చర్లపల్లి నుంచి నడిచే పలు ప్రత్యేక రైళ్లను దక్షిణ మధ్య రైల్వే పొడిగిస్తూ ఈ నిర్ణయం తీసుకుంది. దీంతో చాలా మంది ప్రయాణికులకు ఎంతగానో లబ్ధిచేకూరనుంది. దక్షిణ మధ్య రైల్వే పొడిగించిన రైళ్లు ఏ తేదీల్లో ఉన్నాయో తెలుసుకోండి.
చర్లపల్లి-షాలిమార్
ట్రైన్ నెంబర్ 08045 షాలిమార్-చర్లపల్లి మధ్య నడిచే రైలు ప్రతీ శుక్రవారం నడుస్తుంది. 03.07.2026, 10.07.2026, 17.07.2026, 24.07.2026, 31.07.2026 తేదీల్లో మెుత్తం 5 సర్వీసులు ఉన్నాయి.
08046 నెంబర్ ట్రైన్ చర్లపల్లి-షాలిమార్ మధ్య నడవనుంది. ప్రతీ శనివారం ఈ సర్వీస్ 04.07.2026, 11.07.2026, 18.07.2026, 25.07.2026, 01.08.2026 తేదీల్లో నడవనున్నాయి.
చర్లపల్లి-పాట్నా
ట్రైన్ నెంబర్ 03253 పాట్నా-చర్లపల్లి మధ్య సోమవారం, బుధవారంలో ఉండనుంది. 20.07.2026 టూ 29.07.2026 మధ్య నాలుగు సర్వీసులు ఉన్నాయి.
03254 ట్రైన్ చర్లపల్లి-పాట్నా బుధవారం నడుస్తుంది. 22.07.2026 టూ 29.07.2026 వరకు సర్వీసు నడవనున్నాయి.
ట్రైన్ నెంబర్ 03255 చర్లపల్లి-పాట్నా మధ్య ప్రతీ శుక్రవారం 24.07.2026 నుంచి 31.07.2026 మధ్య రెండు సర్వీసులు నడవనున్నాయి.
నల్గొండ రైల్వే స్టేషన్ పునారాభివృద్ధి
ప్రయాణికులకు ప్రపంచ స్థాయి సౌకర్యాలను అందించేందుకు దేశవ్యాప్తంగా స్టేషన్లను పునరాభివృద్ధి చేయాలనే లక్ష్యంతో, భారతీయ రైల్వే అమృత్ భారత్ స్టేషన్ స్కీమ్ (ABSS) ద్వారా అభివృద్ధి పనులు చేపడుతోంది. తెలంగాణలో రూ.2,000 కోట్లకు పైగా అంచనా వ్యయంతో 40 రైల్వే స్టేషన్లు పునరాభివృద్ధి అవుతున్నాయి.
దక్షిణ మధ్య రైల్వేలోని సికింద్రాబాద్ డివిజన్ పరిధిలో ఉన్న నల్గొండ రైల్వే స్టేషన్ను రూ.17.01 కోట్ల వ్యయంతో పునరాభివృద్ధి చేస్తున్నారు. ఈ స్టేషన్ ప్రతిరోజూ దాదాపు 3,000 మంది ప్రయాణికులకు సేవలు అందిస్తుంది. రోజుకు సుమారు 44 రైళ్లను నిర్వహిస్తుంది. ఉపాధి, వ్యాపార ప్రయోజనాల కోసం హైదరాబాద్ నగరానికి, ముఖ్యంగా సికింద్రాబాద్, కాచిగూడ, లింగంపల్లికి ప్రయాణించే ప్రయాణికులకు ఇది ఒక కీలకమైన ప్రయాణ కేంద్రంగా పనిచేస్తుంది.
తెలంగాణ దక్షిణ భాగంలో ఉన్న నల్గొండ రైల్వే స్టేషన్ను నాన్ సబర్బన్ గ్రేడ్-4 స్టేషన్గా వర్గీకరించారు. ఇది దక్షిణ మధ్య రైల్వేలోని సికింద్రాబాద్ డివిజన్ పరిధిలోకి వస్తుంది. నాడికుడి – బీబీ నగర్ సెక్షన్లో ఉంది. ఈ ప్రాంతంలోని ప్రయాణికులను హైదరాబాద్ నగరానికి, ఇతర చుట్టుపక్కల ప్రాంతాలకు అనుసంధానించడంలో ఈ స్టేషన్ కీలక పాత్ర పోషిస్తుంది.
{{/usCountry}}తెలంగాణ దక్షిణ భాగంలో ఉన్న నల్గొండ రైల్వే స్టేషన్ను నాన్ సబర్బన్ గ్రేడ్-4 స్టేషన్గా వర్గీకరించారు. ఇది దక్షిణ మధ్య రైల్వేలోని సికింద్రాబాద్ డివిజన్ పరిధిలోకి వస్తుంది. నాడికుడి – బీబీ నగర్ సెక్షన్లో ఉంది. ఈ ప్రాంతంలోని ప్రయాణికులను హైదరాబాద్ నగరానికి, ఇతర చుట్టుపక్కల ప్రాంతాలకు అనుసంధానించడంలో ఈ స్టేషన్ కీలక పాత్ర పోషిస్తుంది.
{{/usCountry}}నల్గొండ స్టేషన్లో అమృత్ భారత్ స్టేషన్ పథకం కింద ప్రతిపాదించిన పునరాభివృద్ధి పనులలో భాగంగా 12 మీటర్ల వెడల్పు గల ఫుట్ ఓవర్ బ్రిడ్జి నిర్మాణం, 3,309 చదరపు మీటర్ల ప్లాట్ఫారాలపై అదనపు కవర్ ఏర్పాటు, ల్యాండ్స్కేపింగ్తో సర్క్యులేటింగ్ ఏరియా అభివృద్ధి, 9,657 చదరపు మీటర్ల ప్లాట్ఫాం సర్ఫేసింగ్, కాన్కోర్స్, వీఐపీ లాంజ్, వెయిటింగ్ హాల్స్, టాయిలెట్ల అంతర్గత పునరుద్ధరణ ఉన్నాయి.