చెడుపై మంచి సాధించిన విజయానికి సంకేతంగా జరుపుకునే విజయదశమి పండుగ సందర్భంగా భారతీయ స్టాక్ మార్కెట్లకు నేడు (మంగళవారం, అక్టోబర్ 20, 2026) సెలవు!. బాంబే స్టాక్ ఎక్స్ఛేంజ్ (బీఎస్ఈ), నేషనల్ స్టాక్ ఎక్స్ఛేంజ్ (ఎన్ఎస్ఈ) తమ అధికారిక ట్రేడింగ్ క్యాలెండర్‌లో ఈ పండుగ రోజును సెలవు దినంగా చేర్చాయి.
నేడు స్టాక్ మార్కెట్లకు సెలవు- ఏయే విభాగాలు బంద్?
దసరా పడుంగ నేపథ్యంలో నేడు ఈక్విటీ, ఈక్విటీ డెరివేటివ్స్, కరెన్సీ మార్కెట్ విభాగాల్లో ఎలాంటి లావాదేవీలు జరగవు. సెక్యూరిటీస్ లెండింగ్ అండ్ బారోయింగ్ (ఎస్ఎల్బీ) సెగ్మెంట్‌ను కూడా నిలిపివేశారు.
మల్టీ కమోడిటీ ఎక్స్ఛేంజ్ (ఎంసీఎక్స్) విషయానికి వస్తే, ఉదయం సెషన్లో ట్రేడింగ్ నిలిపివేసినప్పటికీ, సాయంత్రం సెషన్లో యథావిధిగా లావాదేవీలు కొనసాగుతాయి. దీనితో కమోడిటీ ట్రేడర్లకు పండుగ రోజు సాయంత్రం వేళ కూడా తమ పొజిషన్లపై ట్రేడ్ చేసుకునే అవకాశం లభిస్తుంది.
ఇక మంగళవారం సెలవు అనంతరం బుధవారం (అక్టోబర్ 21) ఉదయం నుంచి స్టాక్ మార్కెట్లలో సాధారణ ట్రేడింగ్ పునఃప్రారంభమవుతుంది.
2026లో రాబోయే ఇతర మార్కెట్ సెలవులు..
ఎన్ఎస్ఈ, బీఎస్ఈ క్యాలెండర్ ప్రకారం ఈ ఏడాది మిగిలిన రోజుల్లో మరో మూడు పూర్తిస్థాయి సెలవులు ఉన్నాయి:
- దీపావళి (బలిపాడ్యమి): నవంబర్ 10, 2026 (మంగళవారం)
- గురు నానక్ జయంతి: నవంబర్ 24, 2026 (మంగళవారం)
- క్రిస్మస్: డిసెంబర్ 25, 2026 (శుక్రవారం)
| తేదీ | సెలవు |
|---|---|
| అక్టోబర్ 20 | దసరా |
| నవంబర్ 10 | దీపావళి |
| నవంబర్ 24 | గురు నానక్ దేవ్ జయంతి |
| డిసెంబర్ 25 | క్రిస్మస్ |
ముహురత్ ట్రేడింగ్ 2026 అప్డేట్..
దీపావళి లక్ష్మీ పూజను పురస్కరించుకుని ప్రతి యేటా స్టాక్ మార్కెట్లో ముహురత్ ట్రేడింగ్ని నిర్వహిస్తారన్న విషయం తెలిసిందే. ఇక ఈ ఏడాది నవంబర్ 8 మధ్యాహ్నం ఈ ముహురత్ ట్రేడింగ్ ఉంటుందని అధికారిక ప్రకటన వెలువడింది.
సోమవారం స్టాక్ మార్కెట్ పరిస్థితి..
{{/usCountry}}దీపావళి లక్ష్మీ పూజను పురస్కరించుకుని ప్రతి యేటా స్టాక్ మార్కెట్లో ముహురత్ ట్రేడింగ్ని నిర్వహిస్తారన్న విషయం తెలిసిందే. ఇక ఈ ఏడాది నవంబర్ 8 మధ్యాహ్నం ఈ ముహురత్ ట్రేడింగ్ ఉంటుందని అధికారిక ప్రకటన వెలువడింది.
సోమవారం స్టాక్ మార్కెట్ పరిస్థితి..
{{/usCountry}}మంగళవారం సెలవుకు ముందు రోజు (సోమవారం) భారతీయ షేర్ మార్కెట్ తీవ్ర ఒడుదొడుకులకు లోనైంది. ప్రారంభ ట్రేడింగ్‌లో భారీగా నష్టపోయినప్పటికీ, ఆ తర్వాత సూచీలు వేగంగా కోలుకున్నాయి.
స్టేట్ బ్యాంక్ ఆఫ్ ఇండియా (ఎస్బీఐ), రిలయన్స్ ఇండస్ట్రీస్ షేర్లలో కొనుగోళ్లు సానుకూల విషయం. అయితే యాక్సిస్ బ్యాంక్, హెచ్‌డీఎఫ్‌సీ బ్యాంక్ షేర్ల నష్టాలు రికవరీ వేగాన్ని కొంత మేర నియంత్రించాయి.
సోమవారం ఉదయం ఒకానొక దశలో బీఎస్ఈ సెన్సెక్స్ 470.50 పాయింట్లు పడిపోయి 74,318 వద్ద, ఎన్ఎస్ఈ నిఫ్టీ 147.10 పాయింట్లు క్షీణించి 22,999.05 వద్దకు చేరాయి. ఆ తర్వాత ట్రేడర్లు దిగువ స్థాయిల వద్ద కొనుగోళ్లకు మొగ్గు చూపడంతో ముగింపు సమయానికి సెన్సెక్స్ కేవలం 46.49 పాయింట్ల స్వల్ప నష్టంతో 74,682.78 వద్ద, నిఫ్టీ 14.55 పాయింట్ల నష్టంతో 23,131.60 వద్ద స్థిరపడ్డాయి.
ఇక సోమవారం ట్రేడింగ్ సెషన్లో ఎఫ్ఐఐలు రూ. 1,148.64 కోట్లు విలువ చేసే షేర్లను విక్రయించారు. ఇక డీఐఐలు రూ. 3,201.19 కోట్లు విలువ చేసే షేర్లను కొనుగోలు చేశారు.