Telangana Weather Updates : రాష్ట్రంలో మళ్లీ వాతావరణం మారనుంది. ప్రస్తుతం ఎండల తీవ్రత ఎక్కువగా ఉండగా…. అక్టోబర్ 2వ తేదీ నుంచి మళ్లీ వర్షాలు కురిసే అవకాశం ఉందని వాతావరణశాఖ అంచనా వేసింది. ఈ మేరకు ఎల్లో హెచ్చరికలు జారీ అయ్యాయి.
అక్టోబర్ 2 నుంచి వర్షాలు…
ఇవాళ రాష్ట్రంలో పూర్తిగా పొడి వాతావరణం ఉండనుంది. ఎలాంటి వర్ష సూచన లేదు. ఉష్ణోగ్రతలు కూడా ఎక్కువగా నమోదయ్యే సూచనలున్నాయి. రేపు కూడా ఇదే మాదిరి పరిస్థితి ఉండే అవకాశం ఉంది.
- ఇక అక్టోబర్ 2 నుండి అక్టోబర్ 3 వరకు… తిరిగి రాష్ట్రంలో వర్షాలు మొదలయ్యే అవకాశం ఉంది. జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, నాగర్ కర్నూల్ జిల్లాల్లో ఈదురుగాలులతో కూడిన వర్షాలు పడే అవకాశం ఉంది.
- అక్టోబర్ 3 నుండి అక్టోబర్ 4 వరకు…. ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబ్ నగర్, నాగర్ కర్నూల్, వనపర్తి, నారాయణపేట, జోగులాంబ గద్వాల జిల్లాల్లో ఉరుములు, మెరుపులతో కూడిన తేలికపాటి నుండి ఒక మోస్తరు వర్షాలు కురిసే అవకాశం ఉంది.
- అక్టోబర్ 4 నుండి అక్టోబర్ 6 వరకు…. రాష్ట్రంలో పొడి వాతావరణం నెలకొంటుందని వాతావరణ శాఖ అంచనా వేసింది.
వర్షాల తీవ్రతను బట్టి ప్రజలు, వాహనదారులు తగిన జాగ్రత్తలు తీసుకోవాలని వాతావరణ శాఖ సూచించింది. కుండపోత లేదా భారీ వర్షాలు కురిసినప్పుడు లోతట్టు ప్రాంతాలు, రోడ్లపై నీరు నిలిచే ప్రమాదం ఉంది. దీంతో నగరాలు, పట్టణాల్లో ట్రాఫిక్ స్తంభించిపోయే అవకాశం ఉంటుంది. తడి మరియు జారే రోడ్ల పట్ల వాహనదారులు అప్రమత్తంగా ఉండాలని… ఈదురుగాలుల వల్ల విద్యుత్ స్తంభాలు, చెట్లు కూలిపోయే ప్రమాదం ఉన్నందున జాగ్రత్తగా ఉండాలని అధికారులు సూచిస్తున్నారు.