దసరా పండుగ అనగానే పాఠశాల విద్యార్థులకు గుర్తొచ్చేది సెలవులే. 2026-27 విద్యా సంవత్సరానికి గానూ తెలంగాణ, ఆంధ్రప్రదేశ్లలో దసరా సెలవుల షెడ్యూల్ను విద్యాశాఖ విడుదల చేసింది. రెండు రాష్ట్రాల్లోనూ దసరా పండుగ ఉత్సాహం నెలకొన్నప్పటికీ, పాఠశాలలకు ఇచ్చే సెలవుల వ్యవధిలో వ్యత్యాసం ఉంది.
తెలంగాణలో 13 రోజులు
తెలంగాణ పాఠశాల విద్యాశాఖ అకడమిక్ క్యాలెండర్ ప్రకారం ప్రభుత్వ, ఎయిడెడ్, ప్రైవేట్ విద్యాసంస్థలకు మొత్తం 13 రోజుల పాటు దసరా సెలవులు లభించనున్నాయి. సెలవుల ప్రారంభం 2026 అక్టోబర్ 10 నుంచి ఉంటాయి. దసరా సెలవులకు ముందు చివరి వర్కింగ్ డే అక్టోబర్ 9. ఇక అక్టోబర్ 22వ తేదీ దాకా సెలవులు ఉంటాయి. పాఠశాలలు అక్టోబర్ 23న పునఃప్రారంభం అవుతాయి. తెలంగాణ విద్యార్థులకు అక్టోబర్ 10 నుంచి అక్టోబర్ 22 వరకు వరుసగా 13 రోజులు సెలవులు రానుండటంతో గ్రాండ్ లాంగ్ వెకేషన్ లభించినట్లయింది.
ఆంధ్రప్రదేశ్లో 10 రోజులు
ఆంధ్రప్రదేశ్ విద్యాశాఖ విడుదల చేసిన 2026-27 విద్యా క్యాలెండర్ ప్రకారం సాధారణ పాఠశాలలకు 10 రోజుల పాటు దసరా సెలవులు ఖరారయ్యాయి. 2026 అక్టోబర్ 12 నుండి అక్టోబర్ 21 వరకు మొత్తం 10 రోజులు ఇస్తున్నారు. క్రైస్తవ మైనారిటీ విద్యాసంస్థలకు సంబంధించి ఈ హాలిడే షెడ్యూల్ భిన్నంగా ఉంటుంది. రెండు రాష్ట్రాల్లో ఒకే రకమైన సెలవులు ఉంటాయని అనుకోకూడదు.
సమ్మేటివ్ అసెస్మెంట్-1
తెలంగాణలో దసరా సెలవులకు వెళ్లేముందే విద్యార్థులు ఎలాంటి మానసిక ఒత్తిడి లేకుండా పండుగ జరుపుకోవడానికి వీలుగా సమ్మేటివ్ అసెస్మెంట్-1 (SA-1) పరీక్షలను పూర్తి చేసేందుకు విద్యాశాఖ చర్యలు చేపట్టింది. 2026 అక్టోబర్ 1 నుంచి అక్టోబర్ 9 వరకు ఎగ్జామ్స్ ఉంటాయి. పాథమిక తరగతుల వారికి అక్టోబర్ 5 నుంచి అక్టోబర్ 9 వరకు, 6 నుండి 10వ తరగతి వారికి అక్టోబర్ 1 నుంచి అక్టోబర్ 9 వరకు పరీక్షలు ఉంటాయి.
సెలవుల సమయంలో ఉపాధ్యాయులు మూల్యాంకనం పూర్తి చేస్తారు. పాఠశాలలు తిరిగి ప్రారంభమైన తర్వాత ఫలితాలను వెల్లడిస్తారు. SA-2 పరీక్షలు 1 నుంచి 9వ తరగతి 2027 ఏప్రిల్ 9 నుండి ఏప్రిల్ 19 వరకు జరగనున్నాయి. పదో తరగతి ప్రీ-ఫైనల్స్ 2027 ఫిబ్రవరి 28 నాటికి పూర్తి కానున్నాయి.
{{/usCountry}}సెలవుల సమయంలో ఉపాధ్యాయులు మూల్యాంకనం పూర్తి చేస్తారు. పాఠశాలలు తిరిగి ప్రారంభమైన తర్వాత ఫలితాలను వెల్లడిస్తారు. SA-2 పరీక్షలు 1 నుంచి 9వ తరగతి 2027 ఏప్రిల్ 9 నుండి ఏప్రిల్ 19 వరకు జరగనున్నాయి. పదో తరగతి ప్రీ-ఫైనల్స్ 2027 ఫిబ్రవరి 28 నాటికి పూర్తి కానున్నాయి.
{{/usCountry}}ఈ ఏడాది విజయదశమి (దసరా) పండుగ అక్టోబర్ 20 నాడు రానుంది. దసరా వేడుకలతో పాటు తెలంగాణ సంస్కృతికి ప్రతీక అయిన బతుకమ్మ సంబరాలు కూడా సెలవుల సమయంలోనే జరగనున్నాయి. బతుకమ్మ ప్రారంభం అక్టోబర్ 11 నుంచి ఉంటుంది. సద్దుల బతుకమ్మ అక్టోబర్ 18.