దసరా నవరాత్రులు 2026: రోజుకో రూపంలో అమ్మవారి పూజ.. రోజుకో నైవేద్యం! విజయదశమి శుభ ముహూర్తం ఇదే

దేశవ్యాప్తంగా ఎంతో భక్తిశ్రద్ధలతో జరుపుకునే దసరా పండుగలో శారదీయ నవరాత్రులకు ప్రత్యేక ప్రాధాన్యత ఉంది. 2026లో నవరాత్రులు అక్టోబర్ 11 నుంచి ప్రారంభమై, అక్టోబర్ 20న విజయదశమి జరుపుకుంటారు. విజయదశమి రోజున మధ్యాహ్నం 1:59 నుంచి 2:45 వరకు విజయ ముహూర్తం ఉన్నట్లు ఈ వివరాల్లో పేర్కొన్నారు.

దేశవ్యాప్తంగా దసరా పండుగను ఎంతో భక్తిశ్రద్ధలతో జరుపుతారు. చెడుపై మంచి సాధించిన విజయానికి ప్రతీకగా విజయదశమి పండుగను జరుపుకుంటారు. శారదీయ నవరాత్రుల్లో తొమ్మిది రోజుల పాటు దుర్గాదేవిని వివిధ రూపాల్లో ఆరాధిస్తారు.

దసరా నవరాత్రులు 2026: రోజుకో రూపంలో అమ్మవారి పూజ.. రోజుకో నైవేద్యం! విజయదశమి శుభ ముహూర్తం ఇదే (AI)

పదవ రోజు విజయ దశమి పండుగను జరుపుతారు. 2026లో దసరా నవరాత్రులు అక్టోబర్ 11 నుంచి ప్రారంభమవుతాయి. అక్టోబర్ 19న నవమి వచ్చింది. అలాగే అక్టోబర్ 20న విజయదశమి జరుపుకుంటాము.

విజయదశమి 2026 తేదీ, శుభ ముహూర్తం

ఈ ఏడాది విజయదశమి అక్టోబర్ 20, మంగళవారం నాడు వచ్చింది. ముహూర్తం విషయానికి వస్తే, విజయదశమి విజయ ముహూర్తం మధ్యాహ్నం 1:59 నుంచి 2:45 వరకు ఉంది. ఈ సమయంలో శుభకార్యాలు చేయడం మంచిది. అలాగే ఆయుధ పూజ, ప్రత్యేక పూజలను కూడా ఈరోజు నిర్వహించాలి.

దశమి తిథి అక్టోబర్ 20 మధ్యాహ్నం 12:50 గంటల నుంచి అక్టోబర్ 21 మధ్యాహ్నం 2:11 వరకు కొనసాగుతుంది. పంచాంగం ప్రకారం తిథి, ముహూర్తాల్లో ప్రాంతాలను బట్టి స్వల్ప మార్పులు ఉండొచ్చు.

తొమ్మిది రోజులు ఏ రూపాన్ని పూజించాలి? అమ్మవారికి సమర్పించే నైవేద్యాల వివరాలు తెలుసుకోండి

అక్టోబర్ 11: స్వర్ణ కవచం, పులగం

ఆ రోజు పులగం నైవేద్యంగా సమర్పించాలి.

అక్టోబర్ 12: బాలా త్రిపుర సుందరి

ఆ రోజు అమ్మవారికి ఎంతో ఇష్టమైన పాయసం, పులిహోరను నైవేద్యంగా సమర్పించాలి.

అక్టోబర్ 13: గాయత్రీ దేవి

ఆ రోజు గారెలను వండి అమ్మవారికి నైవేద్యంగా సమర్పిస్తే మంచిది.

అక్టోబర్ 14: అన్నపూర్ణాదేవి

ఆ రోజు క్షీరాన్నాన్ని నైవేద్యంగా సమర్పించాలి. అమ్మవారి అనుగ్రహం కలగడానికి అన్నపూర్ణాష్టకం చదువుకోండి.

అక్టోబర్ 15: లలితాదేవి

అక్టోబర్ 16న మహాలక్ష్మి దేవి రూపం. ఆ రోజు పులిహోరను నైవేద్యంగా సమర్పిస్తే మంచిది.

అక్టోబర్ 17: సరస్వతి దేవి

ఆ రోజు సరస్వతి దేవి రూపంలో అమ్మవారిని పెట్టి, దద్దోజనాన్ని నైవేద్యంగా సమర్పించాలి.

అక్టోబర్ 18: దుర్గాదేవి

ఆరోజు దుర్గాదేవి రూపం. ఆ రోజు గారెలను నైవేద్యంగా సమర్పిస్తే మంచిది. అమ్మవారి అనుగ్రహంతో సంతోషంగా ఉండొచ్చు.

అక్టోబర్ 19: మహిషాసుర మర్దిని

ఆ రోజు మహిషాసుర మర్దిని రూపం. ఆరోజు అమ్మవారికి ఎంతో ప్రీతికరమైన బూరెలను నైవేద్యంగా సమర్పించండి.

అక్టోబర్ 20: రాజరాజేశ్వరి దేవి

రవ్వ కేసరిని నైవేద్యంగా సమర్పించండి.

విజయదశమి సందర్భంగా అమ్మవారికి ప్రత్యేక పూజలు చేయండి. నైవేద్యాలు సమర్పించండి. కుటుంబ సభ్యులతో కలిసి పండుగను సంతోషంగా జరుపుకోండి. విజయ దశమి నాడు అమ్మవారిని భక్తిశ్రద్ధలతో ఆరాధించడం, పెద్దల ఆశీర్వాదం తీసుకోవడం చాలా ముఖ్యం.

అలాగే కొత్త కార్యక్రమాలకు శ్రీకారం చుట్టడానికి కూడా విజయదశమి శుభప్రదమైన రోజు. విద్యార్థులు పుస్తకాలు, పరికరాలను పూజించడం, వాహనాలు, పనిముట్లను పూజించడం వలన అన్నీ బాగా కలిసి వస్తాయి. అద్భుతమైన ఫలితాలు ఉంటాయి.