VinFast VF 6 : విన్​ఫాస్ట్ వీఎఫ్​ 6 ఎలక్ట్రిక్​ కారు కొంటున్నారా? నెలవారీ ఈఎంఐ ఎంత కట్టాలో తెలుసా?

VinFast VF 6 price : వియత్నాంకు చెందిన ప్రముఖ ఎలక్ట్రిక్ కార్ల తయారీ సంస్థ ‘విన్‌ఫాస్ట్’ భారత మార్కెట్​లో సంచలనం సృష్టిస్తోంది. ముఖ్యంగా బడ్జెట్ ధరలో లభిస్తున్న 'వీఎఫ్ 6' ఎస్‌యూవీ ఇప్పుడు అందరి దృష్టిని ఆకర్షిస్తోంది. ఈ కారు ధరలు, నెలవారీ ఈఎం లెక్కల పూర్తి వివరాలు మీకోసం..

వియత్నాం ఎలక్ట్రిక్ కార్ల దిగ్గజం 'విన్‌ఫాస్ట్' భారత మార్కెట్​లోకి అడుగుపెట్టిన కొద్ది కాలానికే వాహనదారుల్లో మంచి గుర్తింపు తెచ్చుకుంది. ప్రస్తుతం భారత్‌లో విన్‌ఫాస్ట్ వీఎఫ్ 6, విన్‌ఫాస్ట్ వీఎఫ్ 7 అనే రెండు ఎలక్ట్రిక్ ఎస్‌యూవీలను కంపెనీ విక్రయిస్తోంది. వీటిలో వీఎఫ్ 6 మోడల్ అత్యంత సరసమైన ధరలో లభిస్తుండటమే కాకుండా.. ఇటలీకి చెందిన 'టొరినో డిజైన్' రూపొందించిన స్టైలిష్ లుక్, అత్యాధునిక ఫీచర్లతో టాటా కర్వ్ ఈవీ, ఎంజీ జెడ్​ఎస్ ఈవీ వంటి కార్లకు గట్టి పోటీనిస్తోంది. ఈ నేపథ్యంలో మీరు ఈ ఎలక్ట్రిక్​ కారు కొనాలని ప్లాన్​ చేస్తుంటే.. దీని ధర, నెలవారీ ఈఎంఐ ఎంత ఉంటుంది? వంటి వివరాలను ఇక్కడ చూసేయండి..

విన్​ఫాస్ట్​ వీఎఫ్​ 6..

విన్​ఫాస్ట్​ వీఎఫ్​ 6- వేరియంట్లు, ధరలు..

భారత్‌లో విన్‌ఫాస్ట్ వీఎఫ్ 6 మొత్తం మూడు వెరియంట్లలో అందుబాటులో ఉంది. అవి..

• ఎర్త్
• విండ్
• విండ్ ఇన్ఫినిటీ

ఈ వేరియంట్ల ధరలు రూ. 17.29 లక్షల నుంచి ప్రారంభమై, టాప్-ఎండ్ మోడల్ రూ. 19.19 లక్షల (ఎక్స్-షోరూమ్) వరకు ఉన్నాయి. హై-టెక్ ఫీచర్లు కోరుకునే ఐదుగురు సభ్యుల కుటుంబానికి ఇది ఒక పర్ఫెక్ట్ ఎలక్ట్రిక్ ఎస్‌యూవీగా నిలుస్తోంది.

విన్​ఫాస్ట్​ వీఎఫ్​ 6- నెలవారీ ఈఎంఐ ఎంత ఉంటుంది?

ఒకవేళ మీరు ఈ ఏప్రిల్‌లో విన్‌ఫాస్ట్ వీఎఫ్ 6 కారును కొనుగోలు చేయాలని ప్లాన్ చేస్తుంటే, మీకు పడే నెలవారీ ఈఎంఐ లెక్కలు ఇక్కడ ఉన్నాయి.

విన్​ఫాస్ట్​ వీఎఫ్​ 6- నెలవారీ ఈఎంఐ..
Model & variant	Price (ex-showroom)	Loan (100% ex-showroom price)	Interest rate	Repayment tenure	Monthly EMI	Total interest
VinFast VF 6 Wind Infinity	₹19,19,000	₹19,19,000	9.5%	24 months	₹88,110	₹1,95,638
				36 months	₹61,471	₹2,93,964
				48 months	₹48,211	₹3,95,142
				60 months	₹40,303	₹4,99,154

మేము టాప్-ఎండ్ మోడల్ 'విండ్ ఇన్ఫినిటీ' (ధర రూ. 19.19 లక్షలు) ను ప్రాతిపదికగా తీసుకున్నాము. 100% ఎక్స్-షోరూమ్ ధరను లోన్ మొత్తంగా భావించి, 9.5% వడ్డీ రేటుతో వివిధ కాలపరిమితులకు అయ్యే ఈఎంఐ వివరాలు కింద చూడవచ్చు:

2 ఏళ్ల కాలపరిమితి (24 నెలలు): మీరు 24 నెలల పాటు లోన్ చెల్లించాలనుకుంటే, నెలకు రూ. 88,110 ఈఎంఐ పడుతుంది.

3 ఏళ్ల కాలపరిమితి (36 నెలలు): ఒకవేళ మూడేళ్ల టెన్యూర్ ఎంచుకుంటే, నెలవారీ వాయిదా రూ. 61,471 గా ఉంటుంది.

4 ఏళ్ల కాలపరిమితి (48 నెలలు): నాలుగేళ్ల కాలపరిమితికి నెలకు రూ. 48,211 చెల్లించాల్సి ఉంటుంది.

5 ఏళ్ల కాలపరిమితి (60 నెలలు): లోన్ భారాన్ని తగ్గించుకోవాలని చూసే వారికి, ఐదేళ్ల టెన్యూర్‌పై నెలవారీ ఈఎంఐ రూ. 40,303 మాత్రమే పడుతుంది.

గమనిక: మీ క్రెడిట్ స్కోర్, బ్యాంక్ నిబంధనలను బట్టి వడ్డీ రేట్లు, లోన్ మొత్తంలో మార్పులు ఉండవచ్చు.

విన్​ఫాస్ట్​ నుంచి కొత్త ఎలక్ట్రిక్​ కారు..

భారత ఎలక్ట్రిక్ వాహన (ఈవీ) రంగంలో తన పట్టును పటిష్టం చేసుకునేందుకు వియత్నాం కార్ల తయారీ సంస్థ విన్‌ఫాస్ట్ వేగంగా అడుగులు వేస్తోంది. తాజాగా తన అప్‌కమింగ్ మోడల్ వీఎఫ్​ ఎంపీవీ 7కు సంబంధించిన మొదటి అధికారిక టీజర్ ఇమేజ్‌ను విడుదల చేసింది. అంతేకాదు ఈ ఈవీని అతి త్వరలోనే భారత్‌లో లాంచ్ చేయబోతున్నట్లు సంకేతాలిచ్చింది. ఇప్పటికే వీఎఫ్​6, వీఎఫ్​7 ఎలక్ట్రిక్ ఎస్‌యూవీలను పరిచయం చేసిన ఈ సంస్థ.. ఇప్పుడు విశాలమైన 7-సీటర్ ఎంపీవీ విభాగంలోకి అడుగుపెడుతోంది.

అధికారిక లాంచ్ సమయంలో పూర్తి వివరాలు వెల్లడికానున్నప్పటికీ, ప్రస్తుతం అందుబాటులో ఉన్న సమాచారం ప్రకారం ఈ వీఎఫ్​ ఎంపీవీ 7 ఎలక్ట్రిక్​ కారు 60.1 కేడబ్ల్యూహెచ్ బ్యాటరీ ప్యాక్ ఉండనుంది. ఇది ఫ్రంట్-యాక్సిల్ ఎలక్ట్రిక్ మోటార్ ద్వారా సుమారు 150 బీహెచ్​పీ పవర్, 280 ఎన్​ఎం టార్క్‌ను ఉత్పత్తి చేస్తుంది. పూర్తి వివరాల కోసం ఇక్కడ క్లిక్ చేయండి.