TG CPGET 2026 Hall Ticket : పీజీ కోర్సుల్లో ప్రవేశాల కోసం దరఖాస్తు చేసుకున్న విద్యార్థులకు ముఖ్య గమనిక. తెలంగాణ కామన్ పోస్ట్ గ్రాడ్యుయేట్ ఎంట్రన్స్ టెస్ట్ (TG CPGET) - 2026 హాల్ టికెట్లు విడుదలయ్యాయి. పరీక్షకు హాజరయ్యే అభ్యర్థులు తమ హాల్ టికెట్లను వెంటనే డౌన్లోడ్ చేసుకోవచ్చు.
హాల్ టికెట్ డౌన్లోడ్ ఇలా...
కన్వీనర్ కార్యాలయం వెల్లడించిన సమాచారం ప్రకారం.... ఈ ప్రవేశ పరీక్షలు జూలై 8వ తేదీ నుంచి జూలై 15వ తేదీ వరకు రాష్ట్రవ్యాప్తంగా వివిధ కేంద్రాల్లో జరగనున్నాయి. అభ్యర్థులు అధికారిక వెబ్సైట్ https://cpget.tgche.ac.in/ సందర్శించి హాల్ టికెట్లను పొందవచ్చు. వెబ్సైట్ హోంపేజీలో మీ రిజిస్ట్రేషన్ నెంబర్, డేట్ ఆఫ్ బర్త్ (పుట్టిన తేదీ), మరియు మీరు రాయబోయే సబ్జెక్ట్ వివరాలను నమోదు చేసి సబ్మిట్ బటన్ క్లిక్ చేస్తే హాల్ టికెట్ స్క్రీన్పై ప్రత్యక్షమవుతుంది.
టీజీ సీపీగెట్ ఎంట్రన్స్ టెస్ట్ ద్వారా రాష్ట్రంలోని ఉస్మానియా యూనివర్సిటీ, కాకతీయ యూనివర్సిటీ, తెలంగాణ యూనివర్సిటీ, మహాత్మాగాంధీ యూనివర్సిటీ, పాలమూరు యూనివర్సిటీ, శాతవాహన యూనివర్సిటీలతో పాటు జవహర్లాల్ నెహ్రూ టెక్నాలజీకల్ యూనివర్సిటీ (JNTUH) హైదరాబాద్, వీరనారి చాకలి ఐలమ్మ ఉమెన్స్ యూనివర్సిటీ, మన్మోహన్సింగ్ ఎర్త్ సైన్సెస్ యూనివర్సిటీ (కొత్తగూడెం) లలో పీజీ కోర్సుల్లో ప్రవేశాలు కల్పిస్తారు.
పరీక్షా విధానం, షిఫ్టుల సమయాలు:
అన్ని సబ్జెక్టుల ప్రవేశ పరీక్షలు 90 నిమిషాల (గంటన్నర) వ్యవధితో ఉంటాయి. ప్రశ్నాపత్రంలో మొత్తం 100 మార్కులకు గాను 100 ఆబ్జెక్టివ్ (మల్టీపుల్ ఛాయిస్) రకం ప్రశ్నలు ఇస్తారు. పరీక్షలను ప్రతిరోజూ మూడు షిఫ్టుల్లో నిర్వహిస్తారు. మొదటి షిఫ్ట్ ఉదయం 09:30 గంటల నుంచి 11:00 గంటల వరకు, రెండో షిఫ్ట్ మధ్యాహ్నం 01:00 గంటల నుంచి 02:30 గంటల వరకు, మూడో షిఫ్ట్ సాయంత్రం 04:30 గంటల నుంచి 06:00 గంటల వరకు జరుగుతుంది.