గ్రహాల రాజు, ప్రత్యక్ష దైవం సూర్య భగవానుడి నక్షత్ర సంచారంలో కీలక మార్పు చోటుచేసుకోబోతోంది. జ్యోతిష్య శాస్త్రం ప్రకారం సూర్యుడు ప్రతి నెలా రాశి మారడమే కాకుండా…. నెలలో రెండు లేదా మూడు సార్లు నక్షత్ర సంచారం కూడా చేస్తుంటాడు. ఈ క్రమంలోనే ప్రస్తుతం రోహిణి నక్షత్రంలో ఉన్న సూర్యుడు, తన గమనాన్ని మార్చుకుంటూ మృగశిర నక్షత్రంలోకి అడుగుపెడుతున్నాడు.
జూన్ 8, 2026 సోమవారం మధ్యాహ్నం 01:39 గంటలకు సూర్యుడు మృగశిర నక్షత్రంలోకి ప్రవేశిస్తున్నాడు. జూన్ 22 మధ్యాహ్నం వరకు సూర్యుడి సంచారం ఇదే నక్షత్రంలో కొనసాగుతుంది. మృగశిర నక్షత్రానికి అధిపతి కుజుడు (అంగారకుడు). సూర్యుడు, కుజుడికి పరమ మిత్రుడు. అందువల్ల అంగారకుడి నక్షత్రంలోకి సూర్యుడి రాక కొన్ని రాశుల వారి జాతకాలను పూర్తిగా మార్చేయబోతోంది. ముఖ్యంగా మూడు రాశుల వారికి ఈ సమయం అదృష్టాన్ని, ఊహించని ధనలాభాలను తెచ్చిపెడుతుంది.
తులా రాశి :
మృగశిర నక్షత్రంలో సూర్యుడి ప్రవేశం తులా రాశి వారికి అత్యంత లాభదాయకంగా మారబోతోంది. ఈ సమయంలో మీకు సంతాన సౌఖ్యం లభిస్తుంది. ఉద్యోగ, వ్యాపార రంగాల్లో ఉన్న వారికి స్నేహితులు, సహోద్యోగుల నుంచి ఆశించిన స్థాయిలో మద్దతు దక్కుతుంది. కుటుంబంలో ఏవైనా విభేదాలు ఉంటే, జీవిత భాగస్వామి సహాయంతో అవి సమసిపోతాయి. ఆర్థికంగా కొత్త అవకాశాలు తలుపు తడతాయి. ఆదాయ మార్గాలు పెరిగి, బ్యాంక్ బ్యాలెన్స్ పుంజుకుంటుంది.
ధనుస్సు రాశి :
ధనుస్సు రాశి వారికి ఈ నక్షత్ర సంచారం ఆర్థిక స్థిరత్వాన్ని ఇస్తుంది. మీ ఆర్థిక పరిస్థితి గతంలో కంటే చాలా బలంగా మారుతుంది. ఈ కాలంలో మీలో ఆత్మవిశ్వాసం రెట్టింపు అవుతుంది. ఏ పని చేపట్టినా పూర్తి పట్టుదలతో, కష్టపడి పూర్తి చేస్తారు. కెరీర్ పరంగా అక్కడక్కడా కొన్ని చిన్న చిన్న సవాళ్లు ఎదురైనప్పటికీ, అవి తాత్కాలికమేనని గుర్తుంచుకోవాలి. మీ ప్రతిభతో వాటిని అధిగమిస్తారు. ఈ సమయంలో దూర ప్రయాణాలు లేదా విహారయాత్రలకు వెళ్లే అవకాశాలు బలంగా ఉన్నాయి.
సింహ రాశి :
సింహ రాశి వారికి సూర్యుడి సంచారం వల్ల అదృష్టం పూర్తిగా కలిసివస్తుంది. మీరు చేపట్టే పనుల్లో విజయం సాధించడానికి మునుపటిలా ఎక్కువ కష్టపడాల్సిన అవసరం ఉండదు. తక్కువ శ్రమతోనే ఎక్కువ ఫలితాలను అందుకుంటారు. సంతానానికి సంబంధించి ఏదైనా శుభవార్త వినే అవకాశం ఉంది. అయితే… ఈ సమయంలో మీ తల్లిగారి ఆరోగ్యం పట్ల కాస్త శ్రద్ధ వహించడం మంచిది. అనుకోని ఖర్చులు రాకుండా ముందస్తు ప్రణాళికలు వేసుకోవాలి.
{{/usCountry}}సింహ రాశి వారికి సూర్యుడి సంచారం వల్ల అదృష్టం పూర్తిగా కలిసివస్తుంది. మీరు చేపట్టే పనుల్లో విజయం సాధించడానికి మునుపటిలా ఎక్కువ కష్టపడాల్సిన అవసరం ఉండదు. తక్కువ శ్రమతోనే ఎక్కువ ఫలితాలను అందుకుంటారు. సంతానానికి సంబంధించి ఏదైనా శుభవార్త వినే అవకాశం ఉంది. అయితే… ఈ సమయంలో మీ తల్లిగారి ఆరోగ్యం పట్ల కాస్త శ్రద్ధ వహించడం మంచిది. అనుకోని ఖర్చులు రాకుండా ముందస్తు ప్రణాళికలు వేసుకోవాలి.
{{/usCountry}}