రాష్ట్రంలోని ప్రభుత్వ, ప్రైవేట్ మెడికల్, డెంటల్ కళాశాలల్లో ప్రవేశాలకు రంగం సిద్ధమైంది. 2026-27 విద్యాసంవత్సరానికి గాను ఎంబీబీఎస్ (MBBS), బీడీఎస్ (BDS) కోర్సుల్లో ప్రవేశాలకు ఎదురుచూస్తున్న విద్యార్థులకు కాళోజీ నారాయణరావు ఆరోగ్య విజ్ఞాన విశ్వవిద్యాలయం నోటిఫికేషన్ విడుదల చేసింది. ఇందులో భాగంగా నీట్ యూజీ (NEET UG-2026) అర్హత సాధించిన అభ్యర్థుల నుంచి ఆన్లైన్ విధానంలో దరఖాస్తులను స్వీకరిస్తున్నారు.
ఇవాళ్టి నుంచి రిజిస్ట్రేషన్లు…
అర్హులైన అభ్యర్థులు ఇవాళ్టి నుంచే తమ వివరాలను నమోదు చేసుకోవడం ప్రారంభమైంది. దరఖాస్తుల సమర్పణకు ఆగస్టు 12వ తేదీ సాయంత్రం 6 గంటల వరకు గడువు విధించారు.
అభ్యర్థులు ప్రవేశాలకు సంబంధించి అధికారిక పోర్టల్ https://tsmedadm.tsche.in ను సందర్శించి ఆన్లైన్ రిజిస్ట్రేషన్ ప్రక్రియను పూర్తి చేయాల్సి ఉంటుంది. ఆన్లైన్ దరఖాస్తు ఫారమ్ను భర్తీ చేయడంతో పాటు విద్యార్థులు విద్యా అర్హతల సర్టిఫికెట్లు, రిజర్వేషన్ పత్రాలు, స్థానికత, నీట్ ర్యాంక్ కార్డు, ఇతర అవసరమైన ధ్రువపత్రాల ఒరిజినల్ స్క్రాన్డ్ ప్రతులను పోర్టల్లో అప్లోడ్ చేయాలి.
అభ్యర్థులు ఈ ఆన్లైన్ రిజిస్ట్రేషన్, ధ్రువపత్రాల అప్లోడ్ ప్రక్రియను ఒకే ఒక్కసారి మాత్రమే పూర్తి చేయాల్సి ఉంటుందని అధికారులు స్పష్టం చేశారు. తదుపరి కౌన్సెలింగ్ రౌండ్లలో మళ్లీ కొత్తగా సర్టిఫికెట్లను అప్లోడ్ చేసే అవకాశం ఉండదని, కాబట్టి దరఖాస్తు సమయంలోనే అన్ని పత్రాలను జాగ్రత్తగా పరిశీలించుకుని సమర్పించాలని హెచ్చరించారు.
ఆన్లైన్ దరఖాస్తుల స్వీకరణ గడువు ముగిసిన వెంటనే విశ్వవిద్యాలయానికి చెందిన నిపుణుల కమిటీ విద్యార్థులు సమర్పించిన సర్టిఫికెట్లను క్షుణ్ణంగా పరిశీలిస్తుంది. ధ్రువపత్రాల వెరిఫికేషన్ పూర్తయిన తర్వాత… అర్హత సాధించిన అభ్యర్థుల వివరాలతో కూడిన తాత్కాలిక మెరిట్ జాబితాను అధికారిక వెబ్సైట్లో విడుదల చేస్తారు.
వెబ్ ఆప్షన్లు.. సీట్ల కేటాయింపు
తాత్కాలిక మెరిట్ జాబితా వెల్లడైన అనంతరం వెబ్ ఆప్షన్ల నమోదు ప్రక్రియ, కళాశాలల వారీగా లభ్యమయ్యే సీట్ల మ్యాట్రిక్స్, పూర్తిస్థాయి కౌన్సెలింగ్ షెడ్యూల్ను విశ్వవిద్యాలయం ప్రత్యేకంగా ప్రకటించనుంది. వెబ్ ఆప్షన్లు నమోదు చేసే సమయంలో విద్యార్థులు తమకు ఇష్టమైన కళాశాలల ప్రాధాన్యత క్రమాన్ని అత్యంత జాగ్రత్తగా ఎంపిక చేసుకోవాలని,,,, ఆప్షన్ల దాఖలులో పొరపాట్లు దొర్లకుండా చూసుకోవాలని హెల్త్ యూనివర్సిటీ నిపుణులు సూచించారు.
కటాఫ్ మార్కులు ఇలా…
{{/usCountry}}తాత్కాలిక మెరిట్ జాబితా వెల్లడైన అనంతరం వెబ్ ఆప్షన్ల నమోదు ప్రక్రియ, కళాశాలల వారీగా లభ్యమయ్యే సీట్ల మ్యాట్రిక్స్, పూర్తిస్థాయి కౌన్సెలింగ్ షెడ్యూల్ను విశ్వవిద్యాలయం ప్రత్యేకంగా ప్రకటించనుంది. వెబ్ ఆప్షన్లు నమోదు చేసే సమయంలో విద్యార్థులు తమకు ఇష్టమైన కళాశాలల ప్రాధాన్యత క్రమాన్ని అత్యంత జాగ్రత్తగా ఎంపిక చేసుకోవాలని,,,, ఆప్షన్ల దాఖలులో పొరపాట్లు దొర్లకుండా చూసుకోవాలని హెల్త్ యూనివర్సిటీ నిపుణులు సూచించారు.
కటాఫ్ మార్కులు ఇలా…
{{/usCountry}}2026-27 విద్యాసంవత్సరానికి ఎంబీబీఎస్, బీడీఎస్ కోర్సుల ప్రవేశాలకు దరఖాస్తు చేసుకోవడానికి నేషనల్ టెస్టింగ్ ఏజెన్సీ (NTA) ఖరారు చేసిన అర్హత కటాఫ్ మార్కులు, పెర్సంటైల్ వివరాలను కూడా కాళోజో ఆరోగ్య విశ్వవిద్యాలయం ప్రకటించింది.
- జనరల్ / ఇడబ్ల్యూఎస్ (UR/EWS ): 50వ పెర్సంటైల్ — కటాఫ్ స్కోరు 715 నుంచి 213 మార్కులు.
- ఓబీసీ (OBC) : 40వ పర్సంటైల్ — కటాఫ్ స్కోరు 212 నుండి 177 మార్కులు.
- ఎస్సీ (SC) : 40వ పర్సంటైల్ — కటాఫ్ స్కోరు 212 నుండి 177 మార్కులు.
- ఎస్టీ (ST): 40వ పర్సంటైల్ — కటాఫ్ స్కోరు 212 నుండి 177 మార్కులు.
- జనరల్ / ఇడబ్ల్యూఎస్ డిసేబుల్డ్ (UR/EWS & PWD) : 45వ పర్సంటైల్ — కటాఫ్ స్కోరు 212 నుండి 194 మార్కులు.
- ఓబీసీ డిసేబుల్డ్ (OBC - PWD): 40వ పర్సంటైల్ — కటాఫ్ స్కోరు 193 నుండి 177 మార్కులు.
- ఎస్సీ డిసేబుల్డ్ (SC - PWD): 40వ పర్సంటైల్ — కటాఫ్ స్కోరు 193 నుండి 177 మార్కులు.
- ఎస్టీ డిసేబుల్డ్ (ST - PWD): 40వ పర్సంటైల్ — కటాఫ్ స్కోరు 191 నుండి 177 మార్కులు.
విద్యార్థులు ప్రవేశాలకు సంబంధించిన తదుపరి సమాచారం, తాజా వివరాల కోసం విశ్వవిద్యాలయ అధికారిక వెబ్సైట్ ( https://www.knruhs.telangana.gov.in/ ) ను క్రమం తప్పకుండా పరిశీలించాలని సూచించారు.