ఈరోజే క్షీరాబ్ధి ద్వాదశి.. ఈరోజు ఎందుకు తులసి పూజ చేస్తారు? కారణం తెలుసుకోండి!

ప్రతి ఏటా కార్తీకమాసంలో వచ్చే శుక్ల పక్ష ద్వాదశి నాడు క్షీరాబ్ది ద్వాదశిని జరుపుకుంటాము. ఈ ఏడాది నవంబర్ 2 అంటే ఈరోజు వచ్చింది. ఈరోజు తులసి మొక్క దగ్గర దీపారాధన చేస్తూ ఉంటారు. అయితే క్షీరాబ్ధి ద్వాదశి నాడు తులసికి వివాహాన్ని జరిపిస్తారు. తులసి పూజ ఎందుకు చేయాలి? అసలు తులసి చెట్టుకు ఎవరు తాళి కడతారు?

ప్రతి ఏటా కార్తీకమాసంలో వచ్చే శుక్ల పక్ష ద్వాదశి నాడు క్షీరాబ్ది ద్వాదశిని జరుపుకుంటాము. ఈ ఏడాది నవంబర్ 2 అంటే ఈరోజు వచ్చింది. ప్రతి హిందువు ఇంట్లో తులసి మొక్క ఉంటుంది. ఈరోజు తులసి మొక్క దగ్గర దీపారాధన చేస్తూ ఉంటారు. అయితే క్షీరాబ్ధి ద్వాదశి నాడు తులసికి వివాహాన్ని జరిపిస్తారు. తులసి పూజ ఎందుకు చేయాలి? అసలు తులసి చెట్టుకు ఎవరు తాళి కడతారు? ఎవరితో పెళ్లి జరుగుతుంది? వంటి విషయాలను ఇప్పుడు తెలుసుకుందాం.

క్షీరాబ్ది ద్వాదశి 2025 (pinterest)

పురాణ కథ

కాలనేమి అనే రాక్షసుడికి అందమైన కూతురు పుడుతుంది. ఆమె తులసీ దేవి. ఆమెను వృందగా పిలుస్తారు. ఆమె జలంధర్ అనే ఒక రాక్షసుడిని పెళ్లి చేసుకుంటుంది. శివుడు మూడో కన్ను నుంచి వచ్చిన అగ్నిలో పుట్టడం వలన అతనికి ఎక్కువ శక్తులు ఉంటాయి. జలంధరునికి దేవుళ్లు అంటే అస్సలు ఇష్టం ఉండదు, కానీ దేవుళ్ళంటే ఎంతో ఇష్టమైన వృందను ప్రేమిస్తాడు. ఆమె విష్ణు భక్తురాలు. ఆ యువరాణితో పెళ్లి అయిన తర్వాత, ఆమె భక్తి పవిత్రత కారణంగా జలంధరుడికి ఇంకా శక్తి పెరుగుతుంది. ఆఖరికి ఈశ్వరుడు కూడా జలంధరుడిని ఓడించలేకపోతాడు. శివుడిని ఓడించి విశ్వానికి అధిపతి అవ్వాలని జలంధరుడు అనుకుంటాడు.

విష్ణువును సాయం

అప్పుడు దేవుళ్ళందరూ విష్ణుమూర్తిని సాయం చేయమని కోరగా, జరిగే నష్టాన్ని అర్థం చేసుకొని విష్ణువు మాయ చేయాలని అనుకుంటాడు. శివునితో జలంధరుడు యుద్ధంలో ఉండగా, జలంధరుడి రూపంలో విష్ణువు వృంద వద్దకు వెళ్లి ఆమెను తాకుతాడు. తాను భర్త కాదని ఆమె గ్రహిస్తుంది. దీంతో ఆమె పతివ్రతా నిష్ఠ భగ్నమవుతుంది. జలంధరుడు బలహీనమవుతాడు.

జలంధరుని ఓటమి

నిజం తెలుసుకున్న ఆమె మహావిష్ణువు నిజరూపాన్ని కోరుతుంది. పూజించిన దేవుడే మాయ చేసాడని ఆమె ఎంతో బాధపడుతుంది. జరిగిన మోసానికి విష్ణువును రాయిలా మారిపోవమని శపిస్తుంది. అప్పుడు విష్ణువు దండకారణ్యంలో సాలిగ్రామ శిలగా మారిపోతాడు. జలంధరుడు శివుడు చేతిలో హతమహతుడవుతాడు. లక్ష్మీదేవి ఆ శాపాన్ని వెనక్కి తీసుకోమని కోరగా, విష్ణువు సాలిగ్రామ రూపాన్ని పెళ్లి చేసుకున్నాక ఆమె పెట్టిన శాపం అంతమవుతుంది. ఇలా విష్ణువుకి ఆమె సతిగా మారుతుంది. ఆమె శరీరం పూర్తిగా కాలిపోయాక తులసి మొక్క పుట్టిందని పురాణాల ద్వారా తెలుస్తోంది.

ద్వాదశ దీపాలు

తులసి కోట దగ్గర ఉసిరి మొక్కను పెట్టి విష్ణుమూర్తిని ఆరాధించాలి. 12, 16, లేదా 21 దీపాలను వెలిగించవచ్చు. ఇలా వెలిగించే దీపాలను "ద్వాదశ దీపాలు" అని పిలుస్తారు.