ఈరోజే కొత్త అమావాస్య.. గ్రామదేవతలను ఎలా ఆరాధించాలి? చేయాల్సినవి, చేయకూడని తప్పులు ఏంటో తెలుసుకుందాం!

ఉగాది ముందు రోజు వచ్చే అమావాస్యని (Amavasya) కొత్త అమావాస్య అని అంటారు. అమావాస్యని కొత్త అమావాస్య అంటారు. తెలుగు సంవత్సరాదికి ముందు రోజున ఈ అమావాస్య వస్తుంది. గ్రామ దేవత ప్రజలు ఈ రోజున జాతర ఉత్సవం నిర్వహిస్తారు. మసూచి, అమ్మవారు వంటి సమస్యలు ఊరికి రాకుండా ఉండాలని గ్రామ దేవతలను ఆరాధిస్తారు.

విశ్వావసునామ సంవత్సరం పూర్తి కాబోతోంది. పరాభవనమ సంవత్సరంలోకి అడుగుపెట్టబోతున్నాం. ఉగాది ముందు రోజు వచ్చే అమావాస్యని (Amavasya) కొత్త అమావాస్య అని అంటారు. అమావాస్యని కొత్త అమావాస్య అంటారు. తెలుగు సంవత్సరాదికి ముందు రోజున ఈ అమావాస్య వస్తుంది. గ్రామ దేవత ప్రజలు ఈ రోజున జాతర ఉత్సవం నిర్వహిస్తారు. మసూచి, అమ్మవారు వంటి సమస్యలు ఊరికి రాకుండా ఉండాలని, పాడి పంటలు ఎప్పుడు కూడా సుభిక్షంగా ఉండాలని కొత్త అమావాస్య నాడు గ్రామ దేవతలను ఆరాధిస్తారు.

ఈరోజే కొత్త అమావాస్య.. గ్రామదేవతలను ఎలా ఆరాధించాలి? (pinterest)

చతుర్దశి నాడు జాగారంతో జాతర మొదలై, గరగల నృత్యాలు, మేళతాళాలు, పులి వేషాలతో వైభవంగా జరుపుతారు. కొత్త అమావాస్య పండుగ నాడు తెలుగు వారు గ్రామదేవతలను దర్శించుకుని ఆరాధిస్తారు. మొక్కుబడులను కూడా తీర్చుకుంటారు. అమ్మవారికి స్త్రీలు పసుపు, కుంకుమలు, గాజులు, చీరలు మొదలైన వాటిని భక్తితో చెల్లిస్తారు. అలాగే పిండి వంటకాలతో నైవేద్యాలను పెడతారు.

కొత్త అమావాస్య నాడు గ్రామదేవాలను ఎలా ఆరాధించాలి?

ఈ అమావాస్యనాడు కచ్చితంగా గ్రామదేవతలను ఆరాధించాలి. దగ్గరలో ఉన్న గ్రామదేవత ఆలయానికి వెళ్లి దేవతకు పసుపు, కుంకుమలు, పువ్వులు, చీర, జాకెట్ ఇలా మీకు తోచినవి సమర్పించి దీపారాధన చేయడం వలన మంచి జరుగుతుంది. ఇలా చేయడం వలన గ్రామదేవతల అనుగ్రహం కలుగుతుంది. కొత్త సంవత్సరం అంతా సకల శుభాలను తీసుకొస్తుంది. దగ్గరలో గ్రామదేవత ఆలయం లేకపోతే దుర్గాదేవి ఆలయానికి వెళ్లి వీటిని సమర్పించవచ్చు.

కొత్త అమావాస్య నాడు తప్పక పాటించాల్సినవి

1. కొత్త అమావాస్య నాడు సాత్విక ఆహారాన్ని మాత్రమే తీసుకోవాలి. శివుడుని ఆరాధించాలి. మాంసాహారం తీసుకోకూడదు. ఇంట్లో శాంతి వాతావరణం కలిగి, ఆర్థికంగా ఇబ్బందులు లేకుండా ఆరోగ్యంగా ఉండాలంటే కచ్చితంగా ఇది పాటించండి.
2. అలాగే పితృదేవతలకు పూజలు చేయడం వలన కూడా మంచి ఫలితాలను చూస్తారు. అమావాస్య రోజు ఇంటి ముందు దీపాన్ని పెట్టండి. దీంతో ప్రతికూల శక్తి తొలగిపోయి సానుకూల శక్తి వ్యాపిస్తుంది.
3. శని దోషాలు తొలగిపోవాలంటే నువ్వుల నూనెతో దీపారాధన చేయండి.
4. అమావాస్యనాడు ఇంటిని ఉప్పు నీటితో శుభ్రం చేసుకుంటే అప్పుల బాధల నుంచి బయటపడి ఆనందంగా ఉండొచ్చు. అమావాస్య నాడు ఉప్పు నీటితో ఇంటిని శుభ్రం చేయడం వలన దరిద్రం కూడా తొలగిపోతుంది. అదృష్టం కూడా కలుగుతుంది.

పొరపాటున కూడా ఈ కొత్త అమావాస్య నాడు తప్పులు చేయకండి

దీనిని భూతాది అమావాస్య అని కూడా అంటారు. అమావాస్య రాత్రి సమయంలో నెగటివ్ ఎనర్జీ ఎక్కువగా ఉంటుంది. కాబట్టి ఒంటరిగా, చీకటి పడిన తర్వాత ఎవరూ తిరగని చోటుకు వెళ్లడం వంటివి చేయొద్దు.

మాంసాహారం, మద్యం, ఉల్లి, వెల్లుల్లి వంటి వాటికి దూరంగా ఉండండి. ప్రతికూల ఆలోచనలు కలగకుండా చూసుకోండి.

గోర్లు కత్తిరించడం, గడ్డం గీయడం, జుట్టు కత్తిరించడం వంటివి చేయొద్దు. ఇలా చేస్తే ఆర్థిక ఇబ్బందులు కలుగుతాయి. కుటుంబంలో గొడవలు, వాదనలు కూడా పెరుగుతాయి.

సూర్యోదయం తర్వాత ఎక్కువసేపు నిద్రపోవద్దు. బ్రహ్మ ముహూర్తంలో లేచి దేవుని ప్రార్థించడం వలన శుభ ఫలితాలు కలుగుతాయి. ప్రశాంతత ఉంటుంది.