తెలంగాణ ఇంటర్మీడియట్ విద్యా మండలి(TGBIE) రాష్ట్రంలోని ఇంటర్ విద్యార్థులకు సంబంధించి ఒక అత్యంత కీలకమైన నిర్ణయం తీసుకుంది. సైన్స్ గ్రూపుల (ఫిజిక్స్, కెమిస్ట్రీ, బోటనీ, జువాలజీ) ప్రాక్టికల్ పరీక్షల సరళిని పూర్తిగా పునర్వ్యవస్థీకరిస్తూ సరికొత్త సర్క్యులర్ను జారీ చేసింది. నూతన విధానం ప్రకారం ఇకపై ఇంటర్ ప్రథమ, ద్వితీయ సంవత్సరాల విద్యార్థులకు విడివిడిగా ప్రాక్టికల్ పరీక్షలను నిర్వహించనున్నారు. అంటే ఫస్ట్ ఇయర్లోనూ ప్రాక్టికల్స్ ఉంటాయి.
గతంలో ఇంటర్మీడియట్ ద్వితీయ సంవత్సరంలో మాత్రమే ప్రాక్టికల్ పరీక్షలు నిర్వహించేవారు. కానీ కొత్త నిబంధనల ప్రకారం ఈ విధానాన్ని మార్చారు. ఫిజిక్స్, కెమిస్ట్రీ, బోటనీ, జువాలజీ సబ్జెక్టులకు ఇంటర్ ప్రథమ సంవత్సరం 15 మార్కుల చొప్పున ప్రాక్టికల్స్ మార్కులు ఉంటాయి. ఇంటర్ ద్వితీయ సంవత్సరం కూడా 15 మార్కుల చొప్పున ప్రాక్టికల్స్ ఉంటాయి. సైన్స్ సబ్జెక్టుల థియరీ పరీక్షలు యథావిధిగా 60 మార్కులకే కొనసాగుతాయి. కాకపోతే ప్రాక్టికల్ పరీక్షల మార్కులను విభజించి.. రెండు సంవత్సరాలకు కేటాయించారు.
ఈ ప్రాక్టికల్ పరీక్షలను మొదటి సంవత్సరం, రెండో సంవత్సరం విద్యార్థులకు విడివిడిగా ఎక్స్టర్నల్ పర్యవేక్షణలో అధికారికంగా నిర్వహిస్తారని బోర్డు స్పష్టం చేసింది.
ఈ మార్పులకు అనుగుణంగా ఫిజిక్స్, కెమిస్ట్రీ, బోటనీ మరియు జువాలజీ సబ్జెక్టులకు సంబంధించిన కొత్త ల్యాబ్ మాన్యువల్స్ను ఇంటర్ బోర్డు తన అధికారిక వెబ్సైట్ (www.tgbie.cgg.gov.in) లో అందుబాటులో ఉంచింది. ఈ ల్యాబ్ మాన్యువల్స్లో ప్రాక్టికల్ సిలబస్, మోడల్ క్వశ్చన్ పేపర్లు, వార్షిక విద్యా ప్రణాళిక ప్రకారం నెలవారీగా అనుసరించాల్సిన షెడ్యూల్ వివరాలు పొందుపరిచారు.
ప్రిన్సిపాల్స్కు కీలక ఆదేశాలు
నూతన విద్యా ప్రణాళిక అమలుకు సంబంధించి తెలంగాణ ఇంటర్ బోర్డు జూనియర్ కళాశాలల ప్రిన్సిపాల్స్, యాజమాన్యాలకు మార్గదర్శకాలను జారీ చేసింది.
{{/usCountry}}నూతన విద్యా ప్రణాళిక అమలుకు సంబంధించి తెలంగాణ ఇంటర్ బోర్డు జూనియర్ కళాశాలల ప్రిన్సిపాల్స్, యాజమాన్యాలకు మార్గదర్శకాలను జారీ చేసింది.
{{/usCountry}}నిర్దేశిత ప్రాక్టికల్ సిలబస్, వార్షిక విద్యా ప్రణాళిక ప్రకారం ల్యాబ్ తరగతులను క్రమం తప్పకుండా, పద్ధతిగా నిర్వహించాలి.
ప్రాక్టికల్ పరీక్షలు ప్రారంభం కావడానికి ముందే విద్యార్థులందరూ ల్యాబ్ మాన్యువల్లో సూచించిన అన్ని ప్రయోగాలు, యాక్టివిటీలను పూర్తి చేసేలా చూడాలి.
ప్రతి విద్యార్థి ప్రాక్టికల్ రికార్డును సరిగ్గా నిర్వహించేలా చూడాలి. ఈ రికార్డులను ఎక్స్టర్నల్ పరీక్షల సమయానికి సిద్ధం చేయాలి.
ప్రాక్టికల్ పరీక్షల నిర్వహణ, అటెండెన్స్, అవార్డు లిస్టులు, ఇతర రికార్డుల భద్రత ఇంటర్ బోర్డు నిబంధనల ప్రకారమే జరగాలి. పరీక్షల్లో ఎలాంటి అవకతవకలు లేదా మాల్ప్రాక్టీస్ జరిగినా కఠిన చర్యలు ఉంటాయి.
ఈ నూతన మార్పులను తక్షణమే విద్యార్థులకు, ప్రిన్సిపాల్స్కు చేరవేసి, కొత్త అకడమిక్ ప్లాన్ ప్రకారం ప్రాక్టికల్స్ జరిగేలా చూడాలని జిల్లా ఇంటర్మీడియట్ విద్యాధికారులు, నోడల్ అధికారులను బోర్డు సెక్రటరీ ఆదేశించారు.