HCU Recruitment : హైదరాబాద్ సెంట్రల్ యూనివర్శిటీలో 40 ఉద్యోగాలు - మంచి జీతం, దరఖాస్తు తేదీలివే

యూనివర్సిటీ ఆఫ్‌ హైదరాబాద్ లో ఫ్యాకల్టీ ఉద్యోగాలను భర్తీ చేయనున్నారు. ఈ పోస్టుల భర్తీ కోసం దరఖాస్తులను స్వీకరిస్తున్నారు. ప్రస్తుతం ఈ ప్రక్రియ కొనసాగుతుండగా…. మార్చి 6వ తేదీతో గడువు ముగుస్తుంది. అప్లికేషన్ హార్డ్ కాపీని మార్చి 10వ తేదీలోపు సమర్పించాల్సి ఉంటుంది.

ఈ నోటిఫికేషన్ లో భాగంగా మొత్తం 40 ఖాళీలను భర్తీ చేస్తారు. వీటిలో ప్రొఫెసర్లు, అసోసియేట్ ప్రొఫెసర్లు, అసిస్టెంట్ ప్రొఫెసర్ పోస్టులున్నాయి. బ్యాక్ లాగ్ లో మిగిలిన ఈ పోస్టులను భర్తీ చేస్తున్నట్లు నోటిఫికేషన్ లో పేర్కొన్నారు.

ప్రొఫెసర్ (లెవల్-14) పోస్టులు 17 ఉండగా.. అసోసియేట్ ప్రొఫెసర్ (లెవల్-13A) ఖాళీలు 20, అసిస్టెంట్ ప్రొఫెసర్ (లెవల్-10) ఉద్యోగాలు 3 ఉన్నాయి. పీహెచ్‌డీ లేదా మాస్టర్స్ డిగ్రీతో పాటు నెట్ ఉత్తీర్ణత ఉన్నవారు దరఖాస్తు చేసుకోవాలి. రీసెర్చ్ లో మంచి పట్టు ఉండటంతో పాటు టీచింగ్ లో కూడా మంచి అనుభవం ఉండాలి. పబ్లికేషన్స్ కూడా కలిగి ఉండాలి. అభ్యర్థుల వయస్సు 21 నుంచి 65ఏళ్ల మధ్య ఉండాలి.

HCUలో ఉద్యోగాలు - అప్లికేషన్ ప్రాసెస్

అభ్యర్థులు ముందుగా అధికారిక వెబ్‌సైట్ https://uohyd.ac.in/ వెబ్ సైట్ ను చూడాలి. కెరీర్ సెక్షన్ లోని ఫ్యాక్టలీ ఆప్షన్ పై క్లిక్ చేయాలి. ఇక్కడ కనిపించే ఆన్ లైన్ అప్లికేషన్ లింక్ పై క్లిక్ చేసి ప్రాసెస్ పూర్తి చేసుకోవాలి. ఆన్ లైన్ అప్లికేషన్ ఫీజు కింద రూ. 1000 చెల్లించాలి.

HCU ఉద్యోగ నోటిఫికేషన్ - ముఖ్య వివరాలు

ఉద్యోగ నోటిఫికేషన్ - సెంట్రల్ యూనివర్శిటీ, హైదరాబాద్
ఉద్యోగాలు -ప్రొఫెసర్, అసోసియేట్ ప్రొఫెసర్ (లెవల్-13A) , అసిస్టెంట్ ప్రొఫెసర్
మొత్తం ఖాళీలు - 40
ఈ పోస్టులకు దరఖాస్తు చేసుకునే వారు సంబంధిత విభాగంలో గుర్తింపు పొందిన యూనివర్సిటీ నుంచి డిగ్రీ, పీజీ, పీహెచ్డీ ఉండాలి.
ప్రొఫెసర్ పోస్టుకు ఎంపికైన వారికి రూ. 1,44,200 నుంచి రూ. 2,18,200 మధ్య నెల జీతం ఇస్తారు. Associate Professor కు రూ. 1,31,400 నుంచి రూ. 2,17,100, అసిస్టెంట్ ప్రొఫెసర్ గా ఎంపికైన వారికి రూ. 57,700 నుంచి 1,82,400 జీతం ఇస్తారు.
దరఖాస్తు విధానం - ఆన్ లైన్
దరఖాస్తులకు చివరి తేదీ - 6 మార్చి 2026
హార్డ్ కాపీ సమర్పణకు చివరి తేదీ - 10 మార్చి 2026
హార్డ్ కాపీ పంపాల్సిన చిరునామా - ది అసిస్టెంట్ రిజిస్ట్రార్, రిక్రూట్ మెంట్ సెల్, రూమ్ నెంబర్ 221, ఫస్ట్ ఫ్లోర్ అడ్మినిస్ట్రేషన్ బిల్డింగ్, యూనివర్శిటీ ఆప్ హైదరాబాద్, గచ్చిబౌలి, హైదరాబాద్ - 500 046, తెలంగాణ.
అధికారిక వెబ్ సైట్ - https://uohyd.ac.in/

ABOUT THE AUTHOR

Maheshwaram Mahendra Chary

...Read Moreమహేంద్ర చారి మహేశ్వరం ప్రస్తుతం హిందుస్తాన్ టైమ్స్ తెలుగులో డిప్యూటీ చీఫ్ కంటెంట్ ప్రొడ్యూసర్ గా బాధ్యతలు నిర్వర్తిస్తున్నారు. డిజిటల్ జర్నలిజంలో 9 ఏళ్లకు పైగా అనుభవం ఉంది. ఇక్కడ ఏపీ, తెలంగాణకు సంబంధించిన ప్రాంతీయ వార్తలను రాస్తారు. ముఖ్యంగా రాజకీయ పరిణామాలు, విశ్లేషణలు, విద్య, ఉద్యోగ సమాచారంతో పాటు ఆసక్తికరమైన కథనాలను అందిస్తారు. ఏపీ, తెలంగాణ ప్రభుత్వ పథకాలకు సంబంధించి ప్రజలకు సులభంగా అర్థమయ్యే రీతిలో కథనాలను ఇవ్వటంలో ప్రత్యేక శైలి కలిగి ఉన్నారు. యూజర్లకు ఉపయోగపడే వార్తలను అందించడంలో ముందుంటారు.జర్నలిజంలో పీజీ చేసే సమయంలో క్యాంపస్ రిక్రూట్ మెంట్ లో భాగంగా 2017లో ఈటీవీ భారత్ లో చేరారు. 2018 అసెంబ్లీ ఎన్నికల సమయంలో ఈటీవీ డెస్క్ లోనూ కొన్ని నెలలపాటు పని చేశారు. 2019 ఆంధ్రప్రదేశ్ అసెంబ్లీ ఎన్నికలకు సంబంధించిన ఈటీవీ భారత్ ఏర్పాటు ఏర్పాటు చేసిన స్పెషల్ డెస్క్ లో కూడా పని చేశారు. ఈనాడు జర్నలిజం స్కూల్ లో కొద్దిరోజుల పాటు ట్రైనీ జర్నలిస్టులకు పాఠాలు కూడా బోధించిన అనుభవం ఉంది.2022లో హిందుస్తాన్ టైమ్స్ తెలుగులో చేరారు. అద్భుతమైన పనితీరుతో ప్రస్తుతం పని చేస్తున్న సంస్థలో 2023 - 2024 ఏడాదికానూ ప్రతిష్టాత్మకమైన 'లాంగ్వేజేస్ జర్నో' అవార్డును అందుకున్నారు. పలుమార్లు హెచ్టీ ఇన్స్టా అవార్డులు దక్కించుకున్నారు. ఇది డిజిటల్ జర్నలిజంలో ఆయన చూపిస్తున్న నిబద్ధతకు, వార్తా సేకరణలో ఆయన పాటించే ఖచ్చితత్వానికి నిదర్శనం.హైదరాబాద్ లోని నిజాం కాలేజీ నుంచి బీఎస్సీలో డిగ్రీ పట్టా పొందారు. తెలుగు విశ్వవిద్యాలయం నుంచి జర్నలిజం అండ్ మాస్ కమ్యూనికేషన్ లో పీజీ పూర్తి చేశారు. అకడమిక్స్ లో మంచి ప్రతిభకు గానూ యూనివర్శిటీ నుంచి గోల్డ్ మెడల్ ను పొందారు. ఆ తర్వాత ఉస్మానియా యూనివర్శిటీ క్యాంపస్ నుంచి లా డిగ్రీ పట్టా పొందారు. Read Less

recruitment jobs hyderabad

Home/Telangana/HCU Recruitment : హైదరాబాద్ సెంట్రల్ యూనివర్శిటీలో 40 ఉద్యోగాలు - మంచి జీతం, దరఖాస్తు తేదీలివే

SHARE THIS ARTICLE ON

Sign in

Hi, {{name}}

HCU Recruitment : హైదరాబాద్ సెంట్రల్ యూనివర్శిటీలో 40 ఉద్యోగాలు - మంచి జీతం, దరఖాస్తు తేదీలివే

HCUలో ఉద్యోగాలు - అప్లికేషన్ ప్రాసెస్

HCU ఉద్యోగ నోటిఫికేషన్ - ముఖ్య వివరాలు