వాస్తు శాస్త్రం ప్రకారం తెలిసి తెలియక ఇంటి గోడలకు వేలాడదీసిన కొన్ని తప్పుడు వస్తువులు క్రమంగా ఇంట్లో ప్రతికూలతను పెంచుతాయి. అంతేకాకుండా ఈ వస్తువులు వాస్తు దోషానికి ప్రధాన కారణం కావచ్చు. మన ఇంటి గోడలను అందంగా, ఆకర్షణీయంగా చేయడానికి మనం తరచుగా అనేక రకాల వస్తువులను వాటిపై పెడతాం. కానీ వాస్తు ప్రకారం గోడలకు కొన్ని వస్తువులను వేలాడదీయడం అస్సలు అశుభం. ఎందుకంటే కలహాలు, ప్రతికూలత, మానసిక ఒత్తిడి, సంబంధాలలో దూరాన్ని కలిగిస్తాయి.
గోడ గడియారం
మీ ఇంట్లోని ఏ గదిలోనైనా గోడకు విరిగిన లేదా పాడైపోయిన గోడ గడియారం వేలాడుతుంటే, దానిని వెంటనే తీసివేయండి. వాస్తు ప్రకారం ఇది అశుభంగా చెబుతారు. ఆగిపోయిన గోడ గడియారం కుటుంబ సభ్యుల అదృష్టానికి, పురోగతికి ఆటంకం కలిగిస్తుందని నమ్ముతారు.
ఆగిపోయిన గడియారాన్ని వెంటనే బాగు చేయించండి, ఒకవేళ అది పాడైపోయి ఉంటే, దాని స్థానంలో కొత్తదాన్ని పెట్టండి. ఎల్లప్పుడూ పనిచేస్తూ, సరైన సమయాన్ని చూపిస్తూ, శుభ్రంగా ఉన్న గడియారాన్ని మాత్రమే గోడకు తగిలించాలి.
పగిలిన గాజు
వాస్తు, జ్యోతిష్య శాస్త్రం ప్రకారం, ఇంట్లో పగిలిన గాజు ముక్కలను ఉంచడం అశుభంగా చెబుతారు. పగిలిన గాజు తీవ్రమైన వాస్తు దోషాలను కలిగిస్తుంది. ఒకవేర అద్దం పగిలినా.. గోడకు అలాగే ఉండకూడనీయదు. దీని దుష్ప్రభావాలు సంబంధాలలో, పరిసరాలలో ఒత్తిడికి దారితీయవచ్చు.
గోడ అద్దం లేదా ఫోటో ఫ్రేమ్ పగిలిపోతే, దానిని వెంటనే ఇంటి నుండి తీసివేయండి. అద్దాన్ని మరమ్మత్తు చేయించకుండా, దాని స్థానంలో కొత్తదాన్ని అమర్చాలి.
గోడకు పువ్వు
చాలా మంది తమ ఇళ్ల గోడలకు పువ్వులు తగిలిస్తారు లేదా తమ పూర్వీకుల ఛాయాచిత్రాల చుట్టూ పూలమాలలు వేస్తారు. గుర్తుంచుకోవలసిన ఒక విషయం ఏమిటంటే పాత, ఎండిపోయిన లేదా వాడిపోయిన పువ్వులను గోడలకు ఎప్పుడూ తగిలించకూడదు. ఇవి ఇంట్లో అనారోగ్యానికి, విచారానికి కారణం కావచ్చు. వాడిపోతే తీసివేయాలి.
గోడపై ఉన్న ఎండిపోయిన, వాడిపోయిన పువ్వులను తీసివేసి, వాటిని పారుతున్న నీటిలో లేదా మట్టిలో పాతిపెట్టండి. ఇంట్లో ఎల్లప్పుడూ తాజా పువ్వులు లేదా పచ్చని మొక్కలను ఉంచండి.
గోడపై చిత్రాలు
{{/usCountry}}గోడపై ఉన్న ఎండిపోయిన, వాడిపోయిన పువ్వులను తీసివేసి, వాటిని పారుతున్న నీటిలో లేదా మట్టిలో పాతిపెట్టండి. ఇంట్లో ఎల్లప్పుడూ తాజా పువ్వులు లేదా పచ్చని మొక్కలను ఉంచండి.
గోడపై చిత్రాలు
{{/usCountry}}ఇళ్ల గోడలను అందంగా తీర్చిదిద్దడానికి రకరకాల చిత్రాలను పెడతాం. అయితే ఇంటిలోని గోడపైనా కొన్ని రకాల చిత్రాలను పెట్టకూడదు. ఏడుస్తున్న పిల్లవాడు, మునిగిపోతున్న పడవ, లేదా పోట్లాడుకుంటున్న జంతువుల చిత్రాలను పెట్టకూడదు. ఇలాంటి ప్రతికూల చిత్రాలు మానసిక ఒత్తిడికి కారణమవుతాయి.
మీ ఇంట్లో ఈ ప్రతికూల చిత్రాలలో ఏవైనా ఉంటే, వాటిని తీసివేయండి. వాటి స్థానంలో ఎగిరే తెల్లని హంసలు లేదా నవ్వుతున్న ముఖాల వంటి సానుకూల చిత్రాలను పెట్టండి.
చిరిగిన క్యాలెండర్లు
వాస్తు శాస్త్రం ప్రకారం, పాత లేదా చిరిగిన క్యాలెండర్లను ఇంటి గోడలకు వేలాడదీయకూడదు. అటువంటి క్యాలెండర్లు పెండింగ్లో ఉన్న పనులు పూర్తికాకుండా అడ్డుకుని, ఆటంకాలను సృష్టిస్తాయి. దీనివల్ల కుటుంబంలో మానసిక ఒత్తిడి కూడా కలగవచ్చు.
గోడపై ఉన్న గత సంవత్సరం లేదా నెల క్యాలెండర్ను తీసివేయండి. దాని స్థానంలో, ఎల్లప్పుడూ ఉత్తరం లేదా తూర్పు వైపుకు తిరిగి ఉండే కొత్త క్యాలెండర్ను పెట్టండి.
ముళ్ల మెుక్కలు
చాలా మంది తమ ఇళ్లలో ముళ్ల మొక్కల చిత్రాలను తగిలిస్తారు. కానీ ఇంట్లో ముళ్ల మొక్కలను ఉంచడం ఎలాగైతే అశుభంగా భావిస్తారో, అలాగే ముళ్ల మొక్కల చిత్రాలను కూడా గోడలకు తగిలించకూడదు. అలా చేయడం వల్ల ఇంట్లో ఆందోళన, చిరాకు పెరుగుతాయి.
అలాంటి చిత్రాలకు బదులుగా మీ ఇంటి గోడలకు వికసిస్తున్న పువ్వుల చిత్రాలను తగిలించండి. ఇవి మనసుకు ప్రశాంతతను, కళ్లకు ఆహ్లాదాన్ని అందించి, తద్వారా ఇంట్లో ఆహ్లాదకరమైన వాతావరణాన్ని కొనసాగిస్తాయి.