సచివాలయంలో బీసీ సంక్షేమ శాఖపై మంత్రి పొన్నం ప్రభాకర్ సమీక్షా సమావేశం నిర్వహించారు. ఆ శాఖ పరిధిలో అమలవుతున్న పథకాలు, గురుకుల పాఠశాలల్లో మౌలిక సదుపాయాలు, ఆత్మగౌరవ భవనాలు, నైపుణ్య శిక్షణ, స్వయం ఉపాధి అవకాశాలపై అధికారులతో చర్చించారు.
మహాత్మా జ్యోతిబా ఫూలే విదేశీ విద్యా నిధి పథకం ద్వారా అర్హులైన విద్యార్థులకు ఎలాంటి జాప్యం లేకుండా పారదర్శకంగా లబ్ధి చేకూర్చాలని ఆదేశించారు మంత్రి పొన్నం. ముఖ్యమంత్రి రేవంత్ రెడ్డి ఆదేశాలు, ఉప ముఖ్యమంత్రి భట్టి విక్రమార్క సూచనల మేరకు 38 ఆత్మగౌరవ భవనాలకు సంబంధించిన జీవోల ప్రక్రియను వేగంగా పూర్తి చేయాలన్నారు.
బీసీ మహిళలకు స్వయం ఉపాధి కల్పించే లక్ష్యంతో చేపట్టిన ఇందిరమ్మ ఇంటింటా కుట్టు మిషన్ల పథకానికి సుమారు 4.80 లక్షల దరఖాస్తులు వచ్చాయన్నారు. నియోజకవర్గానికి వెయ్యి మంది చొప్పున మొత్తం 1.90 లక్షల మంది మహిళలకు లబ్ధి చేకూర్చేలా ప్రణాళిక రూపొందించామని చెప్పారు. డిసెంబర్ 9న కుట్టు మిషన్లు అందించేలా టెండర్ ప్రక్రియతో పాటు ఇతర ఏర్పాట్లు వేగంగా పూర్తి చేయాలని అధికారులను ఆదేశించారు.
'రాష్ట్రంలోని 327 మహాత్మా జ్యోతిబా ఫూలే గురుకుల పాఠశాలల్లో కేవలం 26 పాఠశాలలకే సొంత భవనాలు ఉన్నాయి. మిగిలిన పాఠశాలలకు సొంత భవనాలు కల్పించేలా స్థల సేకరణ, నిర్మాణ అనుమతులు, నిధుల మంజూరుపై చర్యలు తీసుకోవాలని సూచించాను. జిల్లా కలెక్టర్లు నెలకు ఒక గురుకుల పాఠశాలను సందర్శించి సమస్యల పరిష్కారానికి నివేదికలు అందించాలి.'అని మంత్రి పొన్నం ప్రభాకర్ ఆదేశించారు.
బీసీ స్టడీ సర్కిళ్లలో కమిటీ నివేదిక ఆధారంగా సంస్కరణలు చేపట్టి, నిరుద్యోగులకు ఉద్యోగాలే లక్ష్యంగా నాణ్యమైన శిక్షణ అందించాలన్నారు మంత్రి పొన్నం. బీసీ కార్పొరేషన్ ద్వారా శిక్షణ పొందిన వారికి స్వయం ఉపాధి అవకాశాలు కల్పించాలని, చిన్న, మధ్యతరహా పరిశ్రమల స్థాపనకు నైపుణ్య శిక్షణ కేంద్రాలు ఏర్పాటు చేయాలని సూచించారు.
బీసీ వితంతువులు, ఒంటరి మహిళలకు నైపుణ్య శిక్షణ, రజకులకు ఆధునిక ధోబీఘాట్లు, కాటమయ్య రక్షణ కవచాల పంపిణీ, నీరా కేఫ్లు, నందనవనాల అభివృద్ధిపై సమీక్షించారు. ఆయా పథకాలు అర్హులైన లబ్ధిదారులకు చేరేలా అధికారులు సమన్వయంతో పనిచేయాలని చెప్పారు. బీసీ వర్గాలకు స్వయం ఉపాధి అవకాశాలు పెంచడం, గురుకుల విద్యార్థులకు మెరుగైన వసతులు కల్పించడం, సంక్షేమ పథకాలను సమర్థవంతంగా అమలు చేయడమే తమ ప్రభుత్వ లక్ష్యమన్నారు.
{{/usCountry}}బీసీ వితంతువులు, ఒంటరి మహిళలకు నైపుణ్య శిక్షణ, రజకులకు ఆధునిక ధోబీఘాట్లు, కాటమయ్య రక్షణ కవచాల పంపిణీ, నీరా కేఫ్లు, నందనవనాల అభివృద్ధిపై సమీక్షించారు. ఆయా పథకాలు అర్హులైన లబ్ధిదారులకు చేరేలా అధికారులు సమన్వయంతో పనిచేయాలని చెప్పారు. బీసీ వర్గాలకు స్వయం ఉపాధి అవకాశాలు పెంచడం, గురుకుల విద్యార్థులకు మెరుగైన వసతులు కల్పించడం, సంక్షేమ పథకాలను సమర్థవంతంగా అమలు చేయడమే తమ ప్రభుత్వ లక్ష్యమన్నారు.
{{/usCountry}}ఈ సమావేశంలో బీసీ సంక్షేమ శాఖ ప్రిన్సిపల్ సెక్రటరీ రాహుల్ బొజ్జ, కమిషనర్ బాలమాయాదేవి, గురుకులాల కార్యదర్శి సైదులు, ఇతర అధికారులు పాల్గొన్నారు.