పండుగల సీజన్‌లో ప్రయాణికుల రద్దీని తట్టుకునేందుకు దక్షిణ మధ్య రైల్వే (SCR) మరో కీలక నిర్ణయం తీసుకుంది. హైదరాబాద్, చర్లపల్లి రైల్వే స్టేషన్ల నుంచి ఢిల్లీలోని హజ్రత్ నిజాముద్దీన్‌కు వన్‌వే పండుగ ప్రత్యేక రైళ్లను నడపనుంది. దసరా, దీపావళి వేళ సొంతూర్లు, సుదూర ప్రాంతాలకు వెళ్లే ప్రయాణికులకు ఈ రైళ్లు ఎంతగానో ఉపయోగపడనున్నాయి.
ప్రత్యేక రైళ్ల పూర్తి షెడ్యూల్…
హైదరాబాద్ – హజ్రత్ నిజాముద్దీన్ వన్‌వే స్పెషల్ (రైలు నంబరు: 07031) : ఈ ప్రత్యేక రైలు 2026 అక్టోబర్ 9 శుక్రవారం నాడు రాత్రి 23:25 గంటలకు హైదరాబాద్ (నాంపల్లి) స్టేషన్ నుంచి బయలుదేరుతుంది. రెండు రోజుల ప్రయాణం తర్వాత (రెండో రోజు) ఉదయం 11:55 గంటలకు హజ్రత్ నిజాముద్దీన్ చేరుకుంటుంది. ఈ రైలును ఒక్క ట్రిప్ (01 సర్వీస్) మాత్రమే నడపనున్నారు.
- ఈ రైలు మార్గమధ్యంలో సికింద్రాబాద్, కాజీపేట, బలార్షా, నాగపూర్, ఇటార్సి, జబల్‌పూర్, కట్ని, సత్నా, చిత్రకూట్ ధామ్ కర్వీ, బందా, VGL ఝాన్సీ, గ్వాలియర్ ఆగ్రా కాంట్ స్టేషన్లలో ఆగుతుంది.
చర్లపల్లి – హజ్రత్ నిజాముద్దీన్ వన్‌వే స్పెషల్ (రైలు నంబర్ - 07035) : చర్లపల్లి స్టేషన్ నుంచి బయలుదేరే ఈ ప్రత్యేక రైలు 2026 అక్టోబర్ 11 ఆదివారం నాడు రాత్రి 23:55 గంటలకు బయలుదేరుతుంది. ఇది కూడా ప్రయాణించిన రెండో రోజు ఉదయం 11:55 గంటలకు హజ్రత్ నిజాముద్దీన్ చేరుకుంటుంది. ఈ ప్రత్యేక రైలు సర్వీసును కూడా ఒక ట్రిప్ కే పరిమితం చేశారు.
- ఈ రైలు కాజీపేట, బలార్షా, నాగపూర్, ఇటార్సి, జబల్‌పూర్, కట్ని, సత్నా, చిత్రకూట్ ధామ్ కర్వీ, బందా, VGL ఝాన్సీ, గ్వాలియర్, ఆగ్రా కాంట్ స్టేషన్లలో ఆగుతుంది.
ఈ రెండు ప్రత్యేక రైళ్లలోనూ ప్రయాణికుల సౌకర్యార్థం స్లీపర్ క్లాస్, జనరల్ సెకండ్ క్లాస్ కోచ్లను ఏర్పాటు చేశారు. సాధారణ రైళ్లలో బెర్త్లు దొరకక ఇబ్బంది పడుతున్న ప్రయాణికులు ఐఆర్సీటీసీ (IRCTC) వెబ్సైట్ లేదా రిజర్వేషన్ కౌంటర్ల ద్వారా ఈ వన్‌వే పండుగ ప్రత్యేక రైళ్ల సేవలను వినియోగించుకోవాలని రైల్వే అధికారులు సూచించారు.
{{/usCountry}}ఈ రెండు ప్రత్యేక రైళ్లలోనూ ప్రయాణికుల సౌకర్యార్థం స్లీపర్ క్లాస్, జనరల్ సెకండ్ క్లాస్ కోచ్లను ఏర్పాటు చేశారు. సాధారణ రైళ్లలో బెర్త్లు దొరకక ఇబ్బంది పడుతున్న ప్రయాణికులు ఐఆర్సీటీసీ (IRCTC) వెబ్సైట్ లేదా రిజర్వేషన్ కౌంటర్ల ద్వారా ఈ వన్‌వే పండుగ ప్రత్యేక రైళ్ల సేవలను వినియోగించుకోవాలని రైల్వే అధికారులు సూచించారు.
{{/usCountry}}