ఈరోజు నుంచి కార్తీక మాసం మొదలు.. శివ కేశవుల అనుగ్రహం కలగాలంటే ఈ నెల రోజులు ఏం చేయాలి, ఏం చేయకూడదో తెలుసుకోండి!

కార్తీక మాసం ఈరోజు నుంచి మొదలవుతుంది, నెల పొడవునా ఈ విధంగా పాటించినట్లయితే సంతోషంగా ఉండొచ్చు. కార్తీక మాసంలో ఉదయాన్నే పవిత్ర స్నానం చేయాలి. శివుడుని ధ్యానించాలి. శివకేశవుల అనుగ్రహం కలిగి కష్టాలన్నీ తీరిపోతాయి. కార్తీక మాసంలో శివ కేశవుల అనుగ్రహం కలగాలంటే ఏం చేయాలి ఏం చేయకూడదో తెలుసుకుందాం.

కార్తీక మాసంలో పరమేశ్వరుడిని ఆరాధించడం వలన పరమేశ్వరుని ప్రత్యేక అనుగ్రహం కలిగి సంతోషంగా ఉండొచ్చు. కార్తీక మాసంలో కొన్ని పనులు చేయడం వలన శివకేశవుల ఆశీస్సులు కలుగుతాయి. కార్తీక మాసం ఈరోజు నుంచి మొదలవుతుంది, కనుక నెల పొడవునా ఈ విధంగా పాటించినట్లయితే సంతోషంగా ఉండొచ్చు. శివకేశవుల అనుగ్రహం కలిగి కష్టాలన్నీ తీరిపోతాయి.

కార్తీక మాసంలో శివ కేశవుల అనుగ్రహం కలగాలంటే ఏం చేయాలి?

1.ఉపవాసం, దానం:

కార్తీక మాసంలో శివ కేశవుల అనుగ్రహం కలగాలంటే ఏం చేయాలి? (pinterest)

కార్తీక మాసంలో ఉపవాసం ఉంటే చాలా మంచి జరుగుతుంది. మాంసాహారం, ఉల్లి, వెల్లుల్లి వంటి వాటికి దూరంగా ఉండాలి. కార్తీకమాసంలో ఆహారం, దుస్తులు వంటివి దానం చేయడం వలన మంచి జరుగుతుంది.

2.స్నానం, ధ్యానం:

కార్తీక మాసంలో ఉదయాన్నే పవిత్ర స్నానం చేయాలి. శివుడు లేదా విష్ణువుని ధ్యానించాలి. ఇలా చేయడం వలన వారి ఆశీస్సులు కలుగుతాయి.

3.దీపం వెలిగించాలి:

ప్రతిరోజు సూర్యోదయానికి ముందు, సూర్యాస్తమయం అయిన తర్వాత దీపారాధన చేయాలి. ఉసిరి చెట్టు కింద దీపం చేస్తే మంచిది. అలాగే తులసి కోట దగ్గర, విష్ణు ఆలయాల్లో దీపారాధన చేయడం వలన మరింత ఫలితం కలుగుతుంది.

4.నైవేద్యాలు:

విష్ణుకి పూలు, పండ్లు, తమలపాకులు, తులసిదళాలను సమర్పిస్తే మంచిది. అలాగే శివుడికి కార్తీక మాసంలో బిల్వ పత్రాలు సమర్పించండి.

5.పూజ మందిరాన్ని శుభ్రంగా ఉంచండి:

కార్తీకమాసంలో పూజ చేసేటప్పుడు పూజ గదిని శుభ్రంగా ఉంచాలి. గంగాజలం లేదా స్వచ్ఛమైన నీటిని చల్లి శుద్ధి చేయాలి. శివుడు, విష్ణువు, లక్ష్మీదేవి విగ్రహాలను లేదా ఫోటోలను పెట్టి పూజించండి.

6.భజనలు, కీర్తనలు:

కార్తీక మాసంలో శుక్లపక్ష ఏకాదశి నాడు లక్ష్మీ కళ్యాణం చేస్తారు. ఆ రోజున తులసిని పూజిస్తే మంచి జరుగుతుంది, భయాలన్నీ తొలగిపోతాయి.

కార్తీకమాసంలో పొరపాటున కూడా ఈ పనులు చేయకండి:

• కార్తీకమాసంలో ఒకసారి మాత్రమే భోజనం తినాలి. పాలు, పండ్లు మిగిలిన సమయంలో తినొచ్చు.
• కార్తీకమాసంలో నెల రోజులు పూజలు చేసేవారు మంచంపై నిద్రపోకూడదు. నేల మీద నిద్రపోవాలి.
• కార్తీక మాసంలో సూర్యోదయం తర్వాత స్నానం చేయడం మంచిది కాదు. సూర్యోదయానికి ముందే స్నానం చేయాలి.
• కార్తీకమాసంలో మద్యం తీసుకోవడం మంచిది కాదు. కార్తీక మాసంలో నిష్టతో పూజలు చేసే వారు మద్యం, మాంసాహారానికి దూరంగా ఉండాలి.

ఉసిరి చెట్టు కింద భోజనం ఎందుకు చేయాలి?

కార్తీకమాసంలో ఉసిరి చెట్టు కింద భోజనం చేస్తే మంచిది. వనభోజనాలు చేస్తారు. ఉసిరి చెట్టును లక్ష్మీ, పరమేశ్వరుడు, విష్ణువులకు ప్రత్యేకంగా చెబుతారు. అందుకని ఆ రోజున భగవంతుని ఆశీస్సులు లభించాలని ఉసిరి చెట్టు కింద కూర్చుని భోజనం చేస్తారు.