చర్లపల్లి - తిరుపతి మధ్య దసరా ప్రత్యేక రైళ్లు - వయా వరంగల్, విజయవాడ! తేదీలివే

Charlapalli Tirupati Special Trains : దసరా, దీపావళి పండగల రద్దీని దృష్టిలో ఉంచుకుని దక్షిణ మధ్య రైల్వే ప్రయాణికులకు శుభవార్త చెప్పింది. చర్లపల్లి - తిరుపతి మార్గంలో ప్రత్యేక రైళ్లను అందుబాటులోకి తీసుకువచ్చింది.

Charlapalli Tirupati Special Trains : దసరా పండగ వేళ సొంతూర్లకు వెళ్లే ప్రయాణికులు, తిరుమల శ్రీవారి దర్శనానికి వెళ్లే భక్తుల రద్దీని నివారించేందుకు దక్షిణ మధ్య రైల్వే (SCR) కీలక నిర్ణయం తీసుకుంది. హైదరాబాద్‌లోని చర్లపల్లి నుంచి తిరుపతి మధ్య పండగ ప్రత్యేక రైళ్లను ప్రకటించింది.

వన్ వే స్పెషల్ ట్రైన్

• చర్లపల్లి - తిరుపతి ప్రత్యేక రైలు (రైలు నం. 07713) : ఈ ప్రత్యేక రైలు 2026 అక్టోబర్ 10న సాయంత్రం 06:10 గంటలకు చర్లపల్లిలో బయలుదేరి, మరుసటి రోజు (అక్టోబర్ 11న) ఉదయం 07:30 గంటలకు తిరుపతి చేరుకుంటుంది.
• తిరుపతి - చర్లపల్లి ప్రత్యేక రైలు (రైలు నం. 07714) : తిరుగు ప్రయాణంలో ఈ రైలు 2026 అక్టోబర్ 11న మధ్యాహ్నం 02:45 గంటలకు తిరుపతిలో బయలుదేరి, మరుసటి రోజు (అక్టోబర్ 12న) తెల్లవారుజామున 04:30 గంటలకు చర్లపల్లి చేరుకుంటుంది.

స్టాపేజీల వివరాలు:

ఈ ప్రత్యేక రైళ్లు రెండు వైపులా జనగాం, కాజీపేట, వరంగల్, మహబూబాబాద్, డోర్నకల్, ఖమ్మం, మధిర, విజయవాడ, తెనాలి, బాపట్ల, చీరాల, ఒంగోలు, నెల్లూరు మరియు రేణిగుంట స్టేషన్లలో ఆగుతాయి. కోచ్‌ల సమాచారం:

ప్రయాణికుల సౌకర్యార్థం ఈ ప్రత్యేక రైళ్లలో స్లీపర్ క్లాస్, జనరల్ సెకండ్ క్లాస్ కోచ్‌లను అందుబాటులో ఉంచారు. పండగ వేళ ప్రయాణించే వారు ఐఆర్‌సిటిసి (IRCTC) వెబ్‌సైట్ లేదా యాప్ ద్వారా ముందస్తు రిజర్వేషన్ చేసుకోవాలని రైల్వే అధికారులు సూచించారు.