జ్యోతిష్యశాస్త్రంలో గురు గ్రహానికి (బృహస్పతి) అత్యంత కీలకమైన స్థానం ఉంది. జ్ఞానం, విజ్ఞానం, సంతానం, సంపద, విద్య, అదృష్టానికి బృహస్పతిని ప్రధాన కారకుడిగా పండితులు పరిగణిస్తారు. జాతకంలో గురు గ్రహం శుభస్థానంలో ఉంటే సమాజంలో గౌరవ మర్యాదలు పెరగడమే కాకుండా ఆర్థిక సమస్యల నుంచి విముక్తి లభిస్తుందని వేద జ్యోతిష నిపుణులు స్పష్టం చేస్తున్నారు. గురు గ్రహం తన రాశిని లేదా నక్షత్రాన్ని మార్చినప్పుడల్లా దాని ప్రభావం ద్వాదశ రాశుల జీవితాలపై స్పష్టంగా కనిపిస్తుంది.
ప్రస్తుతం ఆశ్లేష నక్షత్రంలో సంచరిస్తున్న బృహస్పతి…. 2026 అక్టోబర్ 31న మఖ నక్షత్రంలోకి ప్రవేశించనున్నాడు. 2027 జూన్ 25 వరకు, అంటే దాదాపు 86 రోజుల పాటు గురు గ్రహం ఇదే నక్షత్రంలో కొనసాగుతాడు. మఖ నక్షత్రానికి అధిపతి కేతువు. కేతువు నక్షత్రంలో దేవగురు బృహస్పతి ప్రవేశించడం జ్యోతిష్య రీత్యా ఎంతో ప్రాధాన్యత కలిగిన ఘట్టంగా పండిత నరేంద్ర ఉపాధ్యాయ్ వివరించారు. ఈ ప్రత్యేక నక్షత్ర సంచారం వల్ల ముఖ్యంగా ఐదు రాశుల వారికి వ్యక్తిగత, ఉద్యోగ, వ్యాపార రంగాల్లో అత్యంత శుభ ఫలితాలు సిద్ధించనున్నాయి. ఆ అదృష్ట రాశుల వివరాలు ఇవే…
1. మేష రాశి
మేష రాశి వారికి ఈ నక్షత్ర గోచరం విశేషమైన ప్రయోజనాలను మోసుకొస్తుంది. సమాజంలో హోదా, ప్రతిష్టలు పెరుగుతాయి. ఉద్యోగస్తులకు ఉన్నతాధికారుల నుంచి ప్రశంసలు లభించడంతో పాటు పదోన్నతులు (ప్రమోషన్లు) వచ్చే అవకాశాలు మెండుగా ఉన్నాయి. వ్యాపార రంగంలో ఉన్నవారు తమ వ్యాపారాన్ని విస్తరించడానికి లేదా కొత్త ఒప్పందాలు (డీల్స్) చేసుకోవడానికి ఇది అనుకూల సమయం. సుదూర ప్రాంతాల నుంచి శుభవార్తలు వింటారు. ఊహించని ధనలాభంతో ఆర్థిక స్థితి మెరుగుపడుతుంది. కుటుంబంలో సంతోషకరమైన వాతావరణం నెలకొంటుంది.
2. సింహ రాశి
సింహ రాశి వారికి గురు సంచారం ఆత్మవిశ్వాసాన్ని రెట్టింపు చేస్తుంది. ఇప్పటివరకు పనుల్లో ఎదురవుతున్న ఆటంకాలన్నీ తొలగిపోయి విజయం మీ సొంతమవుతుంది. ఆర్థికంగా అత్యంత బలమైన స్థితికి చేరుకుంటారు. భవిష్యత్తు అవసరాల కోసం ధనాన్ని పొదుపు చేయడంలో విజయం సాధిస్తారు. కుటుంబంలో దీర్ఘకాలంగా వేధిస్తున్న సమస్యలు తొలగిపోయి ప్రశాంతత లభిస్తుంది. ఉద్యోగంలో మీ ప్రతిభకు తగిన గుర్తింపు లభించడమే కాకుండా కొత్త శిఖరాలను అధిరోహిస్తారు. మానసిక ఒత్తిడి నుంచి ఉపశమనం పొందుతారు.
3. వృశ్చిక రాశి
{{/usCountry}}సింహ రాశి వారికి గురు సంచారం ఆత్మవిశ్వాసాన్ని రెట్టింపు చేస్తుంది. ఇప్పటివరకు పనుల్లో ఎదురవుతున్న ఆటంకాలన్నీ తొలగిపోయి విజయం మీ సొంతమవుతుంది. ఆర్థికంగా అత్యంత బలమైన స్థితికి చేరుకుంటారు. భవిష్యత్తు అవసరాల కోసం ధనాన్ని పొదుపు చేయడంలో విజయం సాధిస్తారు. కుటుంబంలో దీర్ఘకాలంగా వేధిస్తున్న సమస్యలు తొలగిపోయి ప్రశాంతత లభిస్తుంది. ఉద్యోగంలో మీ ప్రతిభకు తగిన గుర్తింపు లభించడమే కాకుండా కొత్త శిఖరాలను అధిరోహిస్తారు. మానసిక ఒత్తిడి నుంచి ఉపశమనం పొందుతారు.
3. వృశ్చిక రాశి
{{/usCountry}}వృశ్చిక రాశి జాతకులకు కెరీర్ పరంగా తిరుగులేని పురోగతి లభిస్తుంది. మీ పనితీరుతో ఉన్నతాధికారులను ఆకట్టుకుంటారు. కీలకమైన కొత్త ప్రాజెక్టులు, ఉన్నత బాధ్యతలను సంస్థ మీకు అప్పగించే అవకాశం ఉంది. ఆదాయ మార్గాలు పెరుగుతాయి. డబ్బుకు సంబంధించిన ఆర్థిక ప్రణాళికలు ఆశించిన ఫలితాలను ఇస్తాయి. వ్యాపారవేత్తలు లాభదాయకమైన కొత్త ఒప్పందాలపై సంతకాలు చేస్తారు. ముఖ్యంగా విద్యా సంబంధిత రంగాలు, పరిశోధనల్లో ఉన్నవారికి ఈ సమయం అత్యంత సానుకూల ఫలితాలను ఇస్తుంది.
4. ధనుస్సు రాశి
ధనుస్సు రాశి వారికి అదృష్టం సంపూర్ణంగా కలసివస్తుంది. ఉద్యోగంలో ప్రమోషన్తో పాటు జీతాల పెంపును ఆశించవచ్చు. పెట్టుబడులు పెట్టడానికి ఇది సరైన సమయం. గతంలో చేసిన పెట్టుబడుల నుంచి ఊహించని స్థాయిలో మంచి రాబడి లభిస్తుంది. వ్యాపారాన్ని విస్తరించాలనుకునే వారి వ్యూహాలు పక్కాగా అమలువుతాయి. నూతన గృహం, భూమి లేదా వాహనాలను కొనుగోలు చేసే యోగం ఉంది. స్థిరాస్తి వివాదాలు ఉంటే పరిష్కారమవుతాయి.
5. మీన రాశి
మీన రాశి వారికి భౌతిక సుఖసంతోషాలు విశేషంగా పెరుగుతాయి. ఇంట్లో శుభకార్యాలు జరగడం వల్ల సంతోషం, శాంతి నెలకొంటాయి. కళలు, సాహిత్యం, సృజనాత్మక రంగాల్లో ఉన్నవారికి విశేషమైన ఆర్థిక లబ్ధి చేకూరుతుంది. ఆర్థిక పరిస్థితిలో స్పష్టమైన పురోగతి కనిపిస్తుంది. ఆత్మీయులు, బంధువులతో సంబంధాలు మరింత బలపడతాయి. జీవిత భాగస్వామి నుంచి పరిపూర్ణ మద్దతు లభిస్తుంది. సామాజికంగా మీ గౌరవం పెరుగుతుంది.