హైదరాబాద్‌లో నిర్మాణాల కోసం కొత్త బోర్‌వెల్స్‌కు తెలంగాణ ప్రభుత్వం అనుమతి ఇవ్వదు. రాబోయే నెలల్లో ఎల్ నినో నీటి లభ్యతను ప్రభావితం చేయవచ్చనే ఆందోళనల నేపథ్యంలో ఈ నిర్ణయం తీసుకుంది. ఎల్‌నినోపై ఉమ్మడి జిల్లాల ప్రత్యేక అధికారులతో ప్రభుత్వ ప్రధాన కార్యదర్శి సంజయ్ జూజు వీడియో కాన్ఫరెన్స్ నిర్వహించారు. తాగునీరు, విద్యుత్ సమస్యలు రాకుండా మండలస్థాయి వరకు ప్రణాళికలు రూపొందించాలని చెప్పారు. ప్రభుత్వ కార్యాలయాల్లోనూ విద్యుత్ పొదుపుగా వాడాలని ఆదేశించారు.
ప్రస్తుతం హైదరాబాద్‌లో నిర్మాణాల కోసం కొత్త బోర్‌వెల్స్‌ను తవ్వడానికి అనుమతి ఉండదను సీఎస్ చెప్పారు. ఈ ఆంక్షలు, ఇతర చర్యల ద్వారా భూగర్భ జలాలను పరిరక్షించడం, తాగునీటి కొరతను నివారించడం ప్రభుత్వ లక్ష్యం. హైదరాబాద్ తన నీటి వనరులపై పెరుగుతున్న ఒత్తిడిని ఎదుర్కొంటోంది. భూగర్భ జలమట్టాలు తగ్గుముఖం పట్టగా, వాటర్ ట్యాంకర్లకు డిమాండ్ పెరిగింది.
గత ఏడాదితో పోలిస్తే భూగర్భ జలమట్టాలు ఐదు మీటర్లకు పైగా పడిపోయాయని హైదరాబాద్ మెట్రోపాలిటన్ వాటర్ సప్లై అండ్ సీవరేజ్ బోర్డ్ మేనేజింగ్ చెబుతోంది. ఇదే కాలంలో వాటర్ ట్యాంకర్ బుకింగ్‌లు కూడా రెట్టింపు అయ్యాయి. రోజువారీ బుకింగ్‌లు సాధారణంగా ఉండే 3,500 నుండి సుమారు 7,000కి పెరిగాయి.
ఈ పరిణామాలు, ముఖ్యంగా ఎల్ నినో నీటి లభ్యతను ప్రభావితం చేస్తే, రాబోయే నెలల్లో నగరం డిమాండ్‌ను తీర్చగలదా అనే ఆందోళనలను పెంచాయి. హిమాయత్ సాగర్, ఉస్మాన్ సాగర్‌లోని ఫిల్టర్ బెడ్‌ల ద్వారా సరఫరాను పెంచే మార్గాలను కూడా అధికారులు పరిశీలిస్తున్నారు. నవంబర్ 1 నుండి ప్రభుత్వం మురుగునీటి శుద్ధి కర్మాగారాల (STPలు) నుండి శుద్ధి చేసిన నీటిని గ్రీన్ వాటర్ ట్యాంకర్ల ద్వారా నిర్మాణ ప్రదేశాలకు సరఫరా చేస్తుంది.
నిర్మాణాలకు భూగర్భజలాల ద్వారా ఉపయోగించే నీటిని తగ్గించేందుకు ప్రభుత్వం చూస్తోంది. అందుకోసం గ్రీన్ ట్యాంకర్లను తీసుకొస్తుంది. శుద్ధి చేసిన మురుగునీటిని పరిశ్రమలకు, తోటపనికి, ల్యాండ్స్కేపింగ్కు, రోడ్డు మధ్యభాగాల్లోని మెుక్కలకు కూడా ఉపయోగించాలని చూస్తోంది.
{{/usCountry}}నిర్మాణాలకు భూగర్భజలాల ద్వారా ఉపయోగించే నీటిని తగ్గించేందుకు ప్రభుత్వం చూస్తోంది. అందుకోసం గ్రీన్ ట్యాంకర్లను తీసుకొస్తుంది. శుద్ధి చేసిన మురుగునీటిని పరిశ్రమలకు, తోటపనికి, ల్యాండ్స్కేపింగ్కు, రోడ్డు మధ్యభాగాల్లోని మెుక్కలకు కూడా ఉపయోగించాలని చూస్తోంది.
{{/usCountry}}ఈ కార్యక్రమానికి మద్దతుగా అధికారులు మురుగునీటి శుద్ధి కర్మాగారాల వద్ద ఫిల్లింగ్ స్టేషన్లను అభివృద్ధి చేస్తున్నారు. హెచ్‌ఎమ్‌డబ్ల్యూ‌ఎస్‌ఎస్‌బీ తన పరిధిలో 13 శుద్ధి చేసిన నీటి ఫిల్లింగ్ స్టేషన్లను గుర్తించి, ఈ నెట్‌వర్క్‌ను విస్తరించాలని యోచిస్తోంది. ఇతర అవసరాలకు ప్రత్యామ్నాయాన్ని అందించడం ద్వారా తాగునీటి వనరులపై ఒత్తిడి తగ్గుతుంది.
హెచ్‌ఎమ్‌డబ్ల్యూ‌ఎస్‌ఎస్‌బీ పైప్‌లైన్‌లు, మున్సిపల్ నీటి కుళాయిలపై అక్రమంగా మోటార్లను అమర్చి, అధిక మొత్తంలో నీటిని తోడే వారిపై చర్య తీసుకోవాలని ప్రభుత్వం ఆదేశించింది. ఈ పంపులను గుర్తించి, తొలగించడానికి ఒక ప్రత్యేక డ్రైవ్ కొనసాగుతోంది.
గృహ వినియోగంలో నీటి వాడకాన్ని కనీసం 20 శాతం తగ్గించుకునేలా నివాసితులను ప్రోత్సహించడానికి ప్రజా అవగాహన ప్రచార కార్యక్రమాలకు ప్రభుత్వం పిలుపునిస్తోంది. దీనిద్వారా ఎల్ నినో ప్రభావానికి తెలంగాణ సన్నద్ధమవుతోంది. భూగర్భ జలమట్టాలు పడిపోవడం, ట్యాంకర్ బుకింగ్‌లు పెరుగుతున్న నేపథ్యంలో నీటిని జాగ్రత్తగా వాడుకోవాలని, అనవసర వినియోగాన్ని తగ్గించుకోవాలని ప్రభుత్వం ప్రజలకు విజ్ఞప్తి చేసింది.