E-Paper
ఇందిరా ఏకాదశి 2026: తేదీ, సమయం, పూజా విధానం పూర్తి వివరాలు!
ప్రతి నెల రెండు ఏకాదశులు వస్తాయి. ఆశ్వయుజ శుక్లపక్ష ఏకాదశిని ఇందిరా ఏకాదశిగా పిలుస్తారు. పితృపక్ష సమయంలో వచ్చే ఈ ఏకాదశికి ప్రత్యేక ప్రాధాన్యత ఉందని మత విశ్వాసాలు చెబుతున్నాయి. భక్తిశ్రద్ధలతో వ్రతాన్ని ఆచరించడం ద్వారా పాపాలు తొలగి, సుఖసంతోషాలు, శ్రేయస్సు కలుగుతాయని నమ్మకం.
Prefer HTon Google
ప్రతి నెలకు రెండు ఏకాదశులు వస్తాయి. అంటే సంవత్సరానికి 24 ఏకాదశులు. అక్టోబర్ నెలలో కూడా రెండు ఏకాదశులు వచ్చాయి. ఆశ్వయుజ మాసం శుక్లపక్ష ఏకాదశి తిథి ఎప్పుడు వచ్చింది? ఆ రోజు ఏకాదశి యొక్క విశిష్టత ఏంటి? ఆ ఏకాదశి రోజు ఏం చేయాలి? ఏంటి వివరాలను ఇప్పుడు తెలుసుకుందాం.
ఇందిరా ఏకాదశి 2026
ఆశ్వయుజ శుక్లపక్ష ఏకాదశి తిథిని ఇందిరా ఏకాదశి అని అంటారు. పితృపక్ష సమయంలో వచ్చే ఈ ఏకాదశికి ఎంతో ప్రాధాన్యత ఉంది. మత విశ్వాసాల ప్రకారం చూసినట్లయితే, భక్తి శ్రద్ధలతో ఇందిరా ఏకాదశి వ్రతాన్ని ఆచరిస్తే పాపాలు తొలగిపోతాయి, సుఖసంతోషాలు, శ్రేయస్సు కలుగుతాయని నమ్మకం. అలాగే ఇందిరా ఏకాదశి వ్రతాన్ని ఆచరించడం వలన పుణ్య ఫలితం దక్కుతుంది. విష్ణువుని పూజించడంతో పాటు పూర్వీకులకు ప్రార్థనలు చేయడం, వారి పేరుతో దానధర్మాలు చేయడం కూడా ఆనవాయితీగా వస్తుంది. పూర్వీకుల ఆత్మకు శాంతి కలగాలని ప్రార్థిస్తూ ఇందిరా ఏకాదశి వ్రతాన్ని ఆచరిస్తారు.
ఇందిరా ఏకాదశి తిథి సమయం
ఏకాదశి తిథి ప్రారంభం అక్టోబర్ 6, మంగళవారం ఉదయం 2:07 గంటలకు. ఏకాదశి తిథి ముగింపు అక్టోబర్ 7, బుధవారం మధ్యాహ్నం 12:30 గంటలకు. ఏకాదశి వ్రతాన్ని అక్టోబర్ 6, మంగళవారం నాడు జరుపుకోవాలి.
వ్రత విరమణ
ఇందిరా ఏకాదశి రోజు ఉపవాసం ఉండి, తర్వాత రోజు అనగా అక్టోబర్ 7, బుధవారం నాడు ఉదయం 6:14 నుంచి ఉదయం 8 గంటల వరకు విరమణ చేయడానికి అనుకూలంగా ఉంది. పూజ చేసుకునే వారు ఈ పద్ధతిని పాటించడం మంచిది.
ఏకాదశి వ్రత విధానం
ఏకాదశి రోజు ఉదయాన్నే నిద్ర లేచి, స్నానం చేసి, శుభ్రమైన దుస్తులు ధరించి విష్ణువు ఎదుట వ్రత సంకల్పం చేసుకోవాలి.
తర్వాత పూజ మందిరంలో విష్ణువు విగ్రహం లేదా చిత్రపటాన్ని పెట్టండి.
విష్ణువుకి ఎంతో ఇష్టమైన పసుపు పూలను కచ్చితంగా సమర్పించేలా చూసుకోండి.
అలాగే విష్ణువుకి చందనం, అక్షింతలు, ధూపం, దీపం, నైవేద్యాలను సమర్పించండి.
తులసి ఆకులు అంటే విష్ణువుకి ఎంతో ప్రీతి కాబట్టి, తులసి ఆకులను కూడా విష్ణువుకి సమర్పించండి. తర్వాత పండ్లను నైవేద్యంగా పెట్టండి.
నిరాకరణ: ఈ వ్యాసంలో ఇచ్చిన సమాచారంపై, అవి పూర్తిగా నిజమైనవి మరియు ఖచ్చితమైనవి అని మేము చెప్పము. వివరణాత్మక మరియు మరింత సమాచారం కోసం, దయచేసి సంబంధిత రంగంలోని నిపుణుడిని సంప్రదించండి.
