మైసూరు దసరా ఉత్సవాల్లో సీఎం రేవంత్ రెడ్డి.. చాముండేశ్వరి ఆలయంలో ప్రత్యేక పూజలు

మైసూరు దసరా ఉత్సవాల్లో ముఖ్యమంత్రి రేవంత్ రెడ్డి పాల్గొన్నారు. చాముండేశ్వరి ఆలయంలో ఈ సందర్భంగా ప్రత్యేక పూజలు చేశారు.

కర్ణాటక రాష్ట్రంలో అత్యంత వైభవంగా నిర్వహించే మైసూరు దసరా ఉత్సవాల్లో ముఖ్యమంత్రి రేవంత్ రెడ్డి పాల్గొన్నారు. మైసూరు దసరా ఉత్సవాల్లో అత్యంత ముఖ్యమైన ఘట్టం జంబూ సవారిలో అందంగా అలంకరించిన ఏనుగుపై బంగారు అంబారీలో కొలువుదీరిన చాముండేశ్వరి అమ్మవారి ఉత్సవమూర్తిని ముఖ్యమంత్రి దర్శించుకున్నారు.

మైసూర్ దసరా ఉత్సవాల్లో సీఎం రేవంత్ రెడ్డి

కన్నడ సంస్కృతిని ప్రతిబింబించే జానపద కళాకారులు, సంగీత బృందాలు, నృత్య బృందాలు, వివిధ సాంస్కృతిక ప్రదర్శనలు ఈ ఊరేగింపులో పాల్గొన్నాయి. కర్నాటక నాడ హబ్బ (రాష్ట్ర పండుగ) ఉత్సవాలు భారతీయ సంస్కృతి, సంప్రదాయాలు, భక్తి, కళలు, చారిత్రక వారసత్వానికి ప్రతీకగా నిలుస్తాయి.

కర్ణాటక ముఖ్యమంత్రి శివకుమార్ ఆహ్వానం మేరకు ముఖ్యమంత్రి రేవంత్ రెడ్డి ఈ ఉత్సవాల్లో పాల్గొన్నారు. కేరళం ముఖ్యమంత్రి వీడీ సతీశన్‌తో పాటు ఎంతోమంది దేశ, విదేశాలకు చెందిన ప్రముఖులతో కలిసి ఉత్సవాలను వీక్షించారు.

మైసూరు రాజభవనం వద్ద నిర్వహించిన ఈ దసరా వేడుకల్లో పాల్గొనడానికి ముందు ముఖ్యమంత్రి రేవంత్ రెడ్డి మైసూరు ప్రజల ఆరాధ్య దైవమైన చాముండేశ్వరి ఆలయానికి వెళ్లి అమ్మవారిని దర్శించుకుని ప్రత్యేక పూజలు నిర్వహించారు.

మంత్రులను ఆపిన పోలీస్

దసరా జంబు సవారి ప్రారంభోత్సవ కార్యక్రమానికి వెళ్తుండగా ముగ్గురు కర్ణాటక ప్రభుత్వ మంత్రులను పోలీసులు ఆపారు. సవారిని జెండా ఊపి ప్రారంభించడానికి ముఖ్యమంత్రి డీకే శివకుమార్ వేదిక వైపు వెళుతున్నారు. ఆయన వెనకే కన్నడ సాంస్కృతిక శాఖ మంత్రి శివరాజ్ తంగడ్గి, మరో ఇద్దరు మంత్రులు కేఎస్ బసవంతప్ప, నరేంద్ర స్వామి కూడా వచ్చారు. ముఖ్యమంత్రి వెళ్ళిపోయిన తర్వాత వెనుక వస్తున్న మంత్రిని అక్కడే ఉన్న ఒక ఐపీఎస్ అధికారి ఆపారు. అనుమతి లేదు, సార్ అని చెప్పారు.

పోలీసు అధికారి అతన్ని ఆపగానే.. శివరాజ్ తంగడ్గి చేయి "నేను సాంస్కృతిక శాఖ మంత్రిని" అని చెప్పి ముందుకు కదిలారు. కాస్త అరిచినట్టుగా కనిపించింది. ముఖ్యమంత్రి వెనక్కి తిరిగి ఆదేశాలు ఇవ్వగానే పోలీసులు నిశ్శబ్దమయ్యారు. మంత్రి అధికారి ముఖంలోకి సూటిగా చూస్తూ ముందుకు కదిలారు. పోలీసులు మంత్రిని అడ్డగించిన వీడియో సోషల్ మీడియాలో వైరల్ అయింది.