Telangana TET Notification 2026 : డీఎడ్, బీఎడ్ పూర్తి చేసినవారితో పాటు టెట్ రాసేందుకు ఎదురుచూస్తున్న అభ్యర్థులకు అప్డేట్ వచ్చేసింది. త్వరలోనే కొత్త నోటిఫికేషన్ విడుదలయ్యే అవకాశం ఉంది. ఈ మేరకు విద్యాశాఖ కసరత్తు షురూ చేసింది. ప్రాథమిక సమాచారం మేరకు… ఈ నెలాఖరులోగా రెగ్యులర్ ఉపాధ్యాయ అర్హత పరీక్ష (TG TET) నోటిఫికేషన్ విడుదల చేయడానికి అధికారులు సన్నాహాలు చేస్తున్నారు.
సాధారణంగా నవంబరు మొదటి వారంలోనే ఈ టెట్ నోటిఫికేషన్ రావాల్సి ఉంది. అయితే ఈసారి ఇప్పటికే విధుల్లో ఉన్న ఇన్‌సర్వీస్ ఉపాధ్యాయులకు రెండో టెట్ పరీక్షలను నిర్వహిస్తుండటంతో రెగ్యులర్ నోటిఫికేషన్ జారీలో కొంత ఆలస్యం జరిగింది.
ఈనెలాఖరులోగా నోటిఫికేషన్…!
ఈ నెలాఖరులో రెగ్యులర్ టెట్ ప్రకటనను జారీ చేసేందుకు విద్యాశాఖ అన్ని ఏర్పాట్లు సిద్ధం చేస్తోంది. అభ్యర్థుల దరఖాస్తు స్వీకరణ, పరీక్షల నిర్వహణ తేదీలను త్వరలోనే ప్రకటించే అవకాశం ఉంది. నోటిఫికేషన్ ఈనెలాఖారులోగా జారీ చేసిన తర్వాత…. వచ్చే ఏడాది జనవరి నెలలో కంప్యూటర్ ఆధారిత ఆన్‌లైన్ విధానంలో (CBT) పరీక్షలు నిర్వహించేందుకు ప్రణాళికలు సిద్ధం చేస్తున్నారు. దీంతో ఉపాధ్యాయ కొలువుల కోసం సిద్ధమవుతున్న వేలాది మంది డీఎడ్, బీఎడ్ అభ్యర్థులకు ఊరట లభించనుంది.
తెలంగాణ టెట్ పరీక్షను రెండు పేపర్లుగా నిర్వహిస్తారు. ఒకటి నుంచి ఐదవ తరగతి వరకు బోధించాలనుకునే వారు పేపర్-1, ఆరు నుంచి ఎనిమిదవ తరగతి వరకు బోధించాలనుకునే వారు పేపర్-2 రాయాల్సి ఉంటుంది. రెండు పేపర్లలోనూ 150 మార్కులకు గానూ 150 ప్రశ్నలు ఇస్తారు. సమయం రెండున్నర గంటలు ఉంటుంది.
టెట్ పరీక్షలో ఒక్కసారి అర్హత సాధిస్తే ఏ డీఎస్సీ పరీక్షనైనా రాసుకోవచ్చు. అర్హత సాధించిన అభ్యర్థులు ఎన్నిసార్లు అయినా టెట్ రాయవచ్చు. ఎక్కువ స్కోర్ ఉన్న టెట్ పరీక్షనే పరిగణనలోకి తీసుకుంటారు. డీఎస్సీ నియామకాల్లో టెట్ స్కోర్ కు వెయిటేజీ ఉంటుంది. కాబట్టి టెట్ పరీక్షకు చాలా మంది అభ్యర్థులు హాజరవుతుంటారు.
{{/usCountry}}టెట్ పరీక్షలో ఒక్కసారి అర్హత సాధిస్తే ఏ డీఎస్సీ పరీక్షనైనా రాసుకోవచ్చు. అర్హత సాధించిన అభ్యర్థులు ఎన్నిసార్లు అయినా టెట్ రాయవచ్చు. ఎక్కువ స్కోర్ ఉన్న టెట్ పరీక్షనే పరిగణనలోకి తీసుకుంటారు. డీఎస్సీ నియామకాల్లో టెట్ స్కోర్ కు వెయిటేజీ ఉంటుంది. కాబట్టి టెట్ పరీక్షకు చాలా మంది అభ్యర్థులు హాజరవుతుంటారు.
{{/usCountry}}