Wine Shops Closed : ఆగస్టు 4వ తేదీ వరకు వైన్ షాపులు, బార్లు క్లోజ్

Wine Shops Closed : సికింద్రాబాద్ ఉజ్జయిని మహంకాళి జాతర సందర్భంగా కొన్ని ప్రాంతాల్లో వైన్ షాపులు మూసి ఉన్నాయి. ఆగస్టు 4వ తేదీ వరకు క్లోజ్ ఉండనున్నాయి.

ఉజ్జయిని మహంకాళి జాతర (బోనాలు) 2026 ఉత్సవాలు సజావుగా జరిగేలా చూసేందుకు, సికింద్రాబాద్‌లోని కొన్ని ప్రాంతాల్లో మద్యం దుకాణాలను తాత్కాలికంగా మూసివేయాలని హైదరాబాద్ పోలీసులు ఆదేశించారు. ఉత్తర్వుల ప్రకారం మల్కాజిగిరి జోన్‌లోని మార్కెట్, గోపాలపురం పోలీస్ స్టేషన్ పరిధిలో ఉన్న అన్ని వైన్ షాపులు, కల్లు దుకాణాలు, రెస్టారెంట్లకు అనుబంధంగా ఉన్న బార్‌లు ఆగస్టు 2వ తేదీ ఉదయం 6 గంటల నుండి ఆగస్టు 4వ తేదీ ఉదయం 6 గంటల వరకు మూసి ఉంటాయి.

ప్రతీకాత్మక చిత్రం

సికింద్రాబాద్‌లోని ఉజ్జయిని మహంకాళి ఆలయానికి పెద్ద సంఖ్యలో భక్తులు తరలివచ్చే వార్షిక బోనాల ఉత్సవాల సందర్భంగా భద్రత, శాంతిభద్రతల ఏర్పాట్లలో భాగంగా ఈ ఆంక్షలను విధించారు. తాత్కాలిక ఆంక్షలకు సహకరించి, బోనాలు ఉత్సవాలు శాంతియుతంగా, సజావుగా జరిగేలా చూడటంలో అధికారులకు సహకరించాలని పోలీసులు ప్రజలకు విజ్ఞప్తి చేశారు.

333 డ్రంక్ అండ్ డ్రైవ్ కేసులు

సైబరాబాద్ ట్రాఫిక్ పోలీసులు వారాంతంలో మద్యం తాగి వాహనం నడపడంపై ప్రత్యేక తనిఖీ నిర్వహించగా 333 మందిని అరెస్టు చేశారు. 333 మందిలో 269 మంది బైక్‌లకు సంబంధించినవారు, 11 మంది ఆటోలు, 51 మంది నాలుగు చక్రాల వాహనదారులు, ఇద్దరు భారీ వాహనాలకు సంబంధించినవారు ఉన్నారు.

ట్రాఫిక్ అదనపు డిప్యూటీ కమిషనర్, అడ్మిన్, జి నరేందర్ మాట్లాడుతూ.. మద్యం సేవించినవారందరినీ కోర్టులో హాజరుపరుస్తామని తెలిపారు. మద్యం సేవించి వాహనం నడపడం తీవ్రమైన నేరమని సైబరాబాద్ పోలీసులు చెప్పారు. ఎవరైనా మద్యం సేవించి వాహనం నడుపుతూ ప్రమాదానికి కారణమైతే, అటువంటి వ్యక్తులపై భారతీయ న్యాయ సంహిత, 2023లోని సెక్షన్ 105 కింద కేసు నమోదు చేస్తారు. ఈ సెక్షన్ కింద గరిష్ట శిక్ష జరిమానాతో పాటు 10 సంవత్సరాల జైలు శిక్ష ఉంటుంది.