తెలంగాణ ప్రభుత్వం రాష్ట్రవ్యాప్తంగా భారీ సంఖ్యలో అంగన్వాడీ పోస్టుల భర్తీకి శ్రీకారం చుట్టిన సంగతి తెలిసిందే. ఇందులో భాగంగా మహిళా, శిశు, దివ్యాంగుల మరియు వయోవృద్ధుల సంక్షేమ శాఖ.. భద్రాద్రి కొత్తగూడెం జిల్లా పరిధిలోని వివిధ ప్రాజెక్టులలో ఖాళీగా ఉన్న పోస్టుల భర్తీకి అధికారిక ప్రకటన విడుదల చేసింది. జిల్లాలోని 11 ఐసీడీఎస్(ICDS) ప్రాజెక్టుల పరిధిలో మొత్తం 178 అంగన్వాడీ టీచర్ పోస్టులను భర్తీ చేయనున్నారు. జులై 18వ తేదీ వరకు అప్లై చేసుకోవచ్చు.
రాష్ట్రవ్యాప్తంగా మొత్తం 15,982 ఉద్యోగాలను భర్తీ చేయాలని ప్రభుత్వం నిర్ణయించగా.. ఇప్పటికే ఆరు జిల్లాల్లో ప్రక్రియ ప్రారంభమైంది. తాజాగా కొత్తగూడెం జిల్లాలో ఈ నోటిఫికేషన్ వెలువడింది. మిగిలిన జిల్లాల్లోనూ విడతల వారీగా త్వరలోనే విడివిడిగా నోటిఫికేషన్లు రానున్నాయి.
ప్రాజెక్టుల వారీగా ఖాళీల వివరాలు
భద్రాద్రి కొత్తగూడెం జిల్లాలోని 11 ప్రాజెక్టులలో పోస్టులు చూసుకుంటే.. మణుగూరు 24, పాల్వంచ 29, ఇల్లెందు 21, టేకులపల్లి 19, దమ్మపేట 16, కొత్తగూడెం 16, చర్ల 12, దుమ్ముగూడెం 12, అశ్వారావుపేట 11, బూర్గంపాడు 10, చంద్రుగొండ 08 ఉన్నాయి.
అర్హతలు
అంగన్వాడీ టీచర్, హెల్పర్ పోస్టులకు దరఖాస్తు చేసుకునే అభ్యర్థులకు ఇంటర్మీడియట్ ఉత్తీర్ణత ఉండాలి. ఒకవేళ ఇంటర్ చదివిన అభ్యర్థులు అందుబాటులో లేకపోతే పదో తరగతి పాసైన వారిని పరిగణనలోకి తీసుకుంటారు. అభ్యర్థుల వయసు 18 సంవత్సరాల నుండి 35 సంవత్సరాల మధ్య ఉండాలి. వినికిడి పరికరాలు ఉపయోగించి వినగలిగే వారు, ఇతరుల సహాయం లేకుండా నిలదొక్కుకోగలిగే అంధత్వం ఉన్నవారు, పిల్లలను సంరక్షించగల సామర్థ్యం ఉన్న దివ్యాంగ మహిళలు కూడా ఈ పోస్టులకు దరఖాస్తు చేసుకోవచ్చు.
ఎంపిక విధానం
ఈ ఉద్యోగాలకు దరఖాస్తు చేసుకునే మహిళలు తప్పనిసరిగా స్థానిక నివాసి అయి ఉండాలి. పట్టణ ప్రాంతాల వారైతే సంబంధిత వార్డులో, గ్రామీణ ప్రాంతాల వారైతే అంగన్వాడీ కేంద్రం ఉన్న గ్రామ పంచాయతీ పరిధిలో నివసిస్తూ ఉండాలి. గిరిజన/ఆదివాసీ తండాలు మరియు గూడేలలోని పోస్టులకు స్థానిక ఎస్టీ (ST) మహిళలు, ఎస్సీ వాడల్లోని పోస్టులకు స్థానిక ఎస్సీ (SC) మహిళలు మాత్రమే అర్హులు.
{{/usCountry}}ఈ ఉద్యోగాలకు దరఖాస్తు చేసుకునే మహిళలు తప్పనిసరిగా స్థానిక నివాసి అయి ఉండాలి. పట్టణ ప్రాంతాల వారైతే సంబంధిత వార్డులో, గ్రామీణ ప్రాంతాల వారైతే అంగన్వాడీ కేంద్రం ఉన్న గ్రామ పంచాయతీ పరిధిలో నివసిస్తూ ఉండాలి. గిరిజన/ఆదివాసీ తండాలు మరియు గూడేలలోని పోస్టులకు స్థానిక ఎస్టీ (ST) మహిళలు, ఎస్సీ వాడల్లోని పోస్టులకు స్థానిక ఎస్సీ (SC) మహిళలు మాత్రమే అర్హులు.
{{/usCountry}}జిల్లా కలెక్టర్ నేతృత్వంలోని జిల్లా ఎంపిక కమిటీ (DSC) ఇంటర్వ్యూల ఆధారంగా ఎంపిక ప్రక్రియను నిర్వహిస్తుంది. వెయిటేజీ మార్కుల వివరాలు చూసుకుంటే.. ఇంటర్మీడియట్ మార్కులకు 70 శాతం, అనాథలకు 10 శాతం, వితంతువులకు 5 శాతం, దివ్యాంగులకు 5 శాతం, ఇంటర్వ్యూ మార్కులు 10 మార్కులు ఉంటాయి.
ముఖ్యమైన తేదీలు
ఆన్లైన్ దరఖాస్తుకు ఆఖరి తేదీ: 18.07.2026
సర్టిఫికేట్ల పరిశీలన ప్రక్రియ: జులై 20 నుండి ఆగస్టు 07, 2026 వరకు
అప్లోడ్ చేయాల్సిన పత్రాలు
అర్హులైన మహిళా అభ్యర్థులు ఆన్లైన్ ద్వారా దరఖాస్తు చేసుకోవాల్సి ఉంటుంది. అప్లికేషన్ సమయంలో పుట్టిన తేదీ ధృవీకరణ పత్రం, కులధృవీకరణ పత్రం, విద్యార్హతల మార్కుల లిస్ట్ (ఇంటర్/అంతకంటే ఎక్కువ), స్థానిక నివాస ప్రమాణ పత్రం అప్లోడ్ చేయాలి. ప్రత్యేక కేటగిరీ అభ్యర్థులు సదరం సర్టిఫికేట్, వితంతు/అనాథ ధృవీకరణ పత్రాలను జతపరచాల్సి ఉంటుంది.