సంతానోత్పత్తి సామర్థ్యాన్ని మెరుగుపరచడంలో ఆధునిక చికిత్సా విధానాలది కీలక పాత్ర

ఐవీఎఫ్ దినోత్సవం సందర్భంగా సంతానలేమి చికిత్సలో జరుగుతున్న ఆధునిక అభివృద్ధి గురించి పలువురు వైద్యులు వివరించారు. సంతానలేమి సమస్యలను ఎదుర్కొంటున్న దంపతులు ఆలస్యం చేయకుండా నిపుణులను సంప్రదిస్తే మెరుగైన ఫలితాలు సాధించవచ్చని చెప్పారు.

కిమ్స్ ఫెర్టిలిటీ అండ్ ఐవీఎఫ్ సెంటర్, హైదరాబాద్ బంజారాహిల్స్‌లో ప్రపంచ ఐవీఎఫ్ దినోత్సవాన్ని పురస్కరించుకుని ప్రత్యేక అవగాహన కార్యక్రమాన్ని నిర్వహించారు. ఈ సందర్భంగా సంతానలేమి చికిత్సలో జరుగుతున్న ఆధునిక అభివృద్ధి, సమయానికి చికిత్స తీసుకోవడం ప్రాముఖ్యతపై వైద్య నిపుణులు అవగాహన కల్పించారు.

ఐవీఎఫ్ దినోత్సవం

ఈ సందర్భంగా డా. నిమ్మ పూజా రెడ్డి, కన్సల్టెంట్ ఫెర్టిలిటీ స్పెషలిస్ట్ అండ్ లాపరోస్కోపిక్ సర్జన్ మాట్లాడారు. ఆధునిక ఐవీఎఫ్ సాంకేతికతలతో విజయవంతమైన గర్భధారణ అవకాశాలు గణనీయంగా పెరిగాయని తెలిపారు. సంతానలేమి సమస్యలను ఎదుర్కొంటున్న దంపతులు ఆలస్యం చేయకుండా నిపుణులను సంప్రదిస్తే మెరుగైన ఫలితాలు సాధించవచ్చని సూచించారు.

డా. బి. సింధూర, ఫెర్టిలిటీ కన్సల్టెంట్ అండ్ రీప్రొడక్టివ్ రీజెనరేటివ్ మెడిసిన్ స్పెషలిస్ట్, పునరుత్పత్తి వైద్యం, రీజెనరేటివ్ థెరపీలలో జరుగుతున్న తాజా అభివృద్ధి గురించి వివరించారు. ఈ ఆధునిక చికిత్సా విధానాలు సంతానోత్పత్తి సామర్థ్యాన్ని మెరుగుపరచడంలో కీలక పాత్ర పోషిస్తున్నాయని తెలిపారు.

తెలుగు రాష్ట్రాల్లో పూర్తిగా నొప్పిలేని, సూదులు అవసరం లేని ఫెర్టిలిటీ చికిత్సలను ప్రవేశపెట్టిన తొలి ఫెర్టిలిటీ కేంద్రం కిమ్స్ ఫెర్టిలిటీ అండ్ ఐవీఎఫ్ సెంటర్ అని వైద్యులు పేర్కొన్నారు. ఈ వినూత్న చికిత్సా విధానం ద్వారా రోగుల్లో చికిత్సపై ఉండే భయం, ఆందోళన తగ్గి మరింత సౌకర్యవంతమైన అనుభవం కలుగుతోందని వివరించారు.

కార్యక్రమంలో పాల్గొన్న దంపతులు, రోగులతో వైద్య నిపుణులు ప్రత్యక్షంగా మమేకమై, సంతానలేమి, ఐవీఎఫ్ చికిత్సలపై ఉన్న అపోహలను నివృత్తి చేశారు. సరైన సమయంలో పరీక్షలు చేయించుకోవడం, నిపుణుల సలహా తీసుకోవడం ద్వారా సంతానలేమి సమస్యలను సమర్థవంతంగా అధిగమించవచ్చని తెలిపారు. సంతానాన్ని ఆశించే దంపతులకు ఫెర్టిలిటీ ఆరోగ్యం, ముందస్తు నిర్ధారణ, అందుబాటులో ఉన్న అత్యాధునిక చికిత్సా విధానాలపై అవగాహన కల్పించడమే ఈ కార్యక్రమం ముఖ్య ఉద్దేశమని నిర్వాహకులు తెలిపారు.