రాష్ట్రవ్యాప్తంగా వర్షాభావ పరిస్థితుల వల్ల కరువు తాండవిస్తోందని, భూగర్భ జలాలు విపరీతంగా పడిపోయి రైతాంగం తీవ్ర అల్లాడుతోందని తెలంగాణ రక్షణ సేన పార్టీ అధ్యక్షురాలు కల్వకుంట్ల కవిత తీవ్ర ఆవేదన వ్యక్తం చేశారు. రాష్ట్రంలోని రైతులకు మద్దతుగా ప్రభుత్వం తక్షణమే అత్యవసర చర్యలు చేపట్టి కరువు మండలాలను ప్రకటించాలని ఆమె డిమాండ్ చేశారు. ఆదివారం బంజారాహిల్స్‌లోని పార్టీ కేంద్ర కార్యాలయంలో ఏర్పాటు చేసిన విలేకరుల సమావేశంలో కవిత మాట్లాడారు.
ప్రస్తుత తీవ్ర వాతావరణ పరిణామాలపై స్పందిస్తూ, ఎల్‌నినో ప్రభావం వల్ల రాష్ట్రంలో వర్షపాతం దారుణంగా పడిపోయిందని కవిత వివరించారు. రాష్ట్రంలో భూగర్భ జలాలు దాదాపు 20 అడుగులకు పైగా లోతుకు పడిపోయాయని, ప్రాజెక్టులు ఎండిపోతున్నాయని ఆందోళన వ్యక్తం చేశారు.
ఎల్‌నినో తీవ్ర ప్రభావం ఉంటుందని శాస్త్రవేత్తలు ముందుగానే హెచ్చరించినప్పటికీ కాంగ్రెస్ ప్రభుత్వం ఏమాత్రం ముందస్తు చర్యలు తీసుకోలేదని కల్వకుంట్ల కవిత విమర్శించారు. ఇటీవల జరిగిన క్యాబినెట్ సమావేశంలోనైనా కరువు మండలాలను ప్రకటిస్తారని ఆశించిన రైతులకు నిరాశే మిగిలిందని, కరువు ప్రకటించి ఉంటే కేంద్రం నుండి రైతులకు సహాయంందేదని అభిప్రాయపడ్డారు.
వ్యవసాయ రంగానికి కరెంట్ సరఫరా సరిగా లేదని కవిత రేవంత్ ప్రభుత్వంపై విరుచుకుపడ్డారు. సాగునీటి కోసం రైతులకు రోజుకు ఆరు నుండి ఏడు గంటలకు మించి విద్యుత్ అందడం లేదని మండిపడ్డారు. కరెంట్ కోతలు లేవని నిరూపించేందుకు ముఖ్యమంత్రి రేవంత్ రెడ్డి స్వగ్రామమైన కొండారెడ్డిపల్లికి రావడానికైనా తాను సిద్ధమని సవాల్ విసిరారు. ప్రభుత్వం ఎట్టి పరిస్థితుల్లోనూ రైతులకు ఉచిత, నిరంతర విద్యుత్ అందించి తీరాల్సిందేనని స్పష్టం చేశారు.
కృష్ణా, గోదావరి నదుల్లో నీటి లభ్యత ఉన్నప్పటికీ రాష్ట్రంలోని ప్రాజెక్టులను ఎందుకు నింపలేదని కవిత ప్రశ్నించారు. మన ప్రాజెక్టులైన పాలమూరు ఎత్తిపోతల వంటి పథకాలకు నీళ్లు రాని పరిస్థితి నెలకొందని, కృష్ణా జలాలను కుప్పం వరకు తరలించేలా చర్యలు ఉన్నాయని ఆరోపించారు.
{{/usCountry}}కృష్ణా, గోదావరి నదుల్లో నీటి లభ్యత ఉన్నప్పటికీ రాష్ట్రంలోని ప్రాజెక్టులను ఎందుకు నింపలేదని కవిత ప్రశ్నించారు. మన ప్రాజెక్టులైన పాలమూరు ఎత్తిపోతల వంటి పథకాలకు నీళ్లు రాని పరిస్థితి నెలకొందని, కృష్ణా జలాలను కుప్పం వరకు తరలించేలా చర్యలు ఉన్నాయని ఆరోపించారు.
{{/usCountry}}'రేవంత్ రెడ్డి మన నీళ్లను గిప్ట్ ప్యాక్ చేసి చంద్రబాబుకు పంపిస్తున్నాడు. కృష్ణ నీళ్లు కుప్పం వెళ్తాయి కానీ మన మహబూబ్నగర్ రైతులకు మాత్రం రావు. నార్లపూర్ రిజర్వాయర్‌కు కొంత ఖర్చు చేసి ఉంటే ఇప్పుడు దానిని నింపుకొనే అవకాశం ఉండేది. గ్రౌండ్ వాటర్ పెరిగేది.. కల్వకుర్తి పూర్తి ఆయకట్టుకైనా ఆ నీళ్లు ఉపయోగపడేవి. కాంగ్రెస్ ప్రభుత్వం మూడేళ్లలో ఏ ఒక్క పని చేయకపోవడంతో ఈ రోజు కరువుతో అల్లాడల్సిన పరిస్థితి వచ్చింది.' అని కవిత అన్నారు.
కేవలం వ్యవసాయానికే కాకుండా హైదరాబాద్ సహా పలు ప్రధాన పట్టణాల్లో తాగునీటి కొరత ఏర్పడుతోందని కవిత చెప్పారు. రాష్ట్రంలోని 60 నియోజకవర్గాల్లో తమ పార్టీ ఇన్ఛార్జ్‌లు క్షేత్రస్థాయిలోకి వెళ్లి ప్రజలకు, రైతులకు అండగా ఉంటారని, మిగతా ప్రాంతాల్లోనూ బాధితులకు తెలంగాణ రక్షణ సేన పూర్తి స్థాయిలో అండగా నిలుస్తుందని ఈ సందర్భంగా కవిత స్పష్టం చేశారు.