Sun in Arudra: ఆరుద్రలో సూర్యుడి ప్రవేశం.. వానల కోసం ఇంద్రుడి ఆరాధన.. పూర్తి పూజా విధానం ఇదిగో!

జూన్ 22న సూర్యుడు ఆరుద్ర నక్షత్రంలోకి ప్రవేశించనున్నాడు. జ్యోతిష్యశాస్త్రం ప్రకారం ఈ కాలాన్ని "ఆరుద్ర కార్తీ" అని పిలుస్తారు. వ్యవసాయ పనులకు ఇది అత్యంత అనుకూలమైన సమయంగా భావిస్తారు. ఈ సమయంలో భూమి విత్తనాలను స్వీకరించడానికి సిద్ధంగా ఉంటుందని పురాణాలు పేర్కొంటాయి.

జూన్ 22న సూర్యుడు మృగశిర నక్షత్రాన్ని వదిలి, రాహువుకు చెందిన ఆరుద్ర నక్షత్రంలోకి అడుగుపెడతాడు. జ్యోతిష్యశాస్త్రం ప్రకారం, ఆరుద్ర అంటే 'తడిసిన' అని అర్థం. అంటే భూమి తన గర్భంలో విత్తనాన్ని మోయడానికి సిద్ధమైందని దీని సంకేతం. ఈ సమయంలో సూర్యుడి తీవ్రత తగ్గి, వాతావరణంలో చల్లదనం మొదలవుతుంది. మన తెలుగు రాష్ట్రాల్లో దీన్నే 'ఆరుద్ర కార్తీ'గా పిలుస్తారు. వ్యవసాయానికి ఇది అత్యంత కీలకమైన సమయం.

Sun in Arudra: ఆరుద్రలో సూర్యుడి ప్రవేశం.. వానల కోసం ఇంద్రుడి ఆరాధన.. పూర్తి పూజా విధానం ఇదిగో!

భూమాత పరవశించే సమయం

మత్స్య పురాణం ప్రకారం, ఆరుద్ర ప్రవేశం సమయంలో భూమి రజస్వల అవుతుంది. అంటే, భూమిలో విత్తనాలు నాటడానికి, సాగు పనులకు ఇది అత్యంత అనువైన సమయం. ఈ సమయంలో సూర్యుడిని ఆరాధించడం వల్ల ఆరోగ్యం, ఆత్మవిశ్వాసం పెరుగుతాయని, జీవితంలో ప్రతికూలతలు తొలగిపోయి సానుకూల మార్పులు వస్తాయని విశ్వాసం.

వరుణ దేవుడికి అనుగ్రహం.. ఇంద్రుడి ఆరాధన

ఆరుద్ర నక్షత్రంలో సూర్యుడితో పాటు ఇంద్రుడిని పూజించడం వెనుక బలమైన కారణం ఉంది. హిందూ పురాణాల్లో ఇంద్రుడు వర్షాలకు అధిపతి. రైతులకు సమృద్ధిగా వర్షాలు కురిసి, పంటలు బాగా పండాలని కోరుకుంటూ ఇంద్రుడికి విశేష పూజలు చేస్తారు. పంటల కోతల తర్వాత వచ్చే కొత్త బియ్యంతో వండిన వంటకాలను నైవేద్యంగా సమర్పించడం సంప్రదాయం.

వంటకాలతో పూజా ప్రత్యేకత

ఆరుద్ర కార్తీ నాడుపరమాన్నం, పూరీలు ప్రసాదానికి ఎంతో ప్రాముఖ్యత ఉంటుంది. వర్షాలు సమృద్ధిగా కురవాలని కోరుకుంటూ ప్రకృతిని ఆరాధించే పద్ధతి ఇది. ముఖ్యంగా బిహార్, జార్ఖండ్, ఉత్తరప్రదేశ్ పరిసర ప్రాంతాల్లో ఈ వేడుకను ఘనంగా నిర్వహిస్తారు. మనం కూడా ఇంట్లో పాయసం, దాల్-పూరీ, సీజనల్ పండ్లతో కూడిన నైవేద్యాన్ని దైవానికి సమర్పించి, కుటుంబ సభ్యులతో పంచుకోవచ్చు.

పూజ ఎలా చేయాలి?

• సూర్యోదయానికి ముందే నిద్రలేచి, శుచిగా స్నానం చేయాలి.
• పూర్వాభిముఖంగా నిలబడి, సూర్యుడికి అర్ఘ్యం సమర్పించాలి.
• నీటిలో కుంకుమ, ఎర్రటి పూలు, బియ్యం కలిపి "ఓం సూర్యాయ నమః" అని జపిస్తూ అర్ఘ్యం వదలాలి.
• ఇంద్రుడిని పూజించేటప్పుడు "ఓం ఇంద్రాయ నమః" అని 108 సార్లు స్మరించాలి.

జాతక చక్రంపై ప్రభావం

సూర్యుడు ఆరుద్రలో ప్రవేశించడం వల్ల వ్యక్తుల్లో నాయకత్వ లక్షణాలు మెరుగుపడతాయి. ఉద్యోగులకు, రాజకీయాల్లో ఉన్నవారికి ఈ కాలం అనుకూల ఫలితాలను ఇస్తుంది. ముఖ్యంగా ఏడో ఇంట్లో సూర్యుడి ప్రభావం ఉన్నవారికి ఇది వృత్తిపరంగా మంచి అవకాశాలను తీసుకువస్తుంది. భూమిని నమ్ముకున్న రైతులకు ఈ సమయం అదృష్టాన్ని మోసుకొస్తుంది.