హైదరాబాద్-గోరఖ్‌పూర్, నాందేడ్-తిరుచానూరు మధ్య ప్రత్యేక రైళ్లు.. స్టాప్స్ ఇవి!

దక్షిణ మధ్య రైల్వే ప్రయాణికులకు శుభవార్త చెప్పింది. హైదరాబాద్-గోరఖ్‌పూర్, నాందేడ్-తిరుచానూరు మధ్య ప్రత్యేక రైళ్లను నడుపుతున్నట్టుగా ప్రకటించింది.

రైల్వే ప్రయాణికుల రద్దీని దృష్టిలో ఉంచుకుని దక్షిణ మధ్య రైల్వే కీలక నిర్ణయం తీసుకుంది. ప్రయాణికులకు ఎలాంటి ఇబ్బందులు కలగకుండా ఉండేందుకు హైదరాబాద్ - గోరఖ్‌పూర్ మధ్య నడుస్తున్న ప్రత్యేక రైలు సర్వీసులను పొడిగించడంతో పాటు నాందేడ్ - తిరుచానూరు మధ్య కొత్తగా స్పెషల్ రైళ్లను నడపనున్నట్లు రైల్వే శాఖ ప్రకటించింది. ఈ మేరకు ప్రత్యేక రైళ్ల పూర్తి షెడ్యూల్, సర్వీసుల వివరాలను విడుదల చేసింది.

దక్షిణ మధ్య ప్రత్యేక రైళ్లు

రైళ్లు పొడిగింపు

హైదరాబాద్ – గోరఖ్‌పూర్ – హైదరాబాద్ ప్రత్యేక రైళ్ల పొడిగించింది. హైదరాబాద్, గోరఖ్‌పూర్ మధ్య ప్రయాణించే వారి అదనపు రద్దీని తగ్గించడానికి ఈ నిర్ణయం తీసుకుంది.

07075 హైదరాబాద్ - గోరఖ్‌పూర్ 07.08.2026, 14.08.2026, 21.08.2026, 28.08.2026 తేదీల్లో నడుస్తుంది. 07076 గోరఖ్‌పూర్ - హైదరాబాద్ 09.08.2026, 16.08.2026, 23.08.2026, 30.08.2026 తేదీల్లో ఉంటుంది.

2. హెచ్.ఎస్. నాందేడ్ – తిరుచానూరు – హెచ్.ఎస్. నాందేడ్ ప్రత్యేక రైళ్లు (Train No. 07603 / 07604)

ప్రయాణికుల రద్దీని క్లియర్ చేయడానికి నాందేడ్ మరియు ప్రముఖ పుణ్యక్షేత్రమైన తిరుచానూరు మధ్య దక్షిణ మధ్య రైల్వే మొత్తం 12 సర్వీసుల ప్రత్యేక రైళ్లను నడుపుతోంది.

ప్రత్యేక రైళ్లు

07603 హెచ్.ఎస్. నాందేడ్ - తిరుచానూరు 21.07.2026 నుంచి 25.08.2026 వరకు 6 సర్వీసులు నడుస్తుంది.

07604 తిరుచానూరు - హెచ్.ఎస్. నాందేడ్ ట్రైన్ 22.07.2026 నుంచి 26.08.2026 వరకు 6 సర్వీసులు నడపనుంది.

నాందేడ్ – తిరుచానూరు ఎక్స్‌ప్రెస్ స్పెషల్ రైళ్లు రెండు వైపులా కింది ముఖ్యమైన రైల్వే స్టేషన్లలో ఆగుతాయి. ముద్ఖేడ్, ధర్మాబాద్, బాసర, నిజామాబాద్, ఆర్మూర్, కోరుట్ల, లింగంపేట జగిత్యాల, కరీంనగర్, పెద్దపల్లి, జమ్మికుంట, వరంగల్, మహబూబాబాద్, ఖమ్మం, విజయవాడ, తెనాలి, బాపట్ల, చీరాల, ఒంగోలు, నెల్లూరు, రేణిగుంట స్టేషన్లలో స్టాప్‌లు ఉన్నాయి.

ఈ ప్రత్యేక రైళ్లలో ప్రయాణికులకు మెరుగైన వసతి కల్పించేందుకు థర్డ్ ఏసీ, స్లీపర్ క్లాస్ కోచ్‌లను ఏర్పాటు చేశారు. ప్రయాణికులు ఈ ప్రత్యేక రైలు సర్వీసుల పొడిగింపును ఉపయోగించుకుని తమ ప్రయాణాలను ముందుగానే ప్లాన్ చేసుకోవాలని రైల్వే అధికారులు కోరారు. సీట్ల రిజర్వేషన్, మరిన్ని వివరాల కోసం రైల్వే అధికారిక వెబ్‌సైట్ లేదా ఐఆర్‌సీటీసీ పోర్టల్‌ను సందర్శించవచ్చు.