ఈరోజు షష్టి+ఆశ్లేష నక్షత్రం+బుధవారం.. సంతాన యోగం కలగడానికి, గ్రహ దోషాలు తొలగిపోవడానికి పరిహారాలు!

జీవితంలో సమస్యలు వస్తూ ఉంటాయి. అయితే చాలా మంది గ్రహ దోషాలతో బాధపడుతూ ఉంటారు. అలాగే సంతానం లేక చాలా మంది బాధపడుతూ ఉంటారు. అలాంటి వారి కోసం ఇది అమూల్యమైన రోజు అని చెప్పవచ్చు. సంతాన యోగం కలగడానికి ఈరోజు కొన్ని పరిహారాలను పాటించండి. కుజ దోషం, రాహు–కేతు దోషాల నుంచి బయటపడడానికి కూడా వీలవుతుంది.

Published on: Dec 10, 2025 8:00 AM IST

Share via

Copy link

ప్రతి ఒక్కరూ ఏ సమస్య లేకుండా ఆనందంగా ఉండాలని అనుకుంటారు. కానీ కొన్ని సార్లు జీవితంలో సమస్యలు వస్తూ ఉంటాయి. అయితే చాలా మంది గ్రహ దోషాలతో బాధపడుతూ ఉంటారు. అలాగే సంతానం లేక చాలా మంది బాధపడుతూ ఉంటారు. అలాంటి వారి కోసం ఇది అమూల్యమైన రోజు అని చెప్పవచ్చు.

షష్టి, ఆశ్లేష నక్షత్రం

డిసెంబర్ 10 అంటే ఈరోజు షష్టి, ఆశ్లేష నక్షత్రం రావడం చాలా విశేషం. ఈరోజును సరిగ్గా సద్వినియోగం చేసుకుంటే సమస్యలన్నీ తొలగి ఆనందంగా ఉండొచ్చు. సంతాన యోగం కలగడానికి ఈరోజు కొన్ని పరిహారాలను పాటించండి. అలాగే కుజ దోషం, రాహు–కేతు దోషాల నుంచి బయటపడడానికి కూడా వీలవుతుంది. అలాంటి సమస్యలు కలిగిన వారు ఈ రోజు ఏమి చేయాలి? ఎలా పూజించాలి? పాటించాల్సిన పరిహారాలు ఏంటి? వంటి విషయాలను ఇప్పుడు తెలుసుకుందాం.

ఈరోజు షష్టి, ఆశ్లేష నక్షత్రం, బుధవారం

ఈరోజు షష్టి, ఆశ్లేషా నక్షత్రం, బుధవారం మూడు కలిసి రావడం చాలా విశేషం అని చెప్పొచ్చు. కాబట్టి ఈరోజు సరిగ్గా సద్వినియోగం చేసుకోండి. సంతానం కలగడానికి ఈరోజు కొన్ని పద్ధతులను పాటిస్తే విశేష ఫలితాలను పొందవచ్చు. ఈరోజు అనేక సార్లు సుబ్రహ్మణ్య అష్టకాన్ని చదువుకోండి. దీంతో సంతానం కలిగి ఆనందంగా ఉంటారు. దగ్గరలో ఉన్న శివాలయానికి వెళ్లి రెండు తలల నాగరాజుకి పాలను తో అభిషేకం చేస్తే కూడా మంచిది.

అలాగే "ఓం శ్రీ శరవణభవాయ నమః" అనేది మంత్రాన్ని 108 సార్లు జపించండి. ఈ మంత్రం జపిస్తే చక్కటి ఫలితాన్ని చూస్తారు. ఆదిశేషుడిని ఆరాధిస్తూ విష్ణు సహస్రనామ పారాయణ చేస్తే కూడా చక్కటి ఫలితాన్ని చూస్తారు. అలా చేయలేకపోతే వెంకటేశ్వర రుద్రకవచం అయినా చదువుకోండి.

రాహు–కేతువుల కారణంగా ఇబ్బంది పడుతున్న వారు, కాలసర్ప దోషంతో బాధపడుతున్న వారు, జీవితంలో అభివృద్ధి లేక సతమతమవుతున్న వారు, కుజదోషం కారణంగా వివాహం కుదరని వారు, వివాహం అయిన తర్వాత కుజదోషం కారణంగా బాధపడుతున్న వారు సుబ్రహ్మణ్య అష్టక పారాయణ చేస్తే మంచిది.