టీజీపీఎస్సీ జాబ్ నోటిఫికేషన్.. టౌన్ అండ్ కంట్రీ ప్లానింగ్ శాఖలో ఉద్యోగాలు.. భారీ జీతం

TGPSC Recruitment 2026 : నిరుద్యోగులకు తెలంగాణ పబ్లిక్ సర్వీస్ కమిషన్ శుభవార్త చెప్పింది. టౌన్ అండ్ కంట్రీ ప్లానింగ్ శాఖలో ఉద్యోగాలకు నోటిఫికేషన్ విడుదల చేసింది.

తెలంగాణలో ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు తెలంగాణ పబ్లిక్ సర్వీస్ కమిషన్ (TGPSC) ఒక అద్భుతమైన శుభవార్త అందించింది. టౌన్ అండ్ కంట్రీ ప్లానింగ్ డిపార్ట్‌మెంట్‌లో ఖాళీగా ఉన్న అసిస్టెంట్ డైరెక్టర్ ఆఫ్ టౌన్ ప్లానింగ్ (Assistant Director of Town Planning) పోస్టుల భర్తీకి నోటిఫికేషన్ విడుదల చేసింది. అర్హత, ఆసక్తి కలిగిన అభ్యర్థులు అధికారిక వెబ్‌సైట్ ద్వారా ఆన్‌లైన్‌లో దరఖాస్తు చేసుకోవచ్చు.

టీజీపీఎస్సీ జాబ్ నోటిఫికేషన్

టీజీపీఎస్సీ టౌన్ అండ్ కంట్రీ ప్లానింగ్ శాఖలో అసిస్టెంట్ డైరెక్టర్ ఆఫ్ టౌన్ ప్లానింగ్ పోస్టుల భర్తీకి నోటిఫికేషన్ విడుదల చేసింది. మొత్తం 10 మల్టీ జోనల్ పోస్టులు ఉండగా 01/07/2026 నాటికి 18 నుండి 44 సంవత్సరాల వయసు ఉన్నవారు అర్హులుగా పేర్కొంది.

ముఖ్యమైన తేదీలు

నోటిఫికేషన్ విడుదల తేదీ: 06/07/2026

ఆన్‌లైన్ దరఖాస్తుల ప్రారంభం: 10/07/2026

దరఖాస్తుకు ఆఖరి తేదీ: 17/08/2026 (సాయంత్రం 5:00 గంటల వరకు)

హాల్ టికెట్ల డౌన్‌లోడ్: పరీక్ష తేదీకి 7 రోజుల ముందు నుండి అందుబాటులో ఉంటాయి.

పరీక్ష నిర్వహణ : అక్టోబర్ 2026

ఈ నోటిఫికేషన్ ద్వారా మల్టీ-జోనల్ పరిధిలో మొత్తం 10 అసిస్టెంట్ డైరెక్టర్ పోస్టులను భర్తీ చేయనున్నారు. ఎంపికైన అభ్యర్థులకు నెలకు రూ. 58,850 నుండి రూ. 1,37,050/- వరకు భారీ స్కేల్ వేతనం లభిస్తుంది.

కావాల్సిన అర్హతలు

అభ్యర్థులు బి.ఆర్క్ (B.Arch) లేదా బి.ఈ/బి.టెక్ (సివిల్) లేదా బి.ప్లానింగ్/బి.టెక్ (ప్లానింగ్) లేదా ఎం.ఏ/ఎం.ఎస్సీ (జయోగ్రఫీ) లేదా ఎం.ఎస్సీ (జియోఇన్ఫర్మాటిక్స్) కనీస విద్యార్హతగా కలిగి ఉండాలి. దీనితో పాటు గుర్తింపు పొందిన యూనివర్సిటీ నుండి టౌన్ అండ్ కంట్రీ ప్లానింగ్‌లో పోస్ట్ గ్రాడ్యుయేట్ డిగ్రీ లేదా డిప్లొమా పూర్తి చేసి ఉండాలి. అభ్యర్థుల వయస్సు 01/07/2026 నాటికి కనీసం 18 సంవత్సరాలు నిండి ఉండాలి, గరిష్టంగా 44 సంవత్సరాలు మించకూడదు. తెలంగాణ ప్రభుత్వ నిబంధనల ప్రకారం గరిష్ట వయోపరిమితిని 10 సంవత్సరాలు (34 నుండి 44 ఏళ్లకు) పెంచారు. ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు 5 సంవత్సరాలు, దివ్యాంగులకు 10 సంవత్సరాల వయోసడలింపు లభిస్తుంది.

ఈ పోస్టుల ఎంపిక పూర్తిగా ఆబ్జెక్టివ్ తరహా రాతపరీక్ష (OMR ఆధారిత లేదా CBRT కంప్యూటర్ విధానం) లో సాధించిన మెరిట్ మార్కుల ఆధారంగా జరుగుతుంది. అర్హులైన అభ్యర్థులు టీఎస్‌పీఎస్సీ అధికారిక వెబ్‌సైట్ (https://www.tgpsc.gov.in) ద్వారా ఆన్‌లైన్‌లో దరఖాస్తు చేసుకోవాలి.

ఈ లింక్ క్లిక్ చేసి పూర్తి నోటిఫికేషన్ చదవండి.