఎనిమిదేళ్ల పాటు పనిచేశారు. ఆ సమయంలో జాతీయ రాజకీయాలు, ప్రభుత్వ విధానాలు, కేంద్ర బడ్జెట్, సార్వత్రిక ఎన్నికలు, రాష్ట్రాల శాసన సభలకు ఎన్నికలు తదితర అనేక అంశాలపై కథనాలు, విశ్లేషణలు, పరిశీలనాత్మక వార్తలు అందించారు. పార్లమెంటు ప్రొసీడింగ్స్ నుంచి.. సుప్రీంకోర్టు విచారణల వరకు కవరేజీలో విశేష అనుభవం ఉంది. ఢిల్లీలో ఆంధ్రప్రదేశ్, తెలంగాణ రాష్ట్రాల రాజకీయ పరిణామాలు, అభివృద్ధి సంబంధిత పెండింగ్ సమస్యలు లోతుగా అందించారు. అంతకుముందు హైదరాబాద్లో సాక్షి టాస్క్ఫోర్స్ బ్యూరోలో (2008-2013) పనిచేస్తూ భూకుంభకోణాలు, ఫైనాన్స్ సంస్థల మోసాలు, వైట్ కాలర్ స్కామ్స్ను వెలికితీశారు. ముఖ్యంగా పోలీసు వ్యవస్థలోని 'ఆర్డర్లీ వ్యవస్థ'పై వీరు చేసిన పరిశోధనాత్మక కథనాలు ప్రభుత్వం ఆ వ్యవస్థను రద్దు చేయడానికి కారణమయ్యాయి. ఈనాడు దినపత్రికలో (2003-2007) నల్గొండ, ఖమ్మం జిల్లాల్లో రిపోర్టర్గా, సబ్ ఎడిటర్గా పనిచేసి గిరిజన తండాల్లో ఆడపిల్లల అమ్మకాలు, గ్రామీణ ప్రాంతాల వెనుకబాటుతనం, ప్రభుత్వ పథకాల్లో అవినీతిపై సంచలనాత్మక కథనాలు రాశారు. ప్రస్తుతం జాతీయ, అంతర్జాతీయ పరిణామాలు, బిజినెస్, స్టాక్ మార్కెట్, టెక్నాలజీ, ఆటోమొబైల్ రంగాలపై నిశితమైన విశ్లేషణలు అందిస్తున్నారు. హిందుస్తాన్ టైమ్స్ నుంచి రెండుసార్లు Digi Journo పురస్కారం పొందారు. కమ్యూనికేషన్ అండ్ జర్నలిజంలో పీజీ (MCJ) పట్టా పొందిన వీరు, కామర్స్ (B.Com) నేపథ్యం కలిగి ఉండటం వల్ల ఆర్థిక అంశాలను సరళంగా వివరించడంలో సిద్ధహస్తులు. ప్రజా సమస్యలపై పోరాటం, విధానపరమైన మార్పులకు కారణమైన వీరి రిపోర్టింగ్ శైలి తెలుగు జర్నలిజంలో వీరికి ఒక ప్రత్యేక గుర్తింపును తెచ్చిపెట్టింది. 2001లో సీ ఛానెల్ అనే కేబుల్ టీవీలో చేరి కెరీర్ ప్రారంభించి హైదరాబాద్ నగర ఆర్థిక, సామాజిక రంగాలపై కథనాలతో పాటు సినిమా వార్తలను కూడా అందించారు.
